Feb,27,2008
Asalamu Calaykum Waraxmatulahi wabarakaatuhu, Salaanta Islaamka sharafta leh dabadeed, Aniga oo ku hadlaya Magaca ururka Horumarinta Dhalinyarada iyo Ciyaaraha Jamuuriyada Somaliland ee Gurmad gudigiisa dhexe, Tageerayaasha ururka iyo waliba Hawlwadeenada isxilqaamay ee goorwalba tageerada la garab jooga ururkan Gurmad, Waxaan halkan uga mahadcelinayaa Dhamaan Dhalinyaradii, Uraradii , Aqoonyahanadii, Haweenkii ka qayb qaatey bixinta lacagtii loo ururiyey dhismaha garoonka kubada Cagta ee Xasan Sheekh Muumin Borama oo horey lagu magacaabi jiray garoonka Biroole. Waxa sharaf Ururka Gurmad u ah inuu garoonka ugu magac daray Allaha u naxariistee Abwaankii qaaliga ahaa Xasan Sheekh Muumin.

Lacagta uu Ururka Gurmad ururiyey oo dhan $18,115 sideed iyo tobankun, boqol iyo shan iyo toban doolarka Maraykanka ah ayaa gabi ahaanba Ururka Gurmad ku kaydiyey Qasnada dhexe ee Ururka oo ah ( Gurmad Organization Account #DO580 Dahabshil Borama ) laba kharash ayaa ka baxay qasnada oo kala ah:

1- Shan iyo labaatan Lawdh oo dhaaxaan ah oo uu ururku ku shubay Garoonka oo qiimahoodu dhanaa $623 lix boqol iyo sadex iyo labaatan doolarka Maraykanka ah.
2-Kharashka kale wuxuu ahaa laba Boodh ama tabeele hadba sida aad utaqaanid oo uu Ururka Gurmad ku dhajiyey Albaabka Garoonka Boodhadhkan oo muujinaya Magacbixintii Garoonka loogu maagcdaray Allaha u naxariistee Abwaan Xasan Sheekh Muumin, Boodhashaa oo lagu beegay Aaskii Marxuumka laguna sharfey Abwaanka Allaha u naxariistee. Boodhashaa qiimiga ku baxay waxay dhanaayeen $190 Boqol iyo sagaashan doolarka maraykanka ah waxana labadaa Mashruuc loo xilsaaray fuliyeyna Dahir Axmed Jirde oo ah xubin Muhiim ah oo ka tirsan Ururka Gurmad isla markaana ah Wariyaha Saylac.com ee fadhigiisu yahay Boorama.

Ma jiraan Kharash kale oo ka baxay qasnada oo aan ahayn labadaa mashruuc ee aanu kor ku xusnay. Ururka Gurmad wuxuu halkan ku cadaynayaa inay lacagta inteedii kale  oo dhan $17,302.00 ay ku jirto Qasnada Dhexe ee Ururka Gurmad Account#D0580 Dahabshil Borama.

Ururka Gurmad  waxa ka go'an  inuu  fuliyo amaba meelmariyo hadafkii iyo ujeedadii lagactan loo ururiyey oo ahayd dhismaha iyo dhamaystirka Garoonka Kubada Cagta ee Xasan Sheekh Muumin. Ururka Gurmad waa Ururka kaliya ee ay si xawli ah ugu bahoobeen dhalinyarta qurbojooga reer Awdal oo isku aragti ka qaba in dhalinyartii Gobolka loo dhiso garoonka Xasan sheekh Muumin oo waxweyn ka tari doona baahida Ciyaaraha ee Gobolka. Waxa Xusuus mudan in Ururka Gurmad la asaasay wakhti ka yar sanad hadana uu ka horeeyo ururo hore oo la asaasay tobanaan sano xag tayo iyo aaminimo intaba. Ujeedada Ururka dhaxalsiisey inuu hanto quluubta dhalinyarada Reer Awdal ayaa waxay tahay inuu Ururka Gurmad uu yahay mid ka hufan Qolo iyo Siyaasad labada kaliya waxa isku keenay dhalinyaradan aduunka ku kala noolina ay tahay oo kaliya HORUMARINTA CIYAARAHA GOBOLKA. Ururka Gurmad wuxuu warbixintan ku cadaynayaaa in wixii ka baxsan Horumarinta Ciyaaraha Gobolka Awdal aanay ahayn shucuurta ururka cidii ururka ka tirsan ama tageerta ee iyagu la yimaada waxa ka baxsan Horumarinta Ciyaaraha Gobolkana aanay marnaba ku hadlayn magaca ururka ee shakhsi ahaantooda ay gooni u tahay.


Gudiga dhexe ee Ururka Gurmad waxay dhawaan soo saari doonaan qorshaha Garoonka lagu dhisayo isla markaana waxay Hay'adaha Caalamiga ee deeqaha bixiya, Wasaarada Dhalinyarada iyo Ciyaaraha Jamuuriyada Somaliland iyo cidii kale ee ciyaaraha jecelba ka codsanayaan inay ka qayb qaataan tageerada dhismaha garoonka si ay u suurto gasho ina si dhakhso ah loo dhamays tiro dhismaha garoonka oo lagu qiyaasay inay ku bixidoonta lacag dhan $150,000 boqol iyo konton kun oo doolarka maraykanka ahi.

Gudiga dhexe ee Ururka Gurmad waxa uu halkan ka cadaynayaa inuu goorwalba heelan u yahay istixgalinta, wadashaqaynta, iyo maamuusida umada walaalaha ah ee Somaliland ee iskugu jirta , Culimaa Udiin, Aqoonyahan, dhalinyaro, iyo Siyaasi intaba.. Gabagabadii Warsaxaafadeedkan Waxa uu Ururka Gurmad Mahadnaq aan la soo koobi karin usoo jeedinayaa dhamaan xubnaha ururka Gurmad ee Qurbajooga ree Awdal meelkasta oo ay joogaan wuxuuna ku dhiiri galinayaa inay wadajir wax ku qabsan karaan.

Ugu danbayn cidii su'aal ka qabta qorshaha dhismaha garoonka iyo maaliyada taala Sanduuqa Dhexe ee Ururka Gurmad oo ah Dahabshil Boorama waxaan ku soo dhaweynaynaa inay la soo xidhiidhi karaan:

Gudoomiyaha Ururka Gurmad Mudane Faysal Daahir Aabadiid (Faysal Dacawo) Tell:004793816172 email abadid07@hotmail.com
Xiyaabiyaha Ururka Gurmad Mudane Muxyadin Warsame Tell: 0014697679678 emailwarsame5@hotmail.com Hadii aad rabtid inaad ogaatid lacagta ama aad tageero ku daraysid waxa kale oo aad wici kartaa Wakiilka Dahabshil ee Borama Riraash Cell:252-24456006.



WABILAAHI TAWFIIQ

FAYSAL ABADIID (FAYSAL DACAWO
GUDOOMIYAHA URURKA GURMAD
NORWEY OFFICE
FAYSAL DAAHIR ABADID