|
|
 |
|
| |
Xaafadaha Degmooyinka Hodan
iyo H/Wadaag oo ay weli ka socdaan Barakac xoogan.
Sept,29,2008
(Muqadisho:Saylac.Com)- Iyadoo qeybo ka mid ah
degmada Hodan ay marti u noqdeen dagaalo culus ee u
dhaxeeya ciidamada Uganda iyo xoogaga Raaskambooni
ayaa deegaanadaasi waxaa ka bilaawady barakacii ugu
xooganaa.
Goobaha ay dadku ka barakacayaan waxaa ka mid ah
guud ahaa degmada Hodan iyo xaafadaha kuteedsan iyo
wadada Aada garoonka Diyaaradaha,waxaaana saakay
wadooyinkaasi lagu arkayay dad weyne aad u fara
badan oo ka firxaday dagaalada ka jira deegaanadaasi.
Dadka ka barakacaya deegaanadaasi ayaa waxa ay u
badan yihiin Caruur,Haween iyo dad da'ah kuwaasi oo
tibaaxay in ay raadinayaan goob ka nolol wanaagsan
degamada Hodan ee Gobolka banaadir.
Ciidamada Uganda markii Weerar ay ku soo qaadaan
xoogaga Muqaawamada ah waxa ay madaafiic ku
garaacaan goobaha ay degan yihiin dadka rayidka ah
kuwaasi oo aan ku lug laheyn rabshadaha ka jira
magaalada Muqdisho.
Dadkaan ka barkacaya deegaanadaasi ayaa waxa ay ku
soo aadeysaa xili xalay deegaanadaasi ay isku fara
saareen xoogaga raas kambooni,dagaalyahanada Al-shabaab
oo isku dhan ah iyo ciidamada Uganda kuwaasi oo
madaafiic u qeybiyay qeybo ka mid ah degmooyinka
Hodan iyo H/wadaag taasina ay sababtay dhimasho iyo
dhaawac soo gaaray dad rayid ah.
Xirnaashaha garoonka diyaaradaha ee Muqdisho oo
sabahay in la xaraasho hilib loo dhoofin
lahaa...Sept,29,2008
(Muqadisho:Saylac.Com)- Shirkad ka ganacsata hilibka
xoolaha oo xarunteedu tahay Muqdisho ayaa waxay
sheegeen inay xaraashayaan hilib qalan oo lagu waday
in loo dhoofiyo dalka Imaaraadka Carabta, balse u
baaqday xirida garoonka diyaaradaha Muqdisho.
Wakiilka shirkadan oo oo lagu magacaabo C/qaadir
ayaa warbaahinta ka sheegay in hilibka ay
xaraashayaan uu gaarayo 20-kun oo neef oo ari ah,
isagoo sheegay inay dadka kaga iibinayaan qiimo aad
u jaban.
"Hilibka caafimaadkiisu waa mid wanaagsan, waxaana
la mariyay shaybaarayaal ay warshadda qashay
leedahay, marka caafimaadkiisa waa mid lagu kalsoon
yahay" ayuu yiri C/qaadir oo ka jawaabayay su'aal
ahayd in caafimaadka xoolaha qalan uu is badlay
maadaama ay muddo qaboojiyeyaal ku jireen.
Xiridda garoonka diyaaradaha ee Muqdisho ayaa
sababay inay baaqdaan ganacsiyo badan oo laga
dhoofin lahaa Muqdisho, halka kuwo badan oo imaan
lahaana ay baaqdeen
Madaxa Isbitaalka Madiina Dr. Max'ed Yuusuf oo la
hadlay warbaahinta ayaa sheegay in dhaawacyadii ka
dhashay dagaalo iyo duqeymo ka dhacay caasimada ay
qaarkood u baahan yihiin caafimaad dibada ah, balse
uu garoonku xiran yahay
Xoogaga Al-shabaab oo dagaal kala horjeeda Dolada
TFG-da ah iyo ciidamada shisheeye ee ku sugan
Soomaaliya ayaa waxay sheegeen in garoonka aan la
isticmaali karin, iyagoo dhowr jeer duqeeyay, kaddib
markii ay diyaarado soo cagodhigteen.
Dagaal xalay ka dhacay Muqdisho, iyo qarax lala
beegsaday ciidamo Ethiopian ah oo uu....Sept,29,2008
(Muqadisho:Saylac.Com)- Dagaal aad u xoogan oo aan
la garanayn khasaaraha rasmiga ah ee uu geystay ayaa
xalay ka dhacay Muqdisho, wuxuuna dagaalkaasi u
dhexeeyay kooxaha ka horjeeda Dowalda TFG-da ah,
ciidamada Ethiopia iyo kuwa AMISOM.
Saldhigyo ay dagan yihiin ciidamada Dowalda TFG-da
oo ku yaala Isgoyska Sayidka iyo saldhigyada
ciidamada AMISOM ee ku yaalla KM4 ayaa weeraro isku
mid ah lagu qaday gallinkii dambe ee xalay.
Wararka hordhacaha ee soo baxaya ayaa waxay
sheegayaan in dagaalkii xalay ay ku dhinteen saddex
Ruux oo uu ku jiray sarkaal ka tirsan ciidamada
Dowalda TFG-da ka mid ah, halka ay ku dhaawacmeen
14-qof oo u badan rayid.
Howlwadeenada Isbitaalka Madiina ayaa u xaqiijiyay
saxaafada in la soo gaarsiiyay Isbitaalkaas
14-dhaawac ah, kuwaasoo u badan caruur iyo haween ay
jirkooda ka muuqdaan fikirka madaafiic ku dhacday
guryahooda.
Goobaha ay madaafiicdu sida weyn ugu dhaceen ayaa
waxaa ka mid ah: degmada Hodan, Degmada Howlwadaag
iyo Degmada Wadajir, waxaana madaafiic ku dhacay
xaafadahaan laga tuurayay fariisimaha ay ciidamada
Dowalda TFG-da ah iyo kuwa AMISOM ku leeyihiin
magaalada Muqdisho.
Saraakiisha AMISOM iyo kuwa Dowalda TFG-da ah ayaan
ka hadlin dagaalkaas, waxaana dagaalka sheegtay
xoogaga Raas-kanbooni oo ku cusub saaxada dagaallada
Muqdisho, iyagoo qiray in dhankooda ay ka
dhaawacmeen shan qof.
Max'ed Ibraahin Raage
Saylac.Com Muqdisho Somalia.
|
|
|
