|
|
 |
|
| |
Golaha midnimada Beelaha
Samaroon oo lagu dhawaaqay Maanta..
Oct,22,2008
Djibouti(Saylac.com)- Shir telefoon oo ay shalay
yesheen in ka badan 42 qof oo isugu jira; Saladiin,
Aqoonyahano, Tijaar, Arday iyo xubno ka tirsan
ururada haweenka ee Jaaliyadaha Awdal ayaa waxa si
weyn looga hadlay inay soo gaadhay wakhtigii umada
la badbaadin lahaa isla markaana loo samayn lahaa
gole loo dhan yahay oo lagu magacaabo (Golaha
midnimada Beelaha Samaroon) .
Golahan ayaa waxa uu dhaqarka u dhigan doonaa sidii
danta guud ee Beesha loo ilaalin lahaa isla markaana
si wadda jira looga hortagi lahaa tafaraaruq dhaqan
iyo mid siyaasadeedba.
Inkastoonan shalay la magacaabin waxa gudi ah
madaama aanay dadku u wada dhanayn kulankii shalay
waxa lagu balamay in la lafa guro si wada jirana loo
dhiso golo sadex gesood ah oo loo dhan yahay kuna
hanaqaada danta guud ee Beelaha Samaroon.
Qodobadii shalay laga wada hadlay waxa ka mid ahaa:
1- In la sameeyo gudi salbalaadh ah oo u
hawlgasha danaha guud ee Beesha.
2- In la sameeyo qodobo dastuuri ah oo aan
cidina ka talaabsan karin oo biri ma gayda ah si loo
gaadho hadafka guud ee Beelaha Samaroon.
3- In Gudi- hoseed hoose loo sameeyo
hay'adaha samafalka ka hawlgala gobolka Awdal
gudigaas oo hawshiisu noqon doonto inay si buuxda
ula shaqeeyaan ururada samafalka wadaniga ah isla
markaana awood u leh inay xaliyaan khilaaf kasta oo
soo wajaha wada shaqaynta ururada ka hawl gala
gobolka Awdal.
4- In la dardar galiyo soo celinta Ugaaska
Samaroon iyo doorka uu ku yeelan karo go'aamada
bulshada uu matalo si xooglehna loo garab istaago
lagana soo saaro qodobo dastuuri isagoo la raacayo
tariikhdii hore ee sadex dhadhaar iyo dhariga.
5- Dhinaca siyaasada oo shalay aad looga
hadlay ayaa waxa la isku raacay in beelwalba oo ka
tirsan Beelaha Awdal ay xaq u leedahay dano-
hooseedyada iyada u gaarka ah sida; xisbiyada
somaliland iyo la hawlgalidooda. waxase laga wada
hadli doonaa sidii siyaasad dhexdhexaad ah oo danaha
gobolada Salal iyo Awdal xeer qoran looga soo saari
lahaa xeerkaas oo uu ku gudiga midaynta Beelaha
Samaroon u hawl gali doono.
6- In Gorgortan xoogleh lala galo Beelaha
dhexe ee Somaliland waxna laga bedelo dastuurka iyo
habqaybsiga kuraasida Baarlamaanka Somaliland
hawshan oo uu Golaha Midaynta Beelaha Samaroon uu u
hawl gali doono.
7- In Beelaha Samaroon Meelkasta oo ay degan
yihiin lala socodsiiyo xeerka ama dastuurka kama
danbaysta ah ee lagu heshiiyo si ay u dhaqan
galiyaan xeer hoosyeedadoodana ay ugu daraan xeerka
Samaroon ee guud.
8- Ugu danbayntii in dawlada somaliland ama
dawladaha kale ee Jamuuriyada Soomaaliland yeelan
doonto lagu qanciyo inay golahan Beelaha Samaroon
kala xaajooto arimaha xeer dhaqaneed ee ku wajahan
danaha Beelaha Samaroon, isla markaana ay tixgalin
Beel qaraneed ay siiso golaha Midaynta Beelaha
Samaroon ee la samayn doono.
9- Golaha Midaynta Beelaha Samaroon ayaa waxa
uu ka koobnaan doonaa ; Ugaaska Beelaha samaroon ,
Gudi isku dhafa oo iskugu jira sadexda Belood ee ugu
waaweyn Beelaha Samaroon: Habarcafaan, Makaahiil iyo
Maxadcase. Xulashada gudiga golahan midaynta Beelaha
Samaroon ayaa waxa lagu qiimayn doonaa waxqabadka
iyo kartida iyo waliba aqoonta ay u leeyihiin
midaynta Beelaha Samaroon.
Kulankan oo curad ahaa ama bilawday shalay ayaa
maalinta sabtida inagu soo fooleh waxa uu mar labaad
looga wada hadli doonaa sidii qodobada aanu kor ku
xusnay loogu gogol xaadhi lahaa gudi isku dhaf ahna
loo magacaabi lahaa.
Hadii aad xiisaynaysid inaad ka qayb qaadatid fadlan
la xidhiidh saylacnews@yahoo.com
Xubnaha muhiimka ah ee shalay ka qayb galay shirka
Dr. Liban Ahmed & Qareen Nuur Muxumed & Ganacsade
Siciid Aw Maxamed & Abwaan Maxamuud Cabdilahi
Rooble & Fanaan Cabdinuur Alaale & Ganacsade Hassan
Kaamil
Hussein, Osman
Saylac.com
Djibouti, Djibouti
|
|
|
