dhegayso Max'ed Siyaad Barre.

Maanta oo ku beegan 21-kii Oktoobar, iyadoo 18-sano aan la xusin Kacaankii majaraha u hayay Somali.

(Muqdisho:Saylac.com)-Maanta oo kale dalka Soomaaliya oo dhan waxaa laga dhigi jiray xuskii Kacaankii 21-ka Oktoobar, iyadoo shaqooyin iyo goboobaha Waxbarasho la fasixi jiray, dadkuna ay ahaayeen kuwo dhigaya dabaaldaga maalintaas iyo kuwa daawanaya qaabka ay ciidamada Qalabka sida ay u soo bandhigi Jireen Fantasiyaha Gaado ka cayaarka ah.

Haddaba waxaa is weydiin mudan 21-kii Oktoobar maxay ahayd? su'aashaas jawaabeetu waa maalintii ay ciidamada xooga dalka Soomaaliyeed afgambi ku qabsadeen dalka Soomaaliya, kaddib dhimashadii Madaxweynihii Soomaaliua Marxuum C/rashiid Cali Sharma'arke.

Marxuum Maxamed Siyaada Barre ayaa afgambigaas kaddib dalka xukunkiiisii majaraha u qabtay, waxaana Raadiyo Muqdisho laga bilaabay heeso lagu taageerayo xukunka Milateriga ah oo dalka xukumayay 21-sano.


21-ka Oktoobar, waxaa lagu xusi jiray gaardis, qalabka ciidamada oo loo soo bandhigo shacabka Soomaaliyeed, heeso wadani ah iyo weliba iyadoo loo ekeysiinayo Magaalooyinka dalka oo dhan kuwo aad u qurux badan oo lagu xirayo nalal kala duwan .

Xukunkii Kacaanka ee uu hoggaaminayay Maxamed Siyaad Baarre waxaa talada ka tuuray Jabhadii kacdoomay ee ay horkeceeysay ururkii USC, iyadoo wixii xiligaas ka dambeeyay uu dalka Soomaaliya noqday mid ka bixi waayay dagaalo sokeeye iyo awood kala bursi taasi oo markii danbe sababtay in maanta ay ciida ummada Soomaaliyeed soo caga dhigtaan Cadawga Soo Jireenka ah.

Maamullada Puntland iyo Somaliland ayaa noqday maamullo ka fikiray danaha shacabkooda, sameysatayna deegaano ka nabdoon dagaalada ka dhacaya Soomaaliya inteeda kale, iyadoo Somaliland ay sheegtay inay ka go'day Soomaaliya inteeda kale.

Soomaaliya 18-kii sano ee dagaallada sokeeye ay socdeen lagama xusin dalka maalintan oo kale, iyadoo dadka Soomaaliyeed ay xiligaan dib u gocanayaan ka hadalka 21-ka Oktoobar iyo xusaskii loo dhigi jiray.


Dagaallo sababay khasaarooyin dhaawac iyo dhimasho ayaa maanta ka dhacay degmooyin ka tirsan...
Oct,21,2008
(Muqdisho:Saylac.com)-Dagaallo maanta ka kala dhacay degmooyinka Dharkeynley iyo Huriwaa ayaa sababay dhimashada qof rayid ah iyo dhaawaca in ka badan shan qof oo ay ku jiraan dhinacyadii dagaalamay.

Kooxaha ka horjeeda siyaasada TFG-DA ah ayaa weerar lama filaan ah ku qaaday saakay saldhigga Degmada Dharkeynley ee Gobolka Banaadir, iyadoo halkaas ay ku dhaawacmeen laba askari iyo mid ka mid ah mucaaradkii weerarka qaaday.

Saldhigga Galbeed ayaa lala wareegay qadar kaddib iyadoo askartii saldhiggaas ku sugnaa ay ka carareen halkaas, iyadoo qadar kaddib dib ugu soo laabtay saldhigga, markii ay halkaas baneeyeen kooxihii weerarka soo qaaday.

Dagaalka ayaa waxaa ka qaybqaadanayay gadiid dagaal oo ay wateen xoogaga mucaaradka, iyadoo ay noqonayso markii ugu horeysay oo ay mucaaradku ku weeraraan gaadiid dagaal saldhig ka tirsan kuwa Muqdisho.

Sidoo kale dagaal uu qof ku dhintay laba kalena ay ku dhaawacmeen ayaa isagana maanta ka dhacay degmada Huriwaa iyadoo la weeraray ciidamo ka tirsan kuwa TFG-DA ah iyo kuwa Ethiopia oo howlgallo baaritaano ah ka waday degmadaas.

Dagaaladani ayaa waxaa ay qeyb ka yihiin weerarada joogtada ah ee lagaga soo hor jeedo cidamada Shisheeye ee ku sugan gudaha Dalka
Howlihii Dekeda Muqdisho oo maalintii labaad hakad ugu jira muran la xiriira Lacago lagu kordhiyay Gaadiidka ka shaqeeya Dekedda

(Muqdisho:Saylac.com)-Howlihii Dekeda Muqdisho ayaa maalintii Labaad hakad ku jiray, iyadoona uu wali muran ka taagan yahay lacago la sheegay in lagu kordhiyay Gaadiidka ka shaqeeya Dekeda, taasoo keentay in gaadiidleyda iyo Raga xamaalatada ah ay shalay ku dhawaaqaan shaqo joojin hakad gelisay dhaq dhaqaaqii Dekeda.

Maamulka Dekedda Magaalada Muqdisho ayaa waxay iska fogeeyeen inay wax raad ah ku lahayn ama wax shaqo ah ku lahayn lacago la sheegay in lagu kordhiyay gaadiidka ka howlgala gudaha Dekedda kuwaas oo qaada Xamuulka kala duwan ee Dekedda ka soo dega

Kusimaha Maareeyaha Dekeda Muqdisho ahna Kuxigeenka Maareeyaha Yaasiin C/llaahi Maxamed ayaa sheegay in maamulkoodu aysan wax shaqo ah ku laheeyn lacagaha lagu kordhiyay gaadiidka ka shaqeeya Dekeda taasoo keentay in howlihii dekada ay hakad galaan.

Maalintii Shalay ayay aheyd markii uu hakad ku yimid howlhii dekada kadib markii ay shaqo joojin ku dhawaaqeen gaadiidka xamuulka ee ka shaqeeya Dekada kuwaasi oo ka cabanaya lacago lagu kordhiyay.

Iyadoo markii horeba lacagaha laga qaado Dekedda Muqdisho la aaminsanaa inay galeysay Jeeb dad gaar ah ayaa haddana tani waxay ka mid tahay dhibaato hor leh oo lagu saa'idiyay Shacabka Soomaaliyed.



Shilal ka dhacay Gobolka Sh/ dhexe oo sababay inay dhowr qof dhintaan kuwo kalena dhaawacmaan.

(Jowhar:Saylac.com)-Shil baabuur oo ka dhacay meel ku dhow deegaanka Koogaar ee gobolka Sh/dhexe ayaa sababay inay dhintaan ku dhawaad shan qof ayna dhaawacyo kala duwana ay ka soo gaaraan todoba ruux oo kale.

Shilka Gaariga ayaa yimid kadib markii uu si lama filaan ah ugu dhacay bohol ka qodnayd meel jidka dhiciisa ah, waxaaana dadka dhintay dilay fuustooyin gaariga saarnaa iyadoo qaar kalena uu gaarigu ku fariistay.

Goobjoogayaal ayaa u sheegay Shabakadda wararka ee Saylac.Com in dadkii dhintay lagu wado in lagu aaso deegaanka uu gaarigu ku rogmaday halka dhaawacyadiina loo qaaday goobo caafimaad si loo daweeyo.

Shilkaan ayaa noqonaya kii ugu khasaaraha badnaa ee dhawaanahan ka dhaca jidka isku xiga Muqdisho iyo Sh/dhexe, waxaana gaarigan oo N3 ahaa uu ka ambabaxay Muqdisho isagoo kusii jeeday deegaan ka tirsan Degmada Cadalle ee gobolka Sh/dhexe.

Qaar ka mid ah dadka dhaawacmay ayaa la sheegay inay dhaawacyadoodu ahaayeen kuwo culus, waxaana gaariga rogmaday u gurmayda dadweyne ku dhaqnaa deegaanka uu shilku ka dhacay.

Baabuurka ayaa waday rakaab dadweyne oo aad u fara badan iyo shixnado ganacsi u badnaa oo uu ku jiray shidaal, waxaana gaarigan uu ka ambabaxay Muqdisho maalintii shalay ahayd isagoo ku sii jeeday gobolada Dhexe ee dalka Soomaaliya.

Max'ed Ibraahin Raage

Saylac.Com Muqdisho Somalia

(Muqdisho:Saylac.com)-