Hambalyo aan kala go'lahayn oo
jaaliyada Somaliland ee cariga Ingiriisku ay u
dirayaan Madaxweynaha Dalka Jabuuti sida uu
somaliland aduunka ugu xidhayo..Oct,15,08
London(Saylac.com) Qurbojooga Somaliland ee ku
dhaqan wadanka Ingiriiska ayaa saylac.com soo
gaadhsiiyey hambalyo aan kala go lahayn oo ay ugu
bogaadiyanayaan madaxweynaha dalka Jabuuti Mudane
Ismaciil Cumar Geeleh sida geesinimada leh ee uu
dhawaanahan u garab siiyey Jamuuriyada Somaliland.
waxa kale oo ay qurbojaaga Jamuuriyada Somaliland ay
hambalayadooda ku raaciyeen in ay tahay wax lagu
faano maanta inay dawlada Jabuuti hiil iyo afka la
garab joogto jamuuriyada Somaliland ee ay walaalaha
iyo dariskaba yihiin.
 
Isbaahaysiga cusub ee geeska
Afrika Md Ismaciil C. Geleh &Md Dahir R. Kahin
Liiska magacaanta nasoo gaadhsiiyey hambalyada iyo
bogaadinta loo dirayo Madaxweyne Ismcaiil Cumar
Geele oo aad u dheeraa awgeed ayaanu goosanay inaanu
si guud uga hadalo inay Jaaliyada Somaliland oo u
badan qurbo jooga Awdal iyo Salal ay halkan bogaadin
aan la soo koobi karin uga dirayaan madaxweynaha
Dalka Jabuuti Mudane Ismaaciil Cumar Geele. Waxa
kale oo ay Jaaliyadu amaan taa la mida usoo
gudbinayaan Madaxweynaha Jamuuriyada Somaliland
mudane Dahir Rayale Kahin iyo dawlada uu madaxda ka
yahay oo runtii sida ay qoraalkooda ku sheegeen
qurbojooga ree Somaliland ee degan wadanka
Ingiriisku ah dawlad qaran dhamaystiran ah siyaasad
iyo diblomaasigeeda ay kula dhaqanto wadamada
dariska iyo kuwa shisheeyaba la odhan karo waa heer
caalami oo dimoqraadiyad weyn huwan.
Ugu danbayn waxay qurbojooga Somaliland barwaaqo iyo
badhaadhe Ilaahay uga baryeen wadanka aanu walaalaha
nahay ee Jabuuti waxayna labada shacab ku buuriyeen
inay madaxtooda garab istaagaan sidii cadawga labada
dal dhinac looga wada jeedsan lahaa iskaashi
dhaqaale iyo ku dhaqana loo xoojin lahaa . Nuxurka
qoraalka ayaa waxay kusoo gabagabeeyeen inay gaar
ahaan umada somaliland eegto una kuur gasho danta
guud ee dalka oo ah in si buuxda la isku garab
istaago madaxweyne Dahir Rayale Kahin isagana waxay
Ilaahay uga baryeen cimri dherer iyo caafimaad qab
inuu ku waaro Umada somalilandna bashbash iyo
aqoonsi iyo waliba barwaaqo ay mudo badan sugayeen
Ilaahay usoo dedejiyo Amiin.
Maxamed Xaaji
Saylac.com
London, UK |
