|
|
 |
|
| |
Dawlada Jabuuti oo maalmahan
danbe usoo jeedsatey dhanka somaliland..Oct,14,2008
Jabuuti(Saylac.com) Madaxweynaha Dalka Jabuuti ayaa
si hufan uga hadlay amniga iyo xasiloonida ka jirta
Jamuuriyada Somaliland waxanu madaxweynuhu intaa ku
daray in ay somaliland mudan tahay in lagaga daydo
dimoqraadiyada iyo kala danbaynta dawliga ah ee ay
kusoo caano maaleen dhawr iyo tobankii sano ee inaga
tagay.
Madaxweyne Ismaciil Cumar Geleh ayaa waxa si
balaadhan uu u faahfaahiyey in ay jamuuriyada
somaliland kasoo baxday shuruudihiii dawladnimo
looga baahnaa waxa kale oo uu rayul caalamka ku
buuriyey inay tageero toosa iyo wadahadalo toosa la
samaystaan Jamuuriyada Somaliland.
Madaxweynaha oo kalfadhigii baarlamaanka ee maanta
ka hadlay arintan ayaa waxa uu sheegay in
Jamuuriyada Somaliland ay tahay dal walaalo ah isla
markaana daris wanaag iyo dhiig inaga dhexeeyo
hadaladiisiina waxa ka mid ahaa " Waa walaalaheen
waxaanad dareemi kartaa sidii ay inoogu damqadeen
khilaafkii inaga iyo cadawga Erateriya markuu
bilawday waxana sidaa laga helaa oo kaliya walaalkaa
iyo umad dhibtaada neceb."
Xidhiidhka ka dhexeeya labada dawladood ee
Jamuuriyada Jabuuti iyo Somaliland ayaa waxa uu sii
xoogaystey ka dib markii uu socdaal hawleed
madaxweynaha Jamuuriyada Somaliland Mudane Dahir
Rayale Kaahin uu kusoo gaadhay dalka Jabuuti
sanadkan bilawgiisii.
Hussein Osman
Saylac.com
Djibouti, Djibouti |
|
|
