|
|
 |
|
| |
Ilaalo hor leh oo
lagu kordhiyay amaanka Hoyga Ra'iisul Wasaaraha
dawlada Cabdilahi Yusuf oo ka degan yahay
Magaalada Muqdisho.Nov,19,2008
(Muqdisho:Saylac.Com)-Iyadoo uu heerkii ugu xumaa
marayo khilaafka baaxada weyn leh ee u dhaxeeya
Madaxweyne C/llaahi Yuusuf iyo Ra'iisul Wasaaraha
ayaa waxaa muuqaneysa saan saan khilaafkaas uu
saameyn ugu yeelan karo Guryaha aan kala fogeyn ee
Labada Mas'uul ay wada degan yihiin.
Labada Mas'uul ayay wararku sheegayaan in khilaafka
u dhaxeeya ay dhici karto in saameyn ballaaran ay ku
yeeshaan taageerayaashooda, iyadoona Madaxweynaha la
ogsoon yahay in Ilaalo gaar ah oo horay Puntland uga
keensaday ay aad u waardiyeyaan Hoygiisa.
Ilaalo hor leh ayaa la sheegayaa in la geeyay Guriga
Ra'iisul Wasaaraha oo goob isku dhow ay degan yihiin
Madaxweyne C/llaahi Yuusuf.
Wararka ayaa sheegaya in ilaalada lagu soo kordhiyay
halkaasi xalay, iyada oo ilaalada ay aad uga
taxadirayaan amaaanka guriga, sida ay xaqiijiyeen
ilo wareedyo ku dhow dhow Saraakiisha Guriga
Ra'iisul Wasaaraha.
Lama sheegin sababta keentay in Ilaalo lagu soo
kordhiyo kuwii halkaasi horay u joogay, iyadoo
Ciidamada kordhinta ah ay isugu jiraan Qaar ka mid
ah Ciidamada Dowladda ee dhowaan lagu soo tababaray
Dalka Ethiopia oo ku beel ah Ra'iisul Wasaaraha,
inkastoo Labada Guri ay ku sugan yihiin Ciidamada
Ethiopia iyo kuwa AMISOM oo qeyb ka ah ammaanka
Hareeraha Madaxtooyada.
Cabdilahi Yusuf
"Ethiopia xor ayay u tahay in Ciidamadeeda kala
baxdo Soomaaliya, laakiin...."
Nov,19,2008
(Tripoli:Saylac.Com)-Madaxweynaha Dowladda TFG-da C/llaahi
Yuusuf Axmed oo ku sugan Magaalada Tripoli ee Dalka
Libiya ayaa sheegay in Dowladda Ethiopia ay xor u
tahay in Ciidamadeeda kala baxdo Soomaaliya.
Madaxweynaha oo wareysi siinayay Idaacada VOA ayaa
wuxuu sheegay in awoodda xilka qaadista Ra'iisul
Wasaaraha ay tahay mid u taal Baarlamaanka
Soomaaliya, isaguna kaliya uu leeyahay awoodda
magacaabidda.
Waxaa uu ku adkeystay Madaxweynaha hadal uu sabtidii
ka jeediyay Magaalada Nairobi, kaasi oo ahaa in
Xukuumada ay dhacday, isagoona intaa ku daray in ay
xukuumadda dhacayso haddii ayan heysan aqlabiyadda
lagama maarmanaka ah jiritaankeeda.
Madaxweyne Yusuf ayaa sidoo kale ka hadlay khilaafka
isaga iyo Ra'iisul Wasaare Nuur Cadde, isagoona
tilmaamay in shaqsiyaad shisheeye ay ku lug
leeyihiin khilaafka, Waxaana uu sheegay inay
shaqsiyaadka shisheeye ay kala dhantaalayaan
midnimada Dowladda TFG-da sida uu hadalka u dhigay.
Mar uu ka hadlay go'aankii IGAD iyo hadalka ka soo
baxay Wasiirka Arrimaha Dibeda Ethiopia oo aheyd in
Ciidamadeeda marna u dulqaadan doonin in naftooda ku
waayaan Dowlad ay hogaankeeda is heysteen, ayuu yiri
"Dowladda Ethiopia ee aan saaxibada nahay, xor bey u
tahay in Ciidamadeeda ay kala baxdo, markii hore
heshiis baanu galnay oo in Dowladda taageero siiyaan,
taasna way ka noqon karaan"ayuu yiri Madaxweynaha oo
carabka ku adkeeyay in isaga iyo Ethiopia ay xiriir
fiican leeyihiin.
Laakiin Madaxweyne Yusuf ayaa ka gaabsaday mar wax
laga weydiiyay gacmaha shisheeye ee ku lug lugta leh
Khilaafka isaga iyo Ra'iisul Wasaarihiisa inay
Ethiopia ku jirto iyo in kale, wuxuuna cadeeyay in
xilligan uusan diyaar u aheyd inuu farta ku fiiqo,
balse buu yiri ay soo bixi doonaan jihooyinkaas.
Hadalka Madaxweyne Yusuf ayaa ku soo beegmaya xilli
Urur Goboleedka IGAD ay shalay si gaar ah farta ugu
fiiqeen Madaxweynaha, kaasoo ahaa in hal dhinac ay
wax ka socon la'yihiin oo lagala jeeday inuu isaga
yahay, waxaana ay soo saareen in cidii ka hortimaada
nabadeynta Soomaaliya in cunaqabateyn la saarayo.
Ra'iisul Wasaare Nuur Cadde oo
kula taliyay Madaxweyne C/llaahi Yusuf inuu is
casilo Nov,19,2008
(Nairobi:Saylac.Com)-Ra'iisul Wasaaraha Soomaaliya
Nuur Xasan Xuseen (Nuur Cadde) ayaa kula taliyay
Madaxweynaha Dowladda TFG-da C/llaahi Yuusuf Axmed
inuu is casilo maadama uu caqabad ku yahay Nabad ka
dhacda Soomaaliya.
Isagoo wareysi gaar ah siiyay wargeyska The Los
Angels Times ayaa waxaa uu ku eedeeyay Madaxweynaha
Dowladda KMG ah Soomaaliya C/llaahi Yuusuf Axmed in
uu caqabad ku yahay nabada Soomaaliya xilli looga
bahaanaa buu yiri in uu dalka Soomaaliya u horseedo
nabada taasi badalkeedana uu ka doortay hurinta
colaado iyo fowdo dalka Soomaaliya uu ka dagi la'
yahay.
"Dalka ma laha Hey'ad Garsoor oo shaqeysa, inay
sidaas ahaato dalka waxaa u sabab ah C/llaahi
Yuusuf"ayuu yiri Nuur Cadde oo dhinaca kalena
sheegay inaan uusan jirin tirakoob la sameeyay xilli
doorasho xor ah ay ku soo food leedahay sanadka soo
socda Shacabka Soomaaliyed.
Wasiirka koowaad ee Dowladda TFG-da ayaa sheegay in
wax laga xumaado ay tahay in madaxweyne Yuusuf uu
sheego in wax Dowlad ah aysan ka jirin dalka iyadoo
ay shaqeynayaan baarlamaankii hayadihii kale ee
xukuumada.
"Hay'adahaas shaqeynaya hadafkoodana wuxuu yahay
sidii ay u dhaqan galin lahaayeen qodobadii lagu
kala saxiixday dalka Jabuuti ee dhex maray iyaga iyo
Isbeheysiga Dib u xoreynta Dalka Garabka
Jabuuti"ayuu yiri Ra'iisul Wasaare Nuur Cadde.
Ra'iisul Wasaare Nuur Cadde oo tan iyo markii uu
qabtay jagadan Xukuumaddiisa ku fashilantay
maamulida Gobolo badan oo dalka ka mid ah isagoo
taasna mar wax laga weydiiyay diiday inuu ka hadlo,
waxana aan wax micno ah ku tilmaamin is ballaarinta
Islaamiyiinta oo qabsaday Deegaano istiraatiiji ah.
Waxaa uu sheegay in dalka Soomaaliya lagu dhaqi
doono shareecada islaamka maadama ummada
Soomaaliyeed ay tahay ummad Islaam ah 100% taasina
ay tahay mida kaliya ee looga bixi karo dhibaatada
taagan, waxana uu soo dhoweeyay go'aankii Urur
Goboleedka IGAD ay cunaqabateynta ku saarayaan cida
ka soo horjeesata nabadeynta Soomaaliya oo ay ku
jiraan Hogaanka Dowladda
Ururka Alshabaab oo u
digay Kooxaha dilalka abaabulan ka dambeeya
Nov,19,2008
(Marka:Saylac.Com)-Iyadoo ay sii badanayaan falalka
ugaarsiga shaqsiyaadka Soomaalida iyo kuwa
Shaqaalaha Samafalka ee jooga dalka ayaa Ururka
Alshabaab oo ka taliya degaano badan oo koonfurta
Soomaaliya waxaa uu soo saaray digniino culus u
jeediyay kooxaha fuliya Dilalka qorsheysan iyo kuwa
Jidgooyooyinka dhigta.
Sheekh Mukhtaar Roobow Abuu Mansuur Afhayeenka
Alshabaab ayaa isagoo ka hadlayay deegaanka
Shalanbood ee gobolka Sh/hoose ayaa waxa uu ka
sheegay in ay ku daba jiraan oo ay baaritaan xoogan
ku hayaan dadka iyagu ka dambeeya dilalka qorshaysan
ee ka dhacaya deegaaano ka mid ah gobolka Sh/hoose.
"Tallaabo cad ayaan ka qaadi doonaa cid kasta oo
lagu helo inay raad ku leedahay falalka ama dilalka
qorsheysan ee dalka ka socda"ayuu yiri Afhayeenka
Ururka Alshabaab.
Al Shabaab oo ah koox Diimeed u badan rag dhalinyaro
ah waxayna doonayaan in dalka Soomaaliya lagu
Maamulo Kitaabka Alle taas oo ah wadada kaliya ee
Ilaaha ogol yahay.
Dhanka Kale ciidamada Ururka Alshabaab ayaa waxaa ay
howlgal ay ka sameeyeen gudaha magaalada Marka ay ku
soo qab qabteen ilaa 15-qof oo lagu eedaynayo in ay
isticmaaleen waxyaabaha maanka dooriya.
Wararkii ugu dambeeyay dagaalo
saaka ka dhacay nawaaxiga Xarunta Madaxtooyada
dawlada cabdilahi Yusuf ee muqdisho
Nov,19,2008
(Muqdisho:Saylac.Com)-Dagaalo la isu adeegsaday
hubka noocyadiisa kala duwan ayaa saaka waaberigii
waxaa ay ka dhaceen fariisimo Ciidamada Dowladda iyo
kuwa Ethiopia ku lahaayeen agagaarada Xarunta
Madaxtooyada ee Degmada Wardhiigley.
Dagaalkan oo waqtigii salaada kadib ka bilowday
fariisimo ciidamada Dowladda ay ku leeyihiin
Floranse, Zayidka iyo xarunta Madaxtooyada ayaa u
dhaxeeyay Xoogaga Islaamiyiinta ee ka soo horjeeda
siyaasada Dowladda Federaalka iyo joogitaanka
Ethiopianka.
Inta la ogyahay labo qof oo rayid ah ayaa la
xaqiijiyay in ay ku dhaawacmeen rasaas Wiifto ah oo
ku haleeshay wadooyinka soo gala Suuqa Bakaaraha in
kastoo ay jiraan khasaare kale oo intaa ka badan oo
laga yaabo inay dagaalada ka soo gaareen dad rayid
ah oo xaafada dagaalada ka dhaceen degan.
Sidoo kale lama oga khasaaraha dagaalkaas ka soo
gaaray kooxihii weerarka qaaday ee ka tirsanaa
Maxkamadaha Islaamiga, iyadoona warar la helayo ay
sheegayaan in afar ka tirsan Ciidamada Dowladda oo
dhaawac ah la gaarsiiyay Cusbitaalka Madiina sida ay
soo sheegeen saraakiisha Cusbitaalkaas.
Laakiin Afhayeen u hadlay Ciidamada Milatariga
dowlada oo lagu magacaabo Dahir Maxamed Xirsi ayaa
sheegay in dhinacooda labo askari ay ka dhaawacmeen
5-ka mid ah kooxihii soo weerarayna ay dileen sida
uu hadalka u dhigay
Maxkamadaha islaamiga oo iyagu sheegtay masuuliyada
dagaalkan ayaa diiday n ay faah faahin dheeri ah ka
bixiyaan marka laga reebo in ay qaadeen dagaalka oo
kaliya.
Dagaaladan ayaa waxay dhacayaan xilli ay Labo
Maalmood oo kaliya ka harsan tahay waqtigii lagu
ballamay in Ciidamada Ethiopia ka baxaan gudaha
Xaafadaha Magaalooyinka dalka oo Muqdisho ay ka mid
tahay sida uu dhigayay heshiiskii Jabuuti ee dhex
maray Dowladda iyo Isbaheysiga Dib u Xoreynta
garabka Sheekh Shariif Madaxda u yahay.
Shirkii Wasiirada Arrimaha
Dibeda IGAD oo ay ka soo bexeen go'aano lagu
cunaqabateynayo Madaxda Dowladda
Nov,19,2008
(Muqdisho:Saylac.Com)-Iyadoo la soo gabagabeeyay
kulankii Wasiirada Arrimaha Dibadda IGAD ee maanta
ka dhacay Magaalada Addis ababa ayaa go'aano
shirkaas ka soo baxay lagu canaantay Madaxweyne C/llaahi
Yuusuf
Kulan hal maalin ah oo Magaalada Addis ababa ku
yeesheen Wasiirada Arrimaha Dibadda IGAD loogana
hadlayay jalaafooyinka Siyaasadeed ee ka dhaxeeya
Madaxda Dowladda Soomaaliya ayaa laga soo saaray
go'aano adag.
Wasiirada Arrimaha dibadda Urur goboleedka IGAD ayaa
waxaa ay gaba gabadii kulankooda ka soo saareen
go'aano adag oo ku aadan Khilaafka ka dhex taagan
madaxda Dowladda Soomaaliya iyo dadka loo arko in ay
caqabad ku yihiin xasiloonada dalka Soomaaliya sida
ay ku sheegeen qoraalkooda wasiirada ururka IGAD.
Wasiiradu waxay isku raaceen in talaabooyin dhanka
safarka iyo dhaqaalaha lagu soo rago cidii loo arkaa
in ay ku lug leeyihiin cuuryaaminta wadahadaladii
dalka Jabuuti iyo sidii Dowladda TFG-da ay ugu
shaqeyn laheeyd hanaan nabadeed.
Afhayeen u hadlay Urur goboleedka IGAD ayaa sheegay
in qodobada la soo saaray ay yihiin kuwa u muuqa in
si gaar ah ay ugu qotomaan madaxweynaha Dowladda
Soomaaliya C/lkaahi Yuusuf Axmed oo Urur goboleedka
IGAD ay si cad u sheegeen in uu ka hor yimid
heshiiskii magaalada Nairobi kaasoo lagu soo
dhisiyay xukuumad midnimo qaran markii uu Kilaafka
soo kala dhex galay madaxda dowladda Soomaaliya.
Seyoum Mesfen Wasiirka Arrimaha Dibadda Ethiopia oo
shirkii shalay ka dhacay Adis ababa shir Guddoon ka
ahaa ayaa sheegay intii uu socday kulankaasi in
hogaamiyaasha Soomaalida ay bur buriyeen heshiskii
Jabuuti islamarkaana ay ku haboontahay in laga qaato
talaabooyin cad oo lagu ciqaabayo.
Sida muuqata IGAD go'aanka ay ka soo saartay
khilaafka Madaxda Dowladda Soomaaliya ayaa loo arkaa
mid aan waxba ku soo kordhinaynin muranka taagan ama
ku qasbi kara madaxda Dowladda inay isu
tanaasulaan,iyadoo Madaxweyne C/llaahi Yuusuf mowqif
adag ka istaagay Wasiirada hadda soo magacabay Nuur
Cadde ayaa la ogeyn sida u aqbali doono Wasiiradaas
oo isaga lagala tashan magacabistooda loona baahan
yahay ka hor inta aan la geynin Baarlamaanka in
isaga ogolaansho laga helo.
Sidoo kale Ra'iisul Wasaare Nuur Cadde iyo
kuxigeenkiisa Axmed C/salaan Aadan ayaa qeyb ka ah
khilaafka ba'an ee ka dhex taagan Madaxda Dowladda
Soomaaliya.
Max'ed Ibraahin Raage
Saylac.Com Muqdisho Somalia.
|
|
|
