kumanaan reer jabuuti ah oo ka qayb qaatey diwaangalintii ka dhacday tuulada Geerisa iyo degaano kale oo ka tirsan gobolka Salal iyo guud ahaan diwaangalinta dhacday oo lagu qiyaasay 40%.Oct,31,2008

Borama(Saylac.com) Inkastoo aanay diwaangalinta ka dhacday degaanada xeebeed ee gobolka Salal u dhicin sidii loogu tala galay cilado farsamo koombuterka iyo carbiska shaqaalaha diwaangalinta oo aad u liitey awgeed, hadana wax rabshad ahi kama aysan dhicin goobaha diwaangalintu ka dhacday.

Dadweyne kor u dhaafay kumanaan oo saf ugu jira hal goob oo hal koombuter yaalo si ay isu diwaangaliyaan waa tuulada Geerisa eh.

Gawaadhi boqolaal gaadhaya oo sida dadweyne reer Jabuuti ah ayaad ku arkaysay tuulooyinka gobolka Salal badankooda, dadweynahan oo u socday si ay sharciga Jamuuriyada Somaliland u helaan. Dadweynahan ayaa guud ahaanba qariyey dadyowgii kale ee degaanadaa deganaa oo iyagu ku dhex milmay dadka ka imanaya dalka Jabuuti oo asal ahaan u dhashay ama ka soo jeeda Jabuuriyada somaliland.

Goobaha ay diwaangalintu ka dhacday iyo xusuusqorka wariye Dahir Axmed Jirde ayaa sidan u qornaa:

Geerisa si habsamiya ayay Diiwaan galintu uga socotay, lakiin ka dib markii tirada dadku dhaaftey kumanaan ayaa gabi ahaanka koombuters hawsha waday ay ciladi gashay intaana waxa dheeraa shaqaalaha diwaangalinta wadey laftooda oo aad moodo inaan si fiican loogu tababarin inay u babac dhigi karaan dad cadadkoodu badan yahay.
muqaalka gawaadhida reer Jabuuti ku yimaadeen Geerisa iyo degaano kale

Dadweynaha reer Jabuuti ayaa shabakada saylac.com usheegay inay afar casho u hoydeen tuulada xadka ku taala ee lawyo cado iyo Casha Cado iyagoo raadinaya meel ay u maraan diwaangalinta ka socotey tuulooyinka Geerisa iyo degaano kale ee xeebta ku yaala. Shaqaalaha diwaangalinta waday ayaa dhanaa oo kaliya laba koxood, tanina waxay keentey in dadweynaha isku diyaariyey inay diwaangalinta sameeyaani ay dhib iyo qaxar kala kulmaan siday isku diwaangalin lahaayeen "Sidaan ku helay labada kaadh ee codaynta iyo jinsiyada somaliland waxay ahayd dhibaan la qiyaasi karin" ayey tidhi haweenay magaceeda la yidhaa Canab Cali oo ka mid ahayd dadweynihii reer Jabuuti ee diwaangalinta u yimid.

khadar daahir ayaa isna saylac u sheegay dad kan ka yimid jabuuti inay yihiin dad reer soomaaliland ah oo doonaya jinsiyada dalkooda inay helaan, kuna si daray hadalkisa ninkaan wadan kaarka s/land xadka jabuuti dib uguma noqon karayo waayo, markaan soo baxaynay waxa lanaga qoray magacayaga oo sadexan kaliya waxa dib ugu noqon karayay ninka wata Aqoons iga S/land dad nala socday oo nasiib u helay inay markiiba low-yacado ka helaan Jinsiyda waxay si dawaaliya u galeen jabuuti waana la sii daayay, Aniga ayaa isku dayay inaan jabuuti Dib ugu noqdo markii fiiladu igu dheeraatay sahaydiina uga dhamaatay, waa la iidiiday kaliya waxa la i waydiyay keen sharciga aad dalka ku so galayso, mee Aqoon sigii S/land intaa ka din waxan Goostay inaan kor u soo baxo ilaa aan soo helo Aqoonsina aanan jabuuti dib ugu noqon ilaa Boorama soco ayaan islhaa kol hadaan geerisa ka helay waa ilaahay mahadii caawana jabuuti ayaan ku noqnoayaa ayuu khadar ku daray hadalkisii,

Aminga geerisa iyo Guud ahaan Goobaha xeebaha ayaa aad u fiicnaa, Garba dadar si fiican ayay diiwaan galintu uga socotay. labada Xubnood ee ka socda wasaarada Arimaga gudaha ee ka mid noqonaya Kooxaha Diiwaan galinta waxa lagu soo diyaarshay ama ay joogeen garba-dadar oo la sii marayay xaruna u ahayd hawlgalada Xeebaha.

Degaanka xamarta si fiican ayay uga socotay Computarka oo Ciladi dhow goor ka gashay ayaa hakad badan ku keenay Goobaha xamarta dhigta warqa Gar gaara, Tuulada Xooray, oon soo maray waxay ka mid ahayd dhulka ugu shaqada badan ama filadu dheerayd degaanka oo ah Beeralay ayay dadku saf saf dheer ku jireen wax cilad ahna kuma iman qalabka Diiwaan galinta, kormeerka Gobaha Xeebah ayaa Gaabis ahaa, Goobta Lughaya maalintii Kowaad waxa gashay cilad Maqribkii aya alaga saraya waxayna ka mid ahayd goobaha ugu mashquulsan.

isku soo wada duuboo diwaangalinta ka dhacay gobolada Awdal iyo Salal waxay ahayd mid aan sidii la filayey u dhicin isla markaana 40% kaliya dadkii goboladaa deganaa la diwaangaliyey waana sababta loo aanaynayo in Salaadiinta Gobolka Awdal ay gashaanka ugu dhufteen wax diwaangalin lagu sheego oo ka dhacday awdal iyo Salal na ayna jirin.


Dawlada Somaliland ayey u taalaa talaabada labaad ee ay ka qaadan doonto diwaangalinta fashilantey ee ka dhacday gobolka Awdal iyo Salal.

Diwaangalinta macmalka ah ayaa waxay ku soo beegantey wakhti wadanku ku jiro murugo kasoo gaadhay qaraxii dhawaan ay argagixisadu ka sameeyeen magaalo madaxda Dalka ee Hargeysa.

Dahir Axmed Jirde
Saylac.com
Borama/ Somaliland