Shirkan ayaa waxa lagaga hadlay sidii dawlada
koonfur Africa loogu qancin lahaa inay wax ka qabato
xasuuqa ay shacabkeedu u geysanayaan dadka ajaanibka
ah gaar ahaan Hindida, Africaanka iyo Carabta oo
dhibaato weyni ka soo gaadhay ugaadhsiga dadka
shacabku ay kula kacayaan maaliyadooda iyo
naftoodaba.
Shirkan ayaa Hay'adaha wararka sameeya qaarkood ay
kusoo bandhigeen sawiro murugo leh oo muujinaya sida
dadka loo gubaayo iyadoo Hay'ada ugu weyn xaga
wararka ee magaceeda la yidhaa Associated Press ay
soo nandhigtey sawiro ka markhaati kacaya dad
nolosha lagu gubay iyo xarumo ganacsi oo la boobayo
oo aaanay booliska wadankani waxba ka qaban.
Dhegayso Radio South Africa Live>>
Dhinaca kale Amnest International ayaa iyana soo
jeedisay in cadaadis weyn la saaro xukumada
koonfurta Africa si ay u ilaaliso xuquuqda dadka
Shacabka ee ku nool wadankan koonfur Africa.
Maalmihii inaga tagay ayaa dadka Ajaanibka ah loo
diyaariyey xarumo ku meel gaadh ah oo ay soo magan
gali karaan hadii ay naftooda u cabsadaan lakiin
xarumahani ma kaafiyi karaan dadka ajaanibka ah oo
lagu qiyaaso ilaa dhawr milyan oo qof. Dadka ugu
badan ee Ajaanibka wadankan ee qaxootinimada usoo
galay waxay yihiin kuwa ka soo cararay dalka
Simbaabwi oo si gaar ah loo bartimaansanayo iyadoo
ay sababtu tahay inay shaqooyinka hoose ee dadka
koonfurta Afrika ka shaqaysan jireen ay kala
wareegeen iyagoo ku shaqeeya miishaar aad uga
hooseeya kuwa dadka dhulkan u dhashay ay ku shaqayn
jireen.
Soomaalida ayaa iyaguna dhibta ugu balaadhani ay ka
soo gaadhay xarumaha ay ka ganacsadaan Afrikaan
nimada ka sokowna loo gumaadayo Diinta Muqadaska ah
ee Islamka darteed.
Abdirizak Mohamoud "Sareeye"
Saylac.com
Capetown , koonfur Africa
