Maqal Oday Sulayman Maasheeye

Borama(Saylac.com) Oday Saylam maasheeye oo si kulul uga hadlay arimo ku saabsan khiyaamadii diwaangalinta ee loo geystey gobolka Awdal

Oday Sulaymaan Maasheeye

waxa uu ka hadlayaa horumar la,aanta Gobolada Awdal iyo Salal Diiwaan galintu sidii ay u dhacday iyo Cida Eeda iska leh iyo mawqifka adag ee dadweynaha Gobolada Awdal iyo Salal ka taagan yihiin doorasho ka dhacda Somaliland oo uu sheegay inayna ka dhici doonin Awdal haba yaraatee. Waxa kale oo uu sheegay Oday Sulayman in dadka ku dhaqan Awdal iyo Salal si cad khiyaamo aan geedna loogu soo gaban lagula kacay ka dib markii diwaangalin aan sharci ku fadhiyin hoosta laga soo gashay .

Oday Sulaymaan oo ay saylac.com waraysigan kaga qaaday magaalada Boorama ayaa waxa uu intaa ku daray in dadweynaaha Awdal ay aad u cadhaysan yihiin ayna ka horjeedaan talaabooyinka qalafsan ee sharci darada ku salaysan ee goor walba lagula kaco umada gobolkan .

Isagoo hadalkiisa sii wata waxa uu Oday Sulaymaan sheegay in diwaangalinta ka dhacday somaliland ay tahay mid gabi ahaanba laga qaadacay gobolada Awdal iyo Salal waayo ayuu yidhi " haba yaraatee wax cadaalad ah raad kumay lahayn"

Diwaangalinta ka dhacday gobolada Todhgeer iyo Hargeysa ayaa waxa diwaangalnita ka qayb qaate caruur dadooda lagu qiyaasay 10 jir  iyo dadka dadoodu ka sarayso halka ay Awdal diwaanglinta la diiday inay iska diwaan galiyaan dhalinyarta dadoodu tahay 18 jir .

Intaa waxa dheer in diwaangalinta gobolka Awdal ay qabsoontey oo kaliya 25%  waayo waqtiga gobolka loo cayimay ayaa ahaa mid aad u gaaban halka gobolada kale ee Togdheer iyo Hargeysa waqtiga loo ogolaaday ama diwaan galintu ka socotey uu shan jeer ugu laabmayey gobolka Awdal.

Gabagabadii waraysigan ayuu Oday Sulayman sheegay inaanu shaqsi ahaan ka qayb gali doonin doorasho ka dhacda somaliland dadweynaha ku dhaqan Awdalna ay sidaa la qabaa,

Dahir Axmed Jirde Saylac.com Borama