Maamulka Shabakada Saylac.com wuxuu si buuxda u cambaareynayaa Taliyaha danbiga bani aadanimo geystey isala markaana waxa uu maamulka shabakada saylac.com u gudbiyey dacwadan  oo luqada Ingiriiska loo tarjumay iyo waliba sawirada jidh dilka Hay'ado dhawra oo xuquuqda bani aadamka u dooda oo ay ugu horeyso Amnesty International xafiiskeeda Magaalada Seattle USA.

Hadii aad danaynaysid xaq udirirka muwaadinkan bilaa danbiga jidh dilka loo geystey fadlan si toosa ula xidhiidh Amnest International xafiiskeeda london oo shabakada saylac.com u balan qaaday inuu ururin doono baaqa dadweynaha ka dibna dawlada somaliland kala hadli doono arintan waana
International Secretariat

Telephone: +44-20-74135500
Fax number: +44-20-79561157
Address:
1 Easton Street
London
WC1X 0DW, UK

Gabiley(Saylac.com) Wararkii ugu danbeeyey ee naga soo gaadhaya jeelka Gabiley ayaa waxay sheegayaan in wali ay ku xidhan yihiin dhawr muwaadin oo ka soo jeeda Gobolka Awdal oo si xaq dara ah booliska Degmada Wajaale uu xabsiga gabiley gudaha u dhigay isla markaana meheradahoogii lala wareegay jidh dil aad u darana loo booliska Degamada Wajaale u geysteen jidh-dilkaas oo ay ka mid yihiin Sigaar qoorta lagaga bakhtiiyey iyo cagaha oo dab lagaga qabtey intaba.

Muwaadiniintan ayaa waxa la sheegay nayna jirin wax danbi ah oo ay galabsadeen isla markaana deganaa ah jiilkii 8aad ee u dhashay degmada wajaale ama asal ahaanba ka soo jeeda degmada wajaale oo ka tirsan gobolka cusub ee Dahir Rayale dhawaan magacaabay ee Gabiley.

Danbigan ka baxsan xeerka bani aadamka ee laga galay muwaadiniintan aan waxba galabsan ayaan ilaa hada maamulka labada gobol ee Gailey iyo Awdal toona ka hadal, tanina waxay cadho weyn ku abuurtey dadweyne aad u balaadhan oo qurbaha kunool oo somaliland ka soo jeeda.


Farxaan Cabdi Xadi oo ah ninka jidh dilka ugu daran loo geystey ayaa cafimaadkiisu ka sii darayaa ilaa hadana ku sugan jeelka gabiley isla markaana isagoo aan wax maxakamad ah la horgeyn jidh dil loogu geysanayo jeelka gudihiisa. Taliyaha Booliska Wajaale ayaa sida uu sheegay maxbuus Farax saacadu markay ahayd sadexdii habeenimo ee saqda dhexe isagoo Faarax Cabdi Xadi xaaskiisa la hurda gurigiisa kala baxay markuu weydiiyey waxa uu galabsadayne qoriga afkiisa qoorta kaga dhuftey ka dib markaan dhulka ku dhacay ayuu yidhi ninkan dulmani ayuu mar kale sigaar uu taliyuhu cabaayey qoorta igaga bakhtiiyey.!!


Shabakada saylac.com oo isku dayday inay la xidhiidhi maamulka gabiley ayaa waxa sarkaal sare oo Booliska ka tirsan oo codsaday inaanan magaciisa shaacini uu sheegay inuu aad uga xunyahay talaabadan qalafsan ee uu galay taliyaha booliska Wajaale lakiin ayuu raaciyey sarkaankani "Dawladu awood uma laha inay faragalin buuxda ku samayso waayo meesha qabiil ahaan ayaa loo geeyey Taliyaha waana sababta uu dadka ugu cago juglaynayo"


Gudoomiyaha gobolka Gabiley ayaa isagu laftiisu aan ka hadal mashaqadan jidh dilka iyo xabsiga isugu jirta ee muwaadin u dhashay gobolka uu Taliyaha Booliska Gabiley u geystey.

Arrimaha nuucan ah ayaan ah kuwii ugu horeeyey ee ka dhaca degmada wajaale dadka badankiisuna waxay qaadan laayihiin waxana shabakada saylac.com soo gaadhaya baaqyo aad u balaadhan oo dibad iyo gudaba leh oo ay dadku ku cambaareynayaan Taliyaha Booliska wajaale isla markaana ay maamulka Gobolka Awdal iyo Gabiley ugu baaqayaan inay talaabo deg-deg ah ka qaadaan arintan dalka ku cusub .


 Maxamuud Cabdilaahi Rooble Seattle USA, Maxamed Xaaji saylac.com UK iyo Dahir Axmed Jirde Gabiley - Somaliland   magacaaga ku soo dar baaqa lagu cambaareynayo taliyaha booliska ee geystey jidh dilka saylacnews@yahoo.com 

Fiiro gaar ah muqaalka sawirada jidh dilka oo aad u aragoodu aad u xun yahay aawadeed ayaanu u soo dhejin weynay sawrida maxbuuska.