|
|
 |
|
| |
Dalkeena Dihan, Dadkiisa
Dulman iyo Dowladiisa ka Dara' Daa'imow Duul
Quman!!!!!
Dec,02,2008 Faalo
Dalka Soomaaliya oo aan laheyn wax dowlad ah tan iyo
1991-kii ayaa waxaa uu u muuqdaa mid uu xalkiisu sii
fogaanayo maalinba maalinta ka danbeysa (IllAAH
lagama quustee) tiiyoo ay jirto in la qabtay ilaa
20-meeyo shirar dib u heshiineed oo aanu midkoodna
taaba gelin iyadoo kii u danbeeyey uu ah midka
Jabuuti oo horumarba ha joogtee u muuqda mid keenaya
in kooxihii la isku oran jirey Maxaakiimtii Islaamku
ku kala qeybsamaan isla markaana la soo baxaan
khilaaf u baxaali eg kii hagaamiyayaashii dagaalka
ee fashilmay.
Marka aad eegto dhanka Dowlada TFG-da ee Soomaaliya
oo la dhidbay sanadii 2004-tii waxay u muuqataa mid
kaga sii dartay xaaladii dalka oo u baahneyd dhiig
joojin deg deg ah balse taa badaalkeeda sameeysay
dhiig miirasho deg deg ah taasoo meesha ka saartay
raja kasta oo ay qabi lahaayeen shacabka habqanka ah
ee dagaalka micna darada ah kasoo daalay, waxaa
intaa dheer in 26-kii bishii oktoobar ee ina
dhaaftay kulan lagu tilmaamay dib u heshiisiin
dowlada dhexdeeda ah balse lagu tibaaxi karo ihaano
qaran lagu qabtay magaalada Nairobi ee dalka Kenya.
Waxa la yaabka lihi waxay ahaayeen in inta lasoo
raro dowladii oo idil sida Madaxweynihii, Ra'iisul
wasaarihii, Gudoomihii baarlamanka iyo
Baarlamaankiisii misna maalin gelinkeed la yiri deg
deg ugu noqda dalkiinii tiiyoo aanay jirin wax
turxaan bixin ah oo haba yaraatee lagu sameeyey
khilaaf-ilmeedka mar kasta laga soo sheego madaxda
sare ee dowlada Embight dhexdooda.
Waxaa intaa dheer in xildhibaanadii Soomaaliyeed oo
sheegta inay ka wakiil yihiin qaranka Soomaaliyeed
inta meel lagu horay saf loo geliyey wax lagu
sheegay diiwaan gelin iyadoo budad lagu horayo
qaarkoodna lagu qashqashaado jidadka amaba xitaa
xabsi la dhigo sida dhacday dhowr mar oo hore iyo
hadaba taasoo aan waafaqsaneyn borotokoolka
caalamiga ah.
Marka aad hadaba dhan kasta ka eegto waxaa kuusoo
baxeysa in dadka Soomaalida ihi aanay dantoodii
garan sidii mudneyd taas oo keentay in waxa lagu
sheego beesha caalamkuna ay ku tacadiyaan dalkan
beylahda ah ee aanay jirin cid u doodaa maadaama
dadkii sheeganayay madaxda dalku ay muujiyeen in
dalka Soomaaliya aanay jirin cid laga xigaa.
Tusaale ahaan marbaa waxaa dhacday in dayuurado
Mareykanku leeyahay ay duqeyn waxashnimo ah u
geystaan meelo ka tirsan gobolka Jubada hoose
xiligii uu socday dagaalkii Maxaakiimta iyo Ethiopia
deeto C/laahi Yuusuf ayaa la weydiiyey waxa uu ka
qabo duqeynta dhacday wuxuuna ku jawaabay "dowlada
Mareykanku waxay xaq u leedahay inay ka hortagto
halis kasta oo soo wajahda amaanka qarankooda"
nasiib xumo madaxweynuhu wuu xusuustay waxa dadka
kale xaq u leeyihiin balse wuxuu ka il duufay waxa
uu dalkiisu xaq u leeyahay hadiiba aanu ula jeedin
in Soomaalidu xaq u leedahay in la iska laayo.
Hadii dadaba ay Itoobiyana xaq u leedahay inay inta
fariisato xaafadihii caasimadii dalka Soomaaliya ay
madaafiic aan loo aaba yeelin ku garaacdo maxastii
Soomaaliyeed iyadoo ilaalineysa sida ay uga marqaati
kacaan kuwa sheeganaya mansabka Soomaaliyeed
amaankeeda qaran waxaa isla egtaas kasoo xasileysa
in madaxdii dalku leeyihiin "waa sax oo shacabka
Soomaalidu waxay xaq u yeesheen in cidii doontaa ay
xasuuqdo" iyagoo cadow dalkii ku casuumay. Waa
runtii arin xanuun badan iyo nasiib daro oo aan
dhihi karo qof kasta oo Soomaaliya mansab ka
doonayaa wuxuu adeegsadaa istaraatijiyad ah dadka
baabi'i si aad u xukunto.
Yaabka ugu badanina wuxuu kasoo dhex muuqdaa
Maxaakiimtii islaamka oo iminka kala qeybsamay hadii
ay ka xishoon waayaan iska hor imaad dhiigle ah oo
kaga sii dara shacabka is duleeyey ee misna la
duleystey ee Soomaaliyeed waxaan ALLAH ka baryeynaa
inaysan taasi dhicin waayo qof kasta wuxuu ogyahay
in aanay jirin qof kale oo u naxeysa Soomaalida
hadii aanay isu nixin iyagu mana jirto madax toosan
oo wadaninimo haba yaraatee ay ku jirto.
Xitaa markii aad eegto maamulada kale ee la dhihi
karo waa maqaar saar ee ka jira dunida sida Ciraaq
iyo Afghanistaan mararka qaar waxay muujiyaan
wadaniyad iyagoo kasoo hor jeesta in dadkooda loo
geysto waxyeello iyadoo heshiiska iminka lagu
muransanyahay ee uu Mareykanku ku doonayo in
waqtigiisa Ciraaq loogu kordhiyo ay asaas u yihiin
waxyaabo ay ka mid yihiin in gudaha Ciraaq lagu
maxkamadeyn karo askarta Mareykanka hadii ay meel ka
dhacyo u geystaan shacabka Ciraaq balse anagu waxaan
heynaa dad afhayeen u ah ciidamada dalka qabsaday oo
halkii ay u doodi lahaayeen eedeeya shacabkii la
xasuuqay waxaana tusaale kuugu filan dhacdadii
bahalnimada aheyd ee ka dhacday agagaarka carbiska.
Marka aad eegto beesha caalamka waxaa ka muuqata
inay dalka Soomaaliya ku wajahaan istaraatijiyad
munaafaqnimo ah iyagoo xiligii ay nabadu ka
hanaqaaday qeybihii ugu dhibka badnaa dalka gaar
ahaan koofurta saadiyay khatar soo fool leh iyagoo
haatana aan la gaban hadalka digashada ah ee ah in
Soomaaliya ay kasoo reysay wixii ka danbeeyey
2006-dii tiiyoo aanay jirin taageero la taaban karo
oo ay xitaa siiyeen Dowlada ay sheegaan inay
aqoonsanyihiin waa naasiib xumo.
Marka aad eegto sida isla markiiba looga jawaabay
dagaalada kooban ee kasoo cusboonaaday bariga dalka
Congo oo ay mar qura magaala goboleedka Goma isku
wareysteen wasiirada arimaha dibada ee dalalka
Faransiiska iyo Ingiriiska Bernard Kouchner iyo
David Miliband , kaaliyaha xoghayaha arimaha dibada
ee Mareykanka ugu qeybsan Afrika Jendayi Frazier iyo
madaxa xaalada bini'aadanimo ee Midowga Yurub Luis
Michel tiiyoo ay dheertahay in dalkaas oo 5-sano oo
qura dagaal sokeeye ka socday ay Qaramada Midoobay
ka oogtey howlgalka ugu kharashka badan ee ay
ciidamo nabad ilaalineed ku joogaan dal ka mid ah
dunidan aynu saaranahay.
Gebagebadii waxaan oran lahaa Soomaaliyey waxaad
tihiin dad cadowgoodu badanyahay misna iyadii is
colaadisay fadlan garta dantiina waxaan leeyahay
kuwa mansab jaceylka ku mirqaamay "shacab ma
xumaadee waxaa xumaada hogaan" ee ALLE intaad ka
baqdaan u naxa dadkiina walaan cid kale waxba idinku
faleynine inta aydaan marka danbe si xil leh ugu
dhex dhiman xabsiyada dadka aad u kala adeegtaan
fadlan dantiina garta insha ALLAAH.
Wariye Maxamed Ibraahim Raage |
|
|
