|
|
 |
|
| |
Cabdilahi Yuusuf oo
Ra’isul Wasaare Magacaabay.
Dec,16,2008
Muqdisho(Saylac.com) Cabdilahi Yusuf ayaa maanta
magaalada Baydhabo ku magacaabay Ra'iisal wasaare
cusub oo uu jeebkiisa kala soo baxa
 
Munaasibadan oo ka dhacday xarunta Madaxtooyada ee
magaalada Baydhabo Madaxweynaha dowlada Cabdilahi
yusuf ayaa waxa ka soo qayb galay xubno ka tirsan
Xildhibaano isaga ku taageersan magacaabida Ra'iisul
wasaaraha cusub oo magaciisa la yidhaa Max'ed
Max’uud Guuleed (Gacma Dheere).
Hadal gaaban oo xanbaarsan duluc Weyn oo uu ka
jeediyay kulankaasi Madaxweynaha ayaa waxaa uu
daboolka uga qaaday in uu maanta Fuliyay Balan uu
labo Maalin ka hor qaaday oo aheeyd in uu Soo
Magacaabayo Ra'isul wasaare Soo dhisa Xukuumad Tayo
leh oo dalka ka bixisa Dhibaatada uu haatan ku jiro
isagoo kala tashanaya xildhibaanada.
"Anigoo Adkeeynaya balanatii aan horay u qaaday
waxaan maanta Soo magacaabay oo aan saxiixay
Dikareetado aan ku magacaabay Xukuumad uu hor kacayo
Mudane Max'ed Max'uud Guuleed Gacama Dheere" Ayuu
Yiri Madaxweyne Yuusuf.
Waxaan Kaa codsanayaa in aad sida ugu dhaqsiyaha
badan aad u soo magcaawdo xukuumad Tayo leh waayo
Dalka Muduu Xukuumad La'yahay ayuu intaasi sii
raaciyay Madaxweynaha oo lag dareemayay maanta sida
uu uga careeysnaa sida ay uga soo hor jeesteen
Xildhibanada go’aanka uu Ra'isul wasaare Nuur Cadde.
Sidoo kale Waxaa uu sheegay in xukuumada Marka la
soo magacabo Golaha Wasiirada lagu dhaarin Doono
Hortiisa oo aan la geyn dooni meel kale,taasi oo u
muuqata in uusan raali ka aheyn in la hor geeyo
Golaha Baarlamaanka.
"Waxaa aan ka dalbayaa Ciidamada booliiska iyo Xeer
illaalinta guud in ay soo baaraan wixii shalay ka
dhacay Baarlamaanka in ay sax yihiin iyo in aysan
aheeyn iyo Danbiga la galay ee rag aan wasiiro aheyn
xalay lagu dhaariyay Hotel Bakiin"ayuu Si kulul U
yiri Madaxweynaha isagoo ka hadlayay Kulankii shalay
ay xarunta Baarlamaanka ku ansixiyeen Wasiirada
Cusub ee uu Magacaabay Ra'isul Wasaare Nuur Cadde.
Sidoo kale Kulankaasi oo uu hadal koobah ka Jeediyay
Ra'isul Wasaaraha cusub ee uu magacaabay
Madaxweynaha Max'ed Max'uud Guuleed Gacma Dheere
ayaa waxaa uu sheegay in uu sida ugu dhaqsiyaha
badan u soo dhisi doono Xukuumad Taylo leh oo aan ka
hor imaaneeyn Arimaha dib u heshiisiinta.
"Waxaan aad ugu kalsanoonahay in aan Dardar galin
doono howlaha dib u heshiisiinta ee iminka Socota
anigoo tix raaceyna wadada toosan ee xalka loogu
raadinayo umadda Soomaaliyeed" ayuu yiri Ra’isul
wasaaraha Cusub ee uu soo magacaabay Madaxweyne
Yuusuf .
Mar uu ka hadlayay Talaabada ugu horeeysa ee uu
qaadayo Ra'isul wasaraha Cusub ee uu soo magacabay
Madaxweynaha dowlada kmg Soomaaliya Max'ed Max'uud
Guuleed (Gacma Dheere) ayaa waxa uu sheegay in
isagoo kala tashanaya Xildhibaanada Soo doortay in
uu soo dhisi doono xukuumad tayo Wanagsan leh oo aan
wax dhibaato ah ka dhex dhalin dooni siyaasada
haatan ka taagan dalka.
"Waxaa soo dhisayaa dowlada tayo sare leh oo aan ka
beyreeyn dhabaha Wanaagsan taasi oo aan kala
tashanayo Xildhibaanada maanta Ii doortay Ra'isul
wasaaraha"ayuu si degan u yirin Gacma Dheere Ra'isul
Wasaaraha Cusub
Sidoo kale waxaa uu sheegay Gacma Dheere in uu Hadal
badan xiligan dhihi Karin maadama sida uu sheegay uu
cusub yahay isla markana uu kulamada danbe hadalo uu
ugu tala galay warbaahinta iyo xildhibaanada doortay
u jeedin doono.
Arimahani ayaa waxaa ay yihiin kuwo sii murjinaya oo
god mugdi ah sii galinaya qilaafka daba dheeraaday
ee ka dhex taagan dowlada kmg Soomaaliya.
Wax war ah kama soo bixin Baarlamaanka Dowlada kmg
Soomaaliya oo ku aadan Magacaabida Ra'sul wasaaraha
labaad ee ay yeelaneyso dowlada kmg Soomaaliya ee uu
maanta magacaabay Madaxweynaha dowlada kmg
Soomaaliya Cabdullahi Yuusuf Axmed.
Saylac.com
Muqdisho- Somalia
|
|
|
