Wafti Culus oo uu hogaaminayo
Duqa magaalada Boorama oo ka qayb galay shirka
Henley on Thames ee ka dhacaya cariga Ingiriiska.
April, 28,2008
Daawo sawiro kale
Henley (saylac.com) Duqa Magaalada Boorama Mudane
Cabdiraxman Shide Bile oo ay weheliyaan Mudane
Maxamed Cabdi Gaafane iyo Mudane Maxamed Muuse
Maxamed ayaa maalmahan socdaal hawleed ku
jooga Wadanka Ingiriiska Magaaladiisa Henley.
Waftigan uu Duqa Magaalada Boorama hogaaminayo ayaa
waxa ay ka qayb galeen shirsanadeedka Henley on
Thames oo sanad walba lagu qabto dalkan Ingiriiska.
Mudane Cabdiraxman Shide Bile ayaa qudbad aad u
dheer ka jeediyey shirkan Henley on Thames oo
waftigiisa si gaar ah loogu marti qaaday isla
markaana faah-faahin dheeraada ka bixiyey arimo
badan oo ay ka mid yihiin : Salaan uu ka siday
Madaxweynaha Jamuuriyada Soomaaliland Mudane Dahir
Rayale Kaahin, xidhiidhka taariikhiga ah ee labada
degmo ee Borama iyo Henley, iyo arimo badan oo
socdaalkiisa ku taxaluqa.
Duqa Magaalada Boorama Mudane Cabdiraxman Shide Bile
oo sii wata qudbada uu ka jeediyey kulankan ayaa
waxa uu si hufan usoo bandhigay waxqabadka Dawlada
Hoose ee degmada Boorama mudadii uu xilka hayey oo
iskugu jirta sawiro iyo video intaba . Hawlaha ugu
weynaa ee uu shirkan kusoo bandhigay ayaa waxa ugu
weynaa : Wadada Cusub ee laamiga ah ee Bile street,
Waxbarashada oo uu ka warbixiyey Jaamacada Cammuud,
Hawlgalka Cusbitaalka Boorama, Mashruuca dhismaha
Garoonka Kubada Cagta ee Xasan Sheekh Muumin,Biyaha
iyo Nadaafada Magaalada, iyo xawliga uu dhismaha
magaalada Boorama ku socda oo uu baahan qorshe
balaadhan oo loogu diyaar garoobo marwalba oo ay
magaaladu sii balaadhato mashaariicda horumarineed
ee bulshadu ina la jaan qaado lana sii balaadhiyo,
mashaariicdaa oo ay ugu horeeyaan Biyaha,
Waxbarashada iyo Nadaafadu.
Mudane Bile ayaa gabagabadii qudbadiisa abaalgud
balaadhan usoo jeediyey xubnaha golaha mudanayaasha
magaalada Henley iyo xubnihii kale ee shirka ka soo
qayb galay oo uu ugu horeeyo Duqa Magaalada Henley
M.B.E Councillor Mr. Terry Buckett iyo masuuliyiin
sarsare oo ka socday golaha mudanayaasha ee
magaalada Henley.
Dhinaca Magaalada Henley waftiga ugu qayb galay
shirkan ayaa waxay ku amaaneen Duqa magaalada
Boorama Mudane Bille waxqabadkiisa iyo kartida uu u
galay dhismaha Jidka Laamiga ah ee malaada Boorama
iyo hawlaha kale ee qabyada u ah sida Dhismaha
Garoobka Kubada Cagta ee Xasan Sheekh Muumin.
Waxa kale oo uu Mudane Cabdiraxman
Shide Bile ka xoog waramay Jaamacada Cammuud
iyo Kaalinta biyaha Boorama ee Sheba oo runtii iyana
ay ku dheeraadeen sida haqabla'aanta leh ee ay
umadooda uga haqab tireen biyaha oo ah tiirka kobaad
ee nolosha bani-aadamka.
Socdaalka Duqa magaalada Boorama uu ku yimid
Magaalada Helney ee cariga Ingiriiska ayey ku
tilmaameen Masuuliyiinta Henley inuu yahay mid
qodata u sii dheeraynaya xidhiidhka tariikheed uu
labada Magaalo u dhexeeya waa Henley/Borama ee.
Gabagabadii kulanka kobaad ee ee shirkan Henley on
Thames ayaa Duqa magaalada Boorama u gudoonsiiyey
sawiro iyo cajalado Video ah oo ka turjumaya
mashaariicda dawlada Hoose ee Boorama ay ku guda
jirto isla markaana waxa uu Mudane Bille raaciyey
inuu aad ugu hanweyn yahay inay mashaariicdaa wixii
karaankooda ah ay ka rajaynayaan inay kaalmo ka
helaan Maamulka magaalada Henley.
Kulankan maanta oo sii socon doona dhawr casho ayaa
waxa socdaal lagu soo mariyey Duqa magaalada Boorama
Garoonka Kubada Cagta ee Magaalada Henley iyo
bartilmaameedyo kale oo ku yaala magaalada Helney oo
uu ka mid yahay shaarica weyn ee Borama Way ee
ku yaala Magaalada Henley.
Kulamada danbe iyo waraysiyo cod ah oo ay saylac.com
la yeelan doonto Duqa magaalada Boorama saacadaha
soo socda kala soco saylac.com
Sayid
Saylac.com
Henley, UK
|
