Imaatinka maraakiibtan ayaa waxa lagu tilmaamay inay dabasocotey heshiis uu Mdaxweynaha Jamuuriyada Soomaaliland Mudane Dahir Rayale Kaahin uu  Dhawaan la galay  dawlada Maraykanka inay isticmaali karaan Dekada Berbera.


Arinta Heshiiskan ayaa madaxweyne Rayale dhawaan  shir'jaraaid  uu ku sheegay ka dib markii uu ka hadlaayey arimo badan oo ku saabsan socdaalkii uu ku tagay Cariga maraykanka.

 Madaxweynaha Jamuuriyada Somaliland Mudane Dahir Rayale Kahin ayaa tageero weyn ka haystey dhamaan umada soomaaliland si xidhiidhka Maraykanka iyo Somaliland loosii xoojin lahaa inuu madaxweynuhu socdaal ku tago Wadanka Maraykana kalana soo wada hadlo masuuliyiinta Cariga maraykana arimo dano weyn ugu fadhiya Jamauuriyada Soomaaliland sida heshiiskan maanta lagu hadal hayo in ciidanka Maraykanku saldhig ka helaan carada soomaaliland oo guul usoo hoyatey somaliland lagu tilmaami karo keenina karta aqoonsi degdega.

Madaxweyna Dahir Rayale Kaahin wuxuu ku guulaystey inuu jabiyo gidaarkii siyaasada Maraykanka oo ahaa inaan marnaba Maraykanku si toosa ula xajoon karin Masuuliyiin ka soo jeeda Jamuuriyada soomaaliland taas oo ay wadamo badan oo carab ahi ku taami jireen inay keeni karto kala go' ku dhaca dalka Soomaaliya.

 Ka hor intaanu madaxweynaha Jamuuriyada Soomaliland Mudane Dahir Rayale kaahin la kulmin Madaxda Maraykanka ee uu kula kulmay Guriga Cad waxa jirey cabashooyin iyo eedaymo badan oo xisbiyada Mucaaradka ahi ay ku dhaleecayn jireen inuu madaxweynuhu ka gaabinayo dadaalka xidhiidhka arimaha dibada isla markaana aanu mudada uu shaqada madaxweynenimo hayo aanu ku guulaysan karin inuu Maraykanka ku qanciyo inay xidhiidh toosa iyo wadahadal ku saabsan danaha labada wadan ee Maraykanka iyo Somaliland la samayn karaan Madaxweyne Rayale.

Ka dib markii la shaaciyey in madaxweyne Rayale uu si toosa Martiqaad  uga helay dawlada maraykanka ayaa waxay tani madaxanuun ku noqotey xisbiyada mucaaradka somaliland oo aan rabin in wadankan somaliland uu yeesho aqoonsi iyo xidhiidho caalami ah, waana tan keentey maanta in xisbiga Kulmiye oo dabada ku qaatey xisbiga yar ee UCID ay sidii maraboobta  kolba dhinac ka  weerarayaan Dawlada uu Dahir Rayale madaxda ka yahay oo sida la wada ogsoon yahay jabisey gidaarkaa aanu sheegney ee u dhexeeyey somaliland iyo Maraykanka.


Hadaba dadweynaha somaliland wali indhahooda may kala furin umana fiirsan waxa ay xisbiyadani mucaaradku rabaan oo ah inay markasta oo Jamuuriyada soomaaliland ku xidhanto caalamka intiisa kale sida reer galbeedka meesha ay ka bixi doonto jahbadayn iyo qoloqolo loo kala faquuqo dadka wada dhashay ee soomaaliland , intaa waxa dheer inay qaskasta oo ay horseedi lahaayeeni uu gabaabsi noqon karo hadii wadankani helo dhaqaale iyo ciidan xoogan oo ku xidhan ciidamada aduunka ugu xooga badan oo ah kuwan maraykanka ee hada ay beeninayaan inay yimaadeen Berbera.

Dahir Rayale wakhtigiisa ayuu tagi doonaa sidii madaxdii ka horeyseyba u tageen lakiin shacabka soomaaliland waa inay kala gartaan danta guud ee wadankan ayaa hogaamin kara aduunkana ku xidhi kara dalkan wali aan la aqoonsan ayaase lugaha jiidaya oo dantiisu tahay qas iyo dibjirnimo dadku ku hoobto dibna loogu noqdo 14 sano ka hor sidii lagu jiray.

Madaxweyna Dahir Rayale waa qunyar socod aan ku faanin waxyaabo badan oo uu horey u sameeyey oo ay ugu horeyso sugida xadka caalamiga ah ee Jamuuriyada Soomaaliland ee dhinaca Bari, Xis-dhiidhka caalamiga ah , iyo nabadgalyada wadanku ku jiro hadda .

Sadexdaa arimoodi waxay xanuun ku noqdeen kuwa isku sheega tageerayaasha xisbiga Kulmiye oo badanaa ku dadaala inay dadka daah ka saaraan arimahaa guusha ah ee Rayale lagu xasuusan doono marka uu ka dego jagada madaxweynenimo.

Hadalada cadhadu dhaamisey iyo kala fogaynta dadka isku danta ah ee ree Somaliland ayaa caado u noqotey xisbigan Kulmiye inuu ka dhex faa'iidaysto isla markaana ay ujeedadiisa ugu weyni tahay sidii wadankan qas uga dhalan lahaa nasiib wanaagse dadka reer soomaaliland meelkasta oo ay joogaan way ka digtoon yihiin taa waxan kaaga daliil ah baaqyada dhaleecaynta huwan ee maalin walba lagu soo daabaco shabakadaha somaliland oo ay ugu danbaysey (Baaq ay soo saareen Jaaliyada Imaaraadka ee beesha Ciidagale oo ay ku sheegeen inay diyaar u yihiin inay ka difaacaan magaalada hargeysa xisbiga Kulmiye inuu wax qas ah ka rido baaqan oo nuqul ka mid ahi uu soo gaadhay saylac.com ayaa waxa ku saxeexnaa 25 muwaadin oo kala ah:

1 Sheekh Somalilanka Dubai Ibraahim Geeleed Caydiid {Xabo}
2 Suldaanka beesha ee EUA Aadan Cawl Xasan
3 C/raxmaan Cimaan Cabdi Abu coof
4 Dr. Xuseen Xasan Gacan
5 Mujaahid Xasan Maxmed libaaxoo
6 Khadar Cabdilaahi Cabdi
7 Mujaahid C/rashiid Caga dhig dhig
8 Ganacsade Xamse Abiib Gudhane
9 Ganacsade Xamse gurey gubadle
10 Ganacsade Mustafe Yaasiin Xuseen
11 Ganacsade C/salaan Gadac
12 Maxamed Ibraahin Cabdi (afgaab)
13 Injineer Deeq Cabdi san
14 Injiner Feysal cagaf
15 Xasan Kiiloo
16 Quule Gufeeye
17 C/raxmaan Jaamac Muuse
18 Sharmaarke Makhtal Muuse
19 Yuusuf Maxamed Xaashi(cabiid)
20 Dhiico Ibraahim Sumeys
21 Siciid Xadaadir X. Daahir
22 Maxamed Timacade(strong)
23 Injiner Mahad Caabi
24 Rashiid Maxamed Xaashi Mustaafare
25 Mawliid Jaamac Dalab

Tani waxay daliil iyo digniinba u tahay sida midnimada leh ee shacabka soomaliland uu diyaarka ugu yahay la dagaalanka argagiso kasta oo isku dayda qas iyo qaraxyo aan caado u ahayn Jamuuriyada soomaaliland inay ka sameeyaan tageerayaasha xisbiga kulmiye iyo cidkasta oo cadaw ku ah jiritaanka Jamuuriyada soomaaliland.

Baaqyo kale ayaa soo gaadhay saylac.com oo si toosa u tageeraya dawlada qunyarsocodka ah ee Dahir Rayale Hogaaminayo oo lagu tilmaamay inay tahay mid wakhti haboon oo dalka iyo dadkuba u baahnaa hogaanka u haysa Jamuuriyada somaliland oo xawli aada ku socota aqoonsigeedana wadamo badan oo reer galbeed ahi ay soo dhaweynayaan .

Gababagabadan faaladan ayaan waxaan ku waaninayaa cidkasta oo jecel in waxqabsoomaan dalkuna aqoonsi degdega helo ayna runta ka gaban una sheegaan cida qaska wadan inay joojiyaan uguna dhiiradaan runta sida 25 muwaadin iyo mujaahidba leh ee dhegta ugu riday kuwa magaca qabiileed laabta ku sita ee Kulmiye inay ka digtoonaadaan isku day qas ay ka dhex ridaan dalka.

Iyaga kulmiye waxaan kula talin lahaa inay laba kala saaraan Madaxweynoow wadankan xidhiidh dibadeed u raadi oo aduunka nagu xidh iyo maraykanka muxuu u wataa waa laba shay oo aan xataa caruurta u cuntamin ujeedo weynina ka danbaysob

hadii aan dhawr sadar ka soo qaato gabaygii magaciisu ahaa  Garaad Dundumo oo uu tiriyey Abwaan Maxamuud Cabdilahi Rooble ayaa waxa ku jiray.

Xumaan darartey Jaaheedu waa, samo ladiidaaye
Danbi Ciida laga galay ayaa ,soo darooshimaye
Durbaan xumaha loo tumo markii ,daaawo laga raadshay
Degdeg talada loo gooyo, een dabada loo faydin
Da'yartiyo duqaydiyo hadaan ,dumarka loo yeedhin
Labadii dabkala qaadan jirey ,waysu dudayaane
Hadii laba walaalo ah dulqaad, midina daymoonin
Markay dubato haylaaman iyo ,dacartu miirmayso
Allahayoow maxaa daal u yaal ,diifatiyo ciilba

Ismahan Nuur
Saylac.com
Kuwait City . Kuwait