|
|
 |
|
| |
Dawlada Cabdilahi Yusuf oo ku
hawlo jirta lacag cusub inay samayso.
April,15,2008
Muqdisho(Saylac.com) Sawir lacag cusub ayaa maanta
loo soo bandhigay saxaafada Muqdisho lacagtan oo
sida uu sheegay Gudoomiyaha Bandhiga dhexe ee
xukumada Cabdilahi Yusuf ay ku tala jiraan sidii
lacagtaa loo soo daabici lahaa si ay lacag
soomaalidii hore u badasho.
Bashir Ciise oo ah Gudoomiyaha bandhiga Dhexe ee
Xukumada cabdilahi Yusuf ayaa sawirka lacagtan cusub
usoo bandhigay saxaafada isaga oo sheegay inay
lacagtani ahaan doonto lacagta kaliya ee si sharci
ahaana loo isticmaali doono.
Lacagta soomaalidu istimcaasho ayaa ah mid duugowday
ganacsato badan oo gobolada koonfureed ku noolina
ayna qaadan hadii wax lagaga iibsanayo. Dadka
Soomaaliyeed ee ku dhaqan koonfurta soomaaliya ayaa
jahawareer ka qaaday lacagooyin kala duwan oo hadba
iska daba yimaada midkii ay isticmaali lahaayeen
waxa intaa u dheer sarifka lacagta soomaaliga ah
ayaa maalin walba hoos u dhaca marmarka qaarkood
hadii aad tegtid makhaayadaha saaha laga cabo si aad
koob shaaha uga qabsatid waa inaad lacag qadar badan
u sii qadaa qiimaha koobka shaaha ah.
Xaalada Magaalada Muqdisho oo aan cago ku taagnayn
amaankeeduna ka sii darayo maalin walba ayaan waxa
aan kala cadayn sidii ay lacagtani uga suurto gali
doonto in laga isticmaalo.
Dhinaca kale xoogaga ku kacsan Xukumada Cabdilahi
Yusuf ee Al- shabaab ayaa ku gacan saydhay inay
lacagtan iyo wixii isticmaalaba ay halis galin
doonaan.
Cabdi Maxamed
Saylac.com
Muqdisho |
|
|
