|
|
 |
|
| |
Wadada Xadiidka Jabuuti oo
halis ku jirta in Ciidamada Erateriya goyaan
Jun,11,2008
Djibouti(Saylac.com) Dagaalada ka dhex dhacay labada
ciidan ee Jabuuti iyo Erateriya ayaa dadka
badankiisu waxay ka cabsi qabaan in ciidamada
Erateriya ay goyaan jidka tareenka ee isku xidha
Itoobiya iyo Erateriya oo aanay jirin ciidamo gabi
ahaanba ilaalin kara jidkaas dheer.
Dawlada Itoobiya ayaa cabsi dheeraada ka qabta in
ujeedada kobaad ee Erateriya dagaalkan u bilawday ay
tahay in inay iskaba raaciso iska markaana ay heshay
siro aad loogu kalsoon yahay in Erateriya doonayso
in Jidkaa xadiidka ay goyso amaan darana ka abuurto
isku socodka Jabuuti iyo Itoobiya.
Dhinaca Jabuuti ayaa maanta shir Jaraa'id oo ay
qabteen madaxda Ciidamadu waxay shegeen inay guulo
waaweyn kaso hoyeen dagaalkii dhawrkii casho ee
inaga tagey afka la isku daray ciidamada Erateriya
dibna loogu ceshay xadka labada dal u dhexeeya.
Cabsidan soo xoogsaartey jidkan Xadiidka ayaa waxay
saamayn weyn ku yeelan doontaa dhaqaalaha dalka
Jabuuti iyo Itoobiya oo maalin walba shixnado dhanka
dhulka ah isku dhaafsada jidkan xadiidka ah.
Ciidamada maraykanka ee fadhigoodu yahay dalka
Jabuuti iyo kuwa faransiiska ayaa aad heegan u galay
iskuna diyaariyey amaanka dhinaca bada inay sugaan
hadii ay erateriya isku daydo inay badgooye ku
samayso maraakiibka ganacsiga ee xeebaha bada cas
mara.
Dawlada Jabuuti ayaa dhinaca Milateriga aad uga
gacan saraysa Dawlada Erateriya balse ay dawlada
Erateriya u dhaqmayso si nafla caarinimo iyo iskaba
raacin aan xad lahayn.
Guud ahaan degmooyinka waqooyi ee dalka Jaabuuti
ayaan degan ciidamada qaranka Jabuutina 70% waxay ku
sugan yihiin xadka u dhexeeya Jabuuti iyo Erateriya.
Dagaalkan ayaa waxa uu ku soo beegmay xiliga Xagaaga
oo aad dhulku u kulul yahay dadka reer Jabuuti
badankooduna uu u xagaa baxo dhanka Itoobiya waxase
sanadkan la filayaa in dadkii Itoobiya u xagaa bixi
jiray ay ku bedeshaan dhanka Somaliland oo ay dadka
badankoodu ka doorbideen inay u xasiloon tahay.
Wararka iyo sawirada
dagaalka kala soco saylac.com
saacadaha inagu soo fooleh
Osman Hussein
Saylac.co.
Djibouti, Djibouti |
|
|
