Ciidamada Tegreeda iyo kuwa Dabadhilifka ee
Cabdulaahi Yuusuf oo dad rayid ah ku toogtay xukun
Maxkamadeed la'aan Degmada Yaaqshiid ee gobolka
Banaadir ee magaalada Muqdisho..Jun,09,2008
Daawo sawiro naxdin leh
Jun,09,2008
(Muqdisho:Saylac.com)-Ciidamadaan ayaa manta
duhurkii xiray wadada Towfiiq ilaa iyo suuq Bacaad
waxaana markii hore loo malaynayey in ay howgalo ka
sameynayaan bale markii ay wadada fureen ayaa lagu
arkay meydadka sadax qof oo ay halkaa ku dilaeen ,
Sadaxdaan qof ayaa la gartay in ay ahaayeen wiilal
ay qabqabteen maalintii khamiista oo ay maxaabiis
ahaan u hayeen sida ay xaqiijiyeen qaar ka mid ah
dadka deeganka
Abaaro 12 kii duhurnimo ee maanta ayaa la maqlay
rasaas ka dhacaysa isgoyska Towfiiq ee degmada
Yaaqshiid ee gobolka Banaadir xiligaas oo aan wadada
loo ogoleyn in ay isticmaalaan dadka iyo gaadiidka
markii wadadii la furay ayaa waxaa la arkay
meydadkaan oo yaal afafka hore ee dugsiga Axmed
Gurey waxayna ka xirayeen meydadkani lugaha iyo
gacmaha
Waxaana loo diiday meydadkaa in ay qaataan
eheladooda balse markii danbe ayaa la ogolaaday in
ay qaataan eheladoodii kuwaas oo sheegay in ay ka
maqnaayeen ilaa khamiistii la soo dhaafay kuwaaso oo
laga qabtay isgoyska Towfiiq ee Degmada Yaaqshiid
Dhanka kale Askar la sheegay in ay ka tirsanaayeen
kuwa dharka cagaaran ee hoos taga maamulka gobolka
Banaadir ayaa barqanimadii maanta ku dilay degmada
Dharkeynley ee gobolka Banaadir nin ganacasade ahaa
oo ka tirsanaa dadka deegaankaasi.
Dilkan oo ka dhacay meel u dhexeysa saldhiga
Booliska Galbeed oo ciidamadaasi fariisin u ah iyo
halka loo yaqaano Tabakaayo Madow oo ninkaasi uu ku
ganacsanayey ayaa ka dambeeyey ka dib markii ay ku
amreen ciidamada dowlada Cabdulaahi Yuusuf inuu
halkaasi isaga tago, kana qaato alaabadiisa, hase
ahaatee ninkaasi oo u hogaansamay amarka handadaada
uga yimid ciidamada ayaa intii uu ku guda jiray
rarashada alaabo qaab warato ah halkaasi ugu tiilay
ayaa waxaa rasaas si lama filaan ah ugu furay mid ka
mid ah askarta ciidamada Embagthi taasoo ninkaasi
madaxa ka haleeshay keentayna inuu halkaasi ku
geeriyoodo.
Falka noocaan oo kale ah ayaa ah mid aan ku cusbeyn
ciidamada dowlada Embagthi iyo kuwa Ethiopia waxaana
maalin ka hor ka dhacaday kuliyada jaale Siyaad in
lagu dilo laba nin oo midkood yahay macalin duqsi
qur'aan kuwaasoo ay cidamada dowlad Embagthi ka soo
qabteen hotel Weheliye Taasoo si aad ah uga
fajicisay dadka deegaanka oo sheegay in sawiro laga
qaaday markii la qabanayey ka dibna la dilay
maxkamad la.aan lamana oga Sababta dilkooda keentay
waxaana la tuhun san yahay in uu qeeyb ka yahay
Falalka ay Ciidamadan isku Beheeystay Laynta Shabka
Soomaaliyeed.
Max'ed Ibraahin Raage
Saylac.com Muqdisho Somalia.
Xaalada
suuqa Bakaaraha oo saaka caadi ku soo laabatay ka
dib markii uu shalay marti geliyey duqeyntii ugu
cusleyd taariikhda.
Jun,09,2008
(Muqdisho:Saylac.com)-Dhaqdhaqaaqii ganacsiga ee
Suuqa Bakaaraha ee magaalada Muqdisho ayaa saaka
caadi ku soo laabtay ka dib markii maalintii shalay
ay gudaha Suuqaasi la soo bartilmaameed-sadeen
ciidamada Tegreeda ee Dalka Ku soo duulay ee
Ethiopia iyo kuwa Dowladda Embagthi duqeyn aan loo
meel dayin oo Suuqa ka geystay qasaarihii ugu badnaa
ee isugu jira naf iyo maal intaba.
Suuqa ayaa saaka waxaa ku soo qulqulayey dadweyne
aad u fara badan oo iskugu jira gancasato soo
eeganeysa haddii ay waxyeelo soo gaartay iyo haddii
kale goobahooda ganacsi iyo kuwo kale oo Suuqa ka
lahaa dano gaar ah, kuwaasoo shalay intii ay
duqeynta ku socotay ay u suurta geliweysay iney
suuqa soo galaan sababo la xirira cabsi ay lafahooda
u baqayeen darteed.
Gudaha Suuqa Bakaaraha gaar ahaan dhismeyaasha ku
yaala wadooyinka 1-aad iyo labaad ee Suuqaasi ayaa
waxaa ka muuqanaya burbur xooggan oo ay madaafiicdu
u geysteen, iyadoo wadooyinkana ay dhex daadsan
yihiin fiilooyin fara badan oo ka mid ah kuwa
kortontada iyo telefoonada oo ay dhulka soo dhigeen
madaafiicda halkaasi lagu asqeysiiyey, iyadoo qaar
ka mid ah shaqaalaha shirkadaha Isgaarsiintana ay ku
howlanayeen sidii ay fiilooyinkaasi dib ugu xiri
lahaayeen.
Dadweynaha ayaa raxan raxan u taagnaa bartamaha
Suuqa iyagoo isweydiinaya sababta keentay
duqeyntaasi iyo qasaaraha ka dhashay oo illaa hadda
dhimashadda ay gaartay illaa 20 ruux oo rayid ah
halka dhaawacuna uu caga cageynayo in ka badan 100
ruux oo haatan lagu daweynayo isbitaalada magaalada
Muqdisho, waxaana duqeyntii shalay ay aheyd tii ugu
xumeyd ee taariikhda loo geysto Suuqa Bakaaraha.
Max'ed Ibraahin Raage
Saylac.com Muqdisho Somalia.
Shiikh Xasan Daahir Aweys
oo sheegay in Duqeeyntii Shalay loo Geeystay Suuq
Bakaaraha ay aheeyd Aar gudasho.
Jun,09,2008
(Muqdisho:Saylac.com)- Shiikh Xasan Daahir Aweeys oo
Xubin Sare ka ah Isbeheeysiga Dib U xoreeynta Dalka
ayaa sheegay in Dagaalkii shalay ka dhacay Qeeybo ka
mid ah degmada Wardhiigleey iyo Duqeeyntii ay
ciidamada cadawga ee dalka Ku soo duulay ee Ethiopia
u geeysteen Suuqa Bakaaraha ay tahay Micneheeda
Aargudasho ay Ethiopia kaga Aar gudaneeyso Shacabka
Soomaaliyeed wax yaabihii dhex maray Sanadihii
todobaatameeyadii waxaana uu sheegay in arinatani ay
in badan ku taameeysay Dowlada Ethiopia.
"Waa ay iska Cadahay in Duqeeynta ay Ciidamada
Ethiopia ka geeysteen Suuqa bakaaraha ay tahay
Aargudasho ay in badan ku taaamayeen" ayuu yiri
sheikh Xasan Daahir Aweeys.
Sidoo kale Xasan Daahir Ayaa sheegay in xiligani aan
loo baahneeyn in Ciidamada Gumeeysiga Ethiopia Dalka
looga Saaro wada hadal maadaama ay yihiin Gumeeysi
dalka ku soo duulay waxaana loo baahan yahay in
Awood looga saaro dalka oo la sii wado halganka
looga soo hor jeedo.
" Dal waliba oo xoog lagu qabsado waxaa lagama
maarmaan ah in Xoog milateri lagu xureeyo oo ay
Shacabkiisa iska Ridaan Heeryada Gumeeysiga " ayuu
si kulul u yiri sheikh Xasan Daahir Aweeys.
Shiikh Xasan Daahir Aweeys mar wax laga weeydiiyay
Shirka Ka socanaya Dalka Jabuuti waxaa uu ka
aaminsan yahay waxaa uu sheegay in lagu doonayo
shirkaasi in lagu sii xalaaleeyo Joogitaanka
Ciidamada Tegreeda ee dalka Soomaaliya ku soo duulay
iyo in lagu kala qeeybiyo Isbeheeysiga Dib u
xoreeynta Dalka Soomaaliya oo uu xubin ka yahay
isaga.
Hadalka sheikh Ayaa ku soo beegmaya xili Qeeybo ka
mid ah Magaalada Muqdisho ay shalay ka dheceen
Dagaalo xoogan iyo duqeeyn ay ciidamada cadawga
Ethiopia iyo Ciidamada kooxda Embagthi ee uu hor
kacayo Dhiig yacab Cabdullaahi Yuusuf ay u geeysteen
Qeeyb badan oo suuqa Bakaaraha kaasi oo qasaare
nafeed iyo mid maaliyadeed dhaliyay.
Max'ed Ibraahin Raage
Saylac.com Muqdisho Somalia.
Qaar ka Mid ah Dadkii kii
ku dhaawacmay Duqeeynta Ciidamada Tigreeda ay ka
geeysteen ugu geeriyooday Dhaawacooda Cusbitaalada
Magaalada Muqdisho.
Jun,09,2008
(Muqdisho:Saylac.com)-Qaar ka mida dadkii shalay ay
dhbaatada cusul ka Soo gaareen Madaafiicda ay sida
arxan Darada ah ugu Garaaceen Ciidamada Dalka ku Soo
duulay ee Ethiopia ay ku Garaaceen Suuqa Bakaaraha
ayaa ku Geeriyooday Cusbitaalka Madiina ee Magaalada
Muqdisho.
Dhaawacyadii shalay ka soo gaaray dadka rayidka
Madaafiic ay u qaybiyeen ciidamada Tigreeda ah ee
Dalka Soomaaliya ku soo duulay Xaafado ka mida
Magaalada Muqdisho ayaa waxaa Maanta ugu geeriyooday
Cusbitaalka Madiina Sedax Ka mida oo dadkaasi oo mid
ka mid ah ay Hayd gabar reerkeeda oo dhan ka soo
hartay kadib markii madfac ku soo dhacay gurakooda
kaasi oo dilay dhamaan reerkeeda.
24 kii Saac ee laga soo gudbay ayaa waxaaa
Cusbitaalka Madiina la gaarsiiyay 64 qofood oo
dhamantood ku soo dhaawacmay Madiicdii shalay ku soo
dhacay Suuqa Bakaaraha iyo Xaafadaha ka agdhow
waxaana dadkaasi sidoo kale ka Mida ahaa reer uu
Madfac ku soo dhacay gurikooda waxaana ku dhaawcmeen
Dhamaan 7 qofood oo kala ahaa Hooyo iyo Caruurteedii
iyadoo Markii Dambane ay geeriyootay hal gabar oo
Curad u ahayd reerkaasi waxaan haatan Dhaawac Xun ah
hooyada Dhashay Caruurtaasi.
Dadka ku dhaawacmay madaafiicdii shalay Ciidamada
cadawga Ethiopia ay ku soo garaaceen suuqa Bakaaraha
ayaa waxaa ay sababeen in ay ku geeriyoodaan ku
dhawaad 20 qofood iyadoo ay ku dhaawcmeen dad kor u
dhaafaya 100 Qofood oo rayid ah.
Inta badan waxaa ay waxyeelo ka soo gaartaa
duqeeynta Muqdisho ay ka geeystaan Ciidamada dalka
Soomaaliya ku soo duulay ee qabsaday ee Ethiopianka
dad rayid ah oo aan waxba galabsan.
Max'ed Ibraahin Raage
Saylac.com Muqdisho Somalia. |
