Sida sargaal ciidanka Jabuuti ka tirsani u sheegay saylac.com Ragani  dhamaantood waxay  u dhasheen  gobolka Togdheer  kana tirsan xisbiga Kulmiye.

 Waxa  kale oo ay shabakada saylac.com heshay inay ku jireen u diyaar garow diwaangalinta codbixinta la wado maalinta bari ah ee bishani tahay 23 ka bilaambi doonta gobolada Awdal iyo Salal ay qaraxyo dhawra ka sameeyaan si dadku u kala cararo codbixintuna u fashilanto. Warkan oo aanu ka helay sarkaal ka tirsan Booliska Dalka Jabuuti ayaa waxa kale oo uu sheegayaa, in baadhitaano kale Booliska Jabuuti ka wado magaalada Jabuuti.

Dhinaca kale wasiiro dhawra oo ka socda xukumada Jamuuriyada Somaliland ayaa maalmahan socdaal hawleed ku kala bixinaya degmooyin ka tirsan gobolada Awdal iyo Salal. Socdaalka Wariisada ayaa waxa uu gabi ahaanba ku saabsan yahay ka warhaynta iyo la socodka habsami usocodka wacyigalinta diwaangalinta ka socota gobolada Awdal iyo Salal.


Maaha markii ugu horeysay ee ciidanka Boolisku Jabuuti ay qabqabtaan dad looga shikisan yahay inay rabshado argagixiso nimo ka fuliyaan wadamada daris la ah Jamuuriyada Jabuuti, iyadoo hada ka hor dhawr kale lagu qabqabtey loona tarxiilay wadanka erateriya ee aanu cadawga nahay.

Xisbiga kulmiye ayaa taniyo intii uu saamayn ku yeeshay gobolada Salal iyo Awdal waxa lagu eedeeyaa inuu khatar weyn usoo jiidi karo gobolada Awdal iyo Salal. Hada ka hor ayaa wafti ka socda xisbiga kulmiye ay dawlada Somaliland dib uga celisay magaalada Gabiley, waftigaa oo sida la sheegay damacsanaa inay ciida Al- Odxa mudaharaadyo tageeraya xisbiga kulmiye ka sameyaan gobolka Awdal.


Osman Hussein
Saylac.com
Djibouti, Djibouti