|
|
 |
|
| |
Yaa iska leh halhayska
Cantaroow maxaad caawa haysaa??
Oct,17,2008
London(Saylac.com) Cantaroow maxaad caawa haysaa waa
ergayga kaliya ee xisbiga Kulmiye ku dhaqmo marka ay
dhexdooda isweydiinayaan maxaa iska horkeen
maalintaa u qabsoomay .waayo waxaad moodaa inuu
xisbigani gabi ahaanba kadhacsan yahay dhabada xisbi
qarameed ee xisbiyada kale ee Jamuuriyada
Soomaaliland.
Marka aad hadal qaado erayga KULMIYE dadka madaxooga
waxa kusoo dhaca waxyaabo ay ka mid yihiin:
Qabyaalad, dagaal, mudaharaad, khilaaf, musuqmaasuq
iyo waliba wadaniyada oo aad ugu yar.
Maanta warbixin ka hadlaysa inuu Axmed Maxamed
Maxamuud Siilaanyo tagay Berbera ayaa soo gaadhay
saylac.com markaan furay emailka waxaan durba
isweydiiyey; tolow hadana ma dhibaato kale inuu dhex
dhigo shacabka reer Berbera ee ku mashquulsan
diiwaanglinta ayuu wadaa? rayigan dadbadan ayaa is
weydiin kara waayo waxa Siilanyo looga bartey meesha
uu tagaba inay qiiqdo!
Waxa kale oo aan Ilaahay ugu mahadinayaa
inuu socdaalkii uu Maalintii Ciida rabay inuu ku
tago Borama ay xukumada Somaliland is hortaagtey.
dadka qaar ayaa rayigan diidi kara garna way u
leeyihiin inay diidaan lakiin intaanad diidin ama
aanad yeelin kahor waxaad isweydiisaa waa maxay
sababta dawlada Somaliland u horjoogsatey xisbiga
kulmiye inuu Borama ku ciido?
Waa sahal jawaabtu waxana weeye; horta xisbiga
kulmiye ciid umuu socon sideedaba ee ciida lafteeda
ayuu ku dhuumanayey waxanu uu usocday mudaharaadyo
dadka ku dhaqan magaalada Boorama la iskaga horkeeno
shaqaaqado ba'anina ay ka dhalan karaan.
Hadaba danta dalka iyo dadka adigoo xeerinaya
akhristoow maxaa ku jaban in jilibka loo dhigo xubno
xisbiga kulmiye ka socdaayi inay ku galgashaan
magaalada astaanka aqoonta iyo nabadaba ku caan
baxday ee Borama? Hadii aad tahay nabadoon jecel
nabada inaad igu raacdo ayaa laga yaaba lakiin hadii
aad wali aanad garan ujeedada xisbiga kulmiye iyana
inaad igu gacan saydho ayaa meesha taala.
Labada diyaar ayaan u ahay; waa mida horee hadaad
igu raacsan tahay halkaan ka hadlayo waa ilaahay
mahadii inta kalena inaad gaadhsiiso ayaan
rajaynayaa. Hadii aad wali xumada kulmiye aad la
ildaran tahayse waa halkeeda oo kali kuma tihid dad
kale ayaa kula qaba waxaanad la mid noqon doontaa
sidii ninkii la yidhi cadaabta ayaad galaysaa hadii
aad danbigan iska dayn waydo ee dabeed ku jawaabay
cadaabtaba saw dadkale iigama horeyn.!!
Hadii aanu usoo noqono cantaroow maxaad caawa haysaa
waa erayga ay xubnaha ugu muhiimsan ee xisbiga
kulmiye afgarad ahaan waxa iskuweydiiyaan markay
damacsan yihiin inay ogaadaan wixii isku dir iyo
kala fogayn u qabsoomay maalinkaa.
Maalintii la bilaabay diwaangalinta dadka berbera ku
dhaqan ayaa waxa la sheegay inay dhaceen xogaa
shaqaaqado ah oo ka dhex dhacay dadweynihii
diwaangalinta samaynaayey iyo hawlwadeenada u
xilsaaran diwaangalinta. Axmed Maxamed Maxamuud
Siilaanyo ayaa arinkan durbadiiba xiisa gaara siisey
waana ahmiyada kobaad ee socdaalkiisa Berbera inuu
sii horey mariyo khilaafkaa ama dadka uu iskaga
horkeeno si ceeb iyo fadeexad dabeed loogu aanaayo
xukumada somaliland inay sugi kari wayday amaanka
iyo habsami usocodka diwaangalinta degmada Berbera,
isagoo taa uga duulaya in degmooyinka kalena qaadici
doonaan ama muran iyo shaqaaqado kale oo ku lugleh
diwaangalintu uu ka dhalan karo guud ahaan gobolada
Somaliland.
Nasiib wanaag Berbera oo degtey diwaangalintuna ay
si fiican uga socota ayuu cagaha dhigay Siilaanyo
waanu ku hungoobay siduu doonayeyna way u dhici
weyday!
ugu danbayn waxaan qormadan gaaban shacabweynaha
Jamuuriyada Somaliland uga digayaa inay iska jiraan,
ka feejignadaan, isku sheegaan, isha ku hayaan,
dhegtana kala socdaan mashaqada aan la qiyaasi karin
ee ka guuxaysa madaxa Siilaanyo oo ah inuu gacmaha
dhulka u dhigo gabi ahaanba jirintaanka Jamuuriyada
Somaliland.
Digniintan waxaan marag uga dhigayaa hadaladii
Silaanyo ee dadweynuhu mareegaha ka maqleen ama
raadiyahaba ka dhegaysteen ee ahayd " Anagu dagaal
waan soo marnay diyaarna waan u nahay goorta loo
baahdo" erayga dagaal, dagaal, dagaal micnihiisa
loogama sheekayn karo shacabka somaliland iyo waliba
shacabka soomaaliyeed ee wali la ildaran, masuulka
isku sheegaya inuu xisbi gudoomiye ka yahay ee
dagaal afkiisa ku celceliya waxaad garan kartaa inuu
fikir kale oo caafimaad qaba umada u hayn marka laga
reebo cadho nacayb dhaamiyey iyo dagaal.
Taasi waa shacabka dawlada somaliland iyada waxaaan
leehay intaad sutida u qaban kartaan sutida u haya
wadaadkan waana xil idin saaran inaad umada ka
ilaalisaan cidwalba oo dagaal ooge ah dadkuna
dhaqaale iyo siyaasad mugweyn ayuu kaga bixi karaa
cawaasiif kasta tubteediina waad haysaan umaduna way
idin daba taagan tahay Eebana ha idinku garab
galo..Amiin
Cantarna waxaan leehay waxaad hayso cirka u tuur
dadkna ka fadhiiso adeer.
Maxamed Xaaji
Saylac.com
London, UK |
|
|
