|
|
 |
|
| |
Madaxweynaha Jamuuriyada
Jabuuti Mudane Ismacil Cumar Geleh oo maanta la
kulmay Ra'iisul Wasaaraha DKM ee Somaliya Nuur Xasan
Xuseen (Nuur Cade).
Djibouti(Saylac.com)Madaxweynaha Jamuuriyada Jabuuti
Mudane Ismacil Cumar Geleh oo maanta la kulmay
Ra'iisul Wasaaraha DKM ee Somaliya Nuur Xasan Xuseen
(Nuur Cade). kulankan oo qaatay dhawr saacadood ayey
labada dhinac ka wada hadleen kulamadii dhawaan ku
dhex maray isbaahaysiga dibuxoraynta somaliya iyo
Dawlada Cabdilahi Yusuf madaxda ka yahay ee
koonfurta soomaaliya.
Madaxweynaha Jamuuriyada Jabuuti ayaa sheegay inuu
aad uga xunyahay khilaafka dabada dheeraaday ee
koonfurta soomaaliya, Waxa kale oo uu madaxweyne
Ismcail Cumar Geele intaa ku daray inay dawlada
Jabuuti ay marwalba jeceshahay in xal kama danbays
ah loo helo dhibaatada ka jirta koonfurta soomaaliya
ayna haboon tahay inay si toosa dadka soomaalidu u
xaliyaan mashaakilaadka ka dhexeeya.
Maruu ka hadlaayey kulamadii dhawaan dhex maray
labada dhinac ee isku haya koonfurta soomaaliya ayaa
waxa uu sheegay Mudane Ismaciil Cumar Geleh, in
wadahadal la furaa i uu horseedi karo isfaham iyo
xal kama danbays ah oo lagu gorfeeyo wixii la kala
tabanayo .
 
Dhinaca kale Ra'iisul wasaare Cade ayaa isna aad u
tibaaxay inay dawladiisa ay ka go'antahay xal ay
koonfurta soomaaliya wada gaadho iyo nabad waarta,
waxa kale oo uu Nuur Cade sheegay in ujeedada
socdaalkiisu ay weheliso kalsooni buuxda oo uu ku
qabo dawlada Jabuuti sida wacan ee ay goor walba
iskaga xil qaado nabad raadinta Koonfurta Soomaaliya
.
 
Nuur Cade ayaa intaa waxa uu ku daray inuu aad ugu
kalsoon yahay in wadahadalo kale oo ay iskugu iman
doonaan kooxda dibuxoraynta soomaaliya iyo
dawladiisu oo ka dhici doona wadamo geeska afrika ku
yaala ay ka soo bixi doonaan xal kama danbays ah oo
umada soomaaliyeed niyad sami ku abuuri doona.
Dhawaanahan ayaad moodaa inay dawlada Cabdilahi
yusuf madaxda ka yahay ay ahmiyada saarto inay
wadadahalo la gasho kooxaha dibuxoraynta soomaaliya
oo ay markii hore u arki jireen amaba ku magacaabi
jireen argagixisada Caalamiga ah isla markaana ay
horey u sheegeen inayna wax wadahadalo ah la galin
doonin .
Kulankan maanta ay yeesheen Madaxweyne Ismacill
Cumar Geleh iyo Nuur Cade ayaa waxa uu ku soo
beegmay wakhti wararka maanta saxaafadaha aduunku
qoreen uu sheegaayey in maraakiib dagaalka ah oo ka
hawlgalaya xeebaha dalka soomaaliya la arkay,
maraakiibtaas oo aan ilaa hada la hayn dawlada iska
leh ama meesha ka ka socdaan.
Osman Hussein
Saylac.com
Djibouti/Djibouti |
|
|
