Salaadiinta Gobolka Awdal
sharaf iyo amaan ayey ku mudan yihiin
soo celinta diiwaangalinta Gobolka Awdal si loo
qabyo tiro..
Dec,12,2008
Seattle(Saylac.com)Ka hor intaanan la bilaabin
diwaangalinta gobolka awdal ayey si wada jira
salaadiinta gobolka awdal cod midaysan ugu
gudbiyeen Komishanka qaranka soomaaliland
mawqifkooda ku saabsan habsami u socodka iyo
dhamaystirka diwaangalinta gobolka Awdal.
Dadka badankiisu runtii aad ayuu uga shiki qabay in
bayaanka Salaadiinta ka soo yeedhay la
tixgalin doono, lakiin guul ayaa la odhan karaa inay
ka dhalatey in Saladiinta Awdal oo isku duubani
codkoodii meel maro. Marka hore sharaftu waxay ku
jirtaa isku duubnida .
Maanta hadii mid ka mid ahi dhawaaq ama cabasho soo
jeedin lahaa uma malaynayo in codkiisu meel dheer
gaadhi lahaa, nasiib wanaagse dhaqan wanaaga
Salaadiinta Gobolka awdal lagu yaqaano oo ah mid
isku duubni iyo isku aragti ka ah danaha guud ee
Gobolka ayaa suuro galiyey in maanta komishanka
qaranka Somaliland uu garwaaqsado soo celinta
diwaangalinta si loo dhamays tiro diwaangalinta
qabyada ah ee gobolka Awdal.
Suldaan Cabdiraxman Jama Dhawal suldaanka guud ee
Beesha Haber Cafaan
Dhinaca shacabka Awdal waxaan odhan lahaa waa inaad
garab joogsataan salaadiinta sharafta leh ee goor
walba danaha gobolka iska xilsaarta oo aad waliba
tustaan tageerada iyo hambalyada aad u haysaan, taas
oo sii xoojin doonto kalsoonida iyo dhiiranaanta ay
salaadiintu u hayso waxqabadka gobolka guud ahaan.
Dhinaca xukumada lafteedu amaan weyn ayey mudan
tahay maadaama ay tixgalisey cabashada xaq raadiska
ah ee ka soo yeedhay gobolka awdal oo sida ay
gudigii diwaan galintu qireen ay qabyo ahaan kaga
tageen iyagoon dhamays tirin diwaangalinta gobolka
awdal oo ay sheegeen inay diwaan galiyeen oo kaliya
40% boqolkiiba afartan.
Hadaba si loo dhamaystiro diwaangalinta gobolka
awdal intii ka dhinayd ayaa waxa shacabka ku dhaqan
gobolka awdal la gudboon inay iyaga laftoodu ka qayb
qaataan wacyi galinta diwaangalinta soo laba
kaclaysey ee gobolka Awdal oo dhawaan la filayo
inay gudigii diwaangalintu dib ugu soo laambi
doonaan gobolka.
Maamulka gobolka ayaa isna waxa saaran masuuliyad
weyn inuu ka soo baxo sidii dadweynaha aan horey
fursada diwaan galinta u helin uu ugu fudaydin lahaa
wacyi galin xambaarsan iclaan dhinac walba ah sida :
Raadiyaha, TVga iyo waliba saxaafadaha xorta ah ee
gobolka Awdal inay ku wacyi galiyaan shacabka,
umadana mar labaad ku baraarujiyaan sidii loo
dhamays tiri lahaa diwaangalinta gobolka awdal ee
qabyotirka u baahan.
Gabagabadii qormadan ayaa waxa mar labaad amaan iyo
sharafba mudan Salaadiinta gobolka Awdal oo mar
walba iska xilsaara horumarka iyo wada noolaanshaha
shacabka walaalaha ah ee Somaliland gaar ahaan
danaha shacabweynaha ay matalaan ee reer Awdal
Nin waliba wuxuu qabtey waa logu sharfinayaa !!
Halkan
ka dhegayso shir jaraa'id oo ay bishii Sebtember
qabteen salaadiintu
Maxamuud Cabdilahi Rooble
Saylac.com
Seattle USA
|
