Kaluun daray ah
oo maalin walba ka yimaada Magaalada Lughaya
loona iibkeeno magaalada Boorama
April,25,2008
Borama(Saylac.com) Yaasiin Habane Aye oo ah
hantiilaha Shirkada Keenta kaluunka ayaa
saylac.com uga waramay suuqa fiican iyo
faidada uu ka helo keenista kaluunka Boorama.
Kaluunkan oo iskugu jira nuucyada ugu
tayahada fiican suuqyada aduunka ayaa
maalinwalba waxa uu soo galaa suuqa kaluunka
lagu kala iibsado ee Magaalada Boorama oo
aan horey u jirin.
Mulkiilaha Shirkada Kaluunka xeebta Lughaya
Ganacsade Yasiin Habane Aye oo saylac.com
warayi khaas ah ka siiyey sida uu ku
bilaabay shirkadan iyo hamigiisa ayaa waxa
uu sheegay inuu abadkii u taami jiray inuu
sameeyo shirkad kaluun oo kaluunka ukala
qaybisa magaalooyinka waaweyn ee Jamuuriyada
Somaliland gaar ahaan Magaalada Boorama .
"Waxaan in badan ku hamiyi jiray inaan mar'
uun keeno kaluun Boorama, wanan ku guulastay"
ayaa hadaladiisa ka mid ahaa ganacsade Aye.
Isagoo hadalkiisa sii watayna waxa kale oo
uu sheegay inuu mudo badan bada ku jiray
kaluumaysigan hadda aan bilaabayna waa mid
shuqul ahaan anigu aan doorbiday isla
markaana aan ku taami jiray .
Ganacsade Aye oo ka waramaya qalabka uu ku
hawgalo ayaa sheegay inuu leeyahay Labo
laash oo uu ku kaluumaysto intaa waxa dheer
ayuu yidhi shabaagta aan daadino habeenkii
oo iyaguna dhawra ah. Ganacsade Aye oo ka
waramayo socdaalka dheer ee uu lasoo galo
kaluunka ay maalintaa helaan ayaa waxa uu
sheegay inay 10ka subaxnimo lughaya ka soo
baxaan iyagoo kaluunka kusoo qaadaya babuur
ay saaran yihin talaajado qabooyjiya
kaluunka si aan tayadiisu wax u gaadhin isla
markaana soo gaadha magaalada Boorama 4
Galabnimo waa lix saacadood oo kaliya hadii
jidku laami ahaan lahaana waxaba uu qaadan
lahaa laba saacadoon wax ka yar.
Kaluunkan daray ah ayaa maalinwalba dadku
kusugaan Suuqa Kaluunka ee Magaalada Boorama
oo ay si degdga dadku ugu kala boobaan iib
wanaagsana uu ka helo.
Yaasiin Habane Aye
oo ah hantiilaha Shirkada Keenta kaluunka
Ganacsade Aye oo ka waramay suuqa baaxada
weynleh ee kaluunka sugaya ayaa waxa uu
sheegay inuu markii hore ku bilaabay
bilaabay 230kiiloo Maalintii suuqa iyo
dalabka oo si xadhaafa u soo kordhayna ay
hada kordhiyeen kaluumaysiga waxayna keenaan
maalintaii ilaa 5 kiloo oo dalabka ay dadka
ka qadaan ah intaana waxa dheer dadka kale
ee iyaguna maalin walba liiska dalabka lagu
darayo iyo kuwa suuqa u imanaya inay
kaluunka ka iibsadaan.
Isaga oo ka waramaya macaashka ay ka helaan
suuqan curadka ah ee kaluunka Boorama ayaa
waxa uu ganacsade Aye saylac.com u sheegay
walaw shidaalku qaali ku joogo hadana inay
macaash fiican ka helaan maalin walba.
saylac oo waydiisay keenista kaluunka
magalada lughaya inay u fududaysay wadada ay
samaysay hayada GAA ee Jarmalka oo Degan
Gobolka.
Ayaa Ganacsade Aye waxa uu sheegay inay run
tahay inay in badan ay ka caawisay jidka
siiba dalcadii tuulada Dhuuse qadhmuune ku
yaalay. isaga oo hadalkiisa sii watana waxa
uu si dhiiranaani ku dheehan tahay u yidhi "Aniguse
wado samayn iyo wado Xumaba Horaan ugu qalab
urursan jiray inaan Boorama kaluun u keeno"
Magaalada Lughaya ayaa waxay dhinaca bari
kaga beegan tahay magaalada Boorama 195 KM
oo wado raf ah ama aan laami ahayn.
Xarakaadkan ganacsi ee maxaliga ah ayaa waxa
uu ku soo beegmay wakhti maceeshada aduunku
cirka isku shareertay loona baahan yahay in
la sameeyo xarakaadyo ganacsi oo nuucan la
mida shabakada saylac.com waxay sharaf iyo
amaanba u soo jeedinaysaa Ganacsade Aye sida
geesinamada leh ee uu kaliygii u xaytey
dadka ganacsatada kalena waxay ku dhiiri
galinaysaa inayna kaliya Bariis iyo Baasto
aduunka ka sugin ee ay indho- indheeyaan
dariiqyo kale oo lagaga maarmi karo
raashinada dibadaha laga sugo ee lacagta
adag dadka ku jooga oo isla markaana ay
dhiiri galiyaan ganacsatada yaryar ee
fikirka caafimaadka qabta la kawsatey sida
Gamacsade Aye oo runtii dadka u horseeday
dariiq dhaxal gal ah.
Dahir Axmed Jirde
Saylac.com
Borama/ Somaliland
|
