"Xafladii wanqasha Gobolka
Gabiley ee maanta oo ay ka soo qayb galeen madax,
culima-udiin iyo waxgarad kale oo ka socda labada
gobol ee Awdal iyo Gabiley +
Sawiro
May,25,2008
Gabilay Saylac.com)Wanqashii gobolka Gabiley ayaa
maanta si yaable u dhacday ka dib markii la isku
arkay ayna ka soo qayb galeen Madax sare, Cuimaa
udiin, Aqoon yahano, dhalinyar, ururada Haweenka iyo
dadweyne kale oo u dhsahay gobolka cusub ee Gabiley.
Munaasibada Xafladan oo aad loo soo agaasimey ayaa
waxa ka soo qayb galay Marwada kobaad ee Jamuuriyada
Somaliland Marwo Huda Barkhad Aden ,
Madaxweyne ku xigeenka JSL Mudane Axmed Yuusuf
Yaasiin, labada hogaamiye ee xisbiyada Mucaaradka ee
kulmiye iyo Ucid, Wasiiyo iyo xildhibaano kale oo
farabadan.
Marwada Koowaad ee Madaxweynaha JSL Marwo Huda
Barkhad Aadan, ka hor intii aanay hadalka bilaabin
lagu soo dhaweeyay Caleemo qoyan iyo Mashxarad ,
ayaa iyaduna halkaasi ka hadashay , waxana ay
hadalkeedii ku bilowday ‘’Waxa maanta sharaf noo ah
in aanu idinkala qayb galno , xaflada dabaal daga
gobolka gabilay oo aad aanu ugu faraxsanahay , waxa
aanu leenahay Mabruuk , waxa anaga sharaf noo ah oo
aan idinku mahad naqayaa ilaaha qadaray anaga oo
joogna Madaxtooyada in gobolkii Gabilay lagu
dhawaaqo , aad iyo aad ayay noo taabanaysaa gaar
ahaan , waxaanan leeyahay ilaahay ha ka dhigo gobol
khayr qaba , waan hubaa gobolka Gabilay waa gobol is
bixinaya , dhinac walba ha ahaato dhinaca Dhaqaalaha
dhinaca Beeraha , dhinaca Xoolaha aad iyo aad ayaan
ugu faraxsanahay .
 Madaxweyne
ku xigeenka JSL Mudane Axmed Yuusuf Yaasiin , oo
isagu halkaasi ka hadlay ayaa waxa uu hadalkiisii ku
bilaabay ‘’Maanta halkan waxa aynu isugu nimid, in
aynu hambalyayno oo aynu dhiiri gelino gobolkan
cusub ee Gabilay oo mudo dheerna soo halgamayay
gobolnimo , waa gobolkii ugu dheeraa ee lagu halgamo
inuu noqdo gobolnimo, Maanta waxa farxad ii ah in
aan idinkala soo qayb galo farxadan aad maanta ku
jirtaan , haddaba maadaama la dajiyay gobollo badan
, dabcan gobolladu ha ogaadaan waxa looga baahan
yahay , gobol marka la qiimaynayo , waxa lagu
qiimeeyaa dadkiisa iyo inta uu xukumo dalkiisa iyo
wax soo saarkiisa , shacabkiisu inta uu leeg yahay ,
waa saddexda shay ee hadda lagu qiimayn doono
gobolladii la dajiyay’’
 Waxa
iyaguna halkaasi ka hadlay Gudoomiyayaasha Xisbiyada
KULMIYE Mudane Axmed Maxamed Maxamuud ‘’Siilaanyo’’
, Gudoomiyaha Xisbiga UCID Eng Faysal Cali Waraabe
iyo Xoghayaha Guud ee Xisbiga UDUB oo iyaguna u
rajeeyey gobolka Gabiley horumar iyo badhaadhe
waxayna dadweyhihii daawanayey xaflada u cadeeyeen
inay tageersan yihiin magacaabida gobolkan Gabiley
isla markaana ay hambalyo iyo bogaadin u dirayaan
dhamaan dadweynaha reer Gabiley .
Gobolkan Gabiley ayaa waxa uu noqon doonao Gobol ay
ku bahoobaan Beelo walaalo ah oo isirkoodu ka soo
kala jeedo beelaha Baho Samaroon iyo Jibriil Abokor
waxaana labada Belood ay heegan u yihiin inay
Gobolkooda cusub si wadajir ah ugu gacmo xaytaan si
ay wadajir u dhistaan si uu gobolada kale ee dalka
ula jaan qaado.
Saylac.com
Gabiley / Gabiley /Somaliland |
