|
|
 |
|
| |
Xubno ka tirdan kooxaha
Isbaahaysiga Islaamiga ee wadahadalada u yimid
Jabuuti oo si lama filaana uga dhoofay dalka
Jabuuti.
Ma.14,2008
Djibouti(Saylac.com) Warkan degdega ah ayaa waxa
saylac.com usoo gudbiyey masuuliyiin ka tirsan
dawlada Jabuuti ee iyadu marti qaaday wadahadalada
nabad raadiska ah ee lagu heshiisiinayo kooxaha isku
haya koonfurta dalka Soomaaliya.
Kooxdan maanta ku gacan saydhay kulankii maanta ayaa
la sheegay inay si lama filaana uga dhoofeen dalka
Jabuuti iyagoo kusii jeeda dalka Eratariya .
Wakiilka Gaarka ah ee Jaamacada qaroomaha ka
dhaxeysa Mudane Axmed O. Cabdalla ayaa arintan ku
tilmaamay inuu aad uga xunyahay waxanu yidhi"Ma ay
ahayn wax aanu filayney inay ka baxaan sidii lagu
balansanaa in kulanku ilaa inta uu dhamaanayo ayna
wax carqalad dhinacna keenin, lakiin waa arin aanu
aad uga xumaanay inay ogaysiis la'aan iska dhoofaan
xubnaha ka socday kooxda fadhigoodu yahay Asmari.
Dadka siyaasada indha idheeya ee ku sugan madaha
shirku ka dhacayo ayaa arinkan qaadacaada kooxdan
asmara ku tilmaamay inuu ka danbeeyo Cadaadis weyn
oo kaga yimid dawlada Erateriya oo aan ogolayn in
dawlada Jabuuti ay faragalin ku samayso hawlaha
soomaaliya iska markaana ku qasabtey kooxdani inay
iskaga soo baxaan shirka si dhakhso ahna ay usoo
galaan Asmara.
Arintan bixitaanka kooxdani ay qaadacday waanwaantii
nabada soomaaliya ayaa waxay daba socotaa khilaaf
dhul oo labada Dawladood ee Jabuuuti iyo Erateriya
ka dhexeeya, khilaafkaas oo ay dhawaanahanba
isku hayeen iyadoo dawlada Erateriya ay ciidamo soo
dhoobtey buuralayda xadka Jabuuti ay la leedahay.
wararka shirkan kala soco saylac.com
Osman Hussein
saylac.com/ Djibouti/ Djibouti
|
|
|
