Hawlihii dawlada Hoose ee Borama oo gabi ahaanba joogsaday ka dib markii Duqa magaaladu u socdaal ku tagey Ingiriiska. + Sawiro
Jun,10,2008
Borama(Saylac.com)-Maayarka Deg/Boorama C/raxmaan Shide Bile ayaa Mudo Bil ka badan ku Maqan cariga ingiriiska ka dib markii uu Martiqaad ka helay Mataanta Boorama, ee magaalada Henleylay ee cariga Ingiriiska.

Waxa is badal wayni ku dhacay Shaqadii ay Dawlada Hoose u Qaban Jirtay Bulshada ama adeegyadii kale Sida Nadaafada iyo Hawlaha laga Fuliyo xafiisyada.
Mar aan shalay Booqday xarunta dawlada Hoose Boorama, waxan Indhahyaga ku arkay xafiisyo Badan oo xidhan ilaa kii Gudoomiyaha waxa Dhax meehanaabayay dad wata faylal oo meel ay la galaan ama Cid u qabata shaqada kaga Xidhan xafiiska ay u socdeen garan la,
Masuulka kaliya ee aanu ku aragney xafiiska dawlada hoose ee xafiiskiisu furnaa

Kaliya waxa Furaa inta aan arkay hal xafiis oo uu dhax fadhiyay madaxa Nadaafada Dowlada Hoose ee Deg/Boorama, Maxamed Aaden Suldaan, oo Diiday inuu wax waraysiya Bixiyo oo ku sahabsan Qashinka Tuulan Agagaarka xarunta Degmada iyo nadaafad darada magaalada waxay ay wax uga qaban laayihiin.

Sababta uu Uga gaabsaday Maxamed ayaa wuxuu uu ku macneeyey inay jiraan hawlo uu ku mashquul sanyahay oo isla Nadaafada ah.
waxan meelo kale Duwan ku arkay qaar ka mida shaqalaha u Qaybsan Qashin Qaadka Degmada oo karhaya hawlaha ay hayaan wajigoodana ka muuqato daal iyo caajis farabadan.

Xafiisyada dawlada hoose oo gabi ahaanba albaabadu u xidhan yihiin wakhtiyadii shaqadu ugu mashquulsanayd
Shaqaalaha dawlada hoose ee aanu la kulanay ayaanu wax ka weydiinay sida shaqadoodu u socoto waxayna noogu jawaabeen "walaal wariye warayso madaxda ama kuwa Qashinka mashruuca ka dhigta ee hayadaha wax kaga Cuna" Dhibta jirtana adiguba indhahaaga waad ku arkaysaa kala danbayn jirtaana ma jirto haba yaraatee ama dad xil iska saaraya shaqadooda inay sidii hore u fuliyaan.

Daafaha magaalada ayaad ku arkaysaa Qashin aad u yaal waxana lagu Jiraa Xili Roobaad xanuunaduna inta daban waxay Dilacaan marka qashin meel tuulan roob Dusha ka Qooyo ma daad maro. Ilaa hadanada cid arimahan ka hadashay oo dhinaca dawlada hoose ahi ma jirto. Dhinaca kale haba yaraatee ma jirto Cid u Ololaynaysa Nadaafada Magaalada haday tahay Dawlad hoose iyo NGO oo yaba.

Qashinka dhinac walba dariiqyada u dhaafay oo dadku meel ay ka maraan laayahay
Hadaba maxaa Boorama u diiday Ururo ka hawlgala Shaqada Qashin Gurka Sida magaalooyinka kale ee S/Land mise maanay xarumo ku lahayn NGO gobolka ka hawl gala, oo barnamijoodu yahay wacyi galinta nadaafada?,
maxaa rakaadiyay Qaybta Ololaha Qasinka U Qaabilsan dawlada Hoose?. Su' aalaha iyo kuwa kalaba waxaa is waydiiya Shacabka Boorama.

Cashuuraha ayey dawladu inta badan ahmiyada saartaa waxaanad subaxa hore ku maqlaysaa dariiqyada magaalada Cod Dheer Maqlo baabuur dariiqa socota oo leh Cida Bixin wayda Canshuurtii ama keeni wayda waxaa lala tiigsan danoo Sharciga u yaala canshuur diidka, Lakiin cidina wali isma weydiin waa maxay sababta cashuurta loo qaadayaa ama dawladu dadka u weydiinaysaa inay cashuurta dhibaan mar hadii aanay jirin qashinka oo ugu yar in laga nadiifiyo magaalada.

Gawaadhida dawlada hoose ooo hogan geedaha xafiisyada dawlada hoose iyo ey ku hoos nool oo hadhsanaysa gawaadhida
Ururada Wadani ah ee Magaalada ayaa gabi ahaanba iska indho tira hawlaha daruurigaa ah ee magaaladu u baahan tahay oo uu ugu horeeyo kan nadaafadu iyadoo badanaa ay ku daalaan hawlo kale oo ay ka mid yihiin : dhawrida degaanka iyo dhirta, Aqoon isweydaarsi cudurada Faafa sida Aidska, iyo mashaariic kale oo ay haboonayd in marka qashinka magaalada laga nadiifiyo la qabto.


Sidee Loo dareemayaa maq-naanshaha, Maayarkii Degmada, waxay ka muuqataa Shaqaalaha Dowlada Hoose oo Noqday caruur hooyadood ka maqan tahay oo Dharkii wax ka badala waayay wajigoodana murugo ka muuqato, sidaa waxa saylac.com Saaka U sheegay Nin Magaciisa ka gaabsaday oo Fayl la horjoogay xafiis uu Dan kalahaa.

Si kastaba arini ha ahaatee dadka shaqaalaha ah ee dawlada hoose iyo dadweynaha magaalada ku dhaqan idinkoodba waxaad ka dareemaysaa inay sugayaan soo noqoshada Meeyarka Boorama oo runtii ahaa nin karti leh horjoogiisana dadku ay ku hawl gali jireen lakiin aan la hubin wakhti iyo goorta uu soo cagadhigi doono magaalada .

ayaa canaanta kobaad iska leh  maxaadse ku talin lahayd in la yeelo kusoo dir rayigaaga saylacnews@yahoo.com

Dahir Axmed Jirde
Salyac.com
Borama/ Somaliland