|
|
 |
|
| |
Buuq shiid oo ka
dhashay barnaamij wacyigalinta ka hortaga
Kaneecada oo ay
Dhalinyaro ka socotey
Magaalada Hargeysa ka fuliyeen Magaalada
Boorama..April,21,2008
Borama(Saylac.com) Kooxo dhalinyara ah ayaa shalay
shiid hadhka kaga dhigay koox dhalinyaro ah oo ka
socotay ururka dhalinyarada Havoyoco ee fadhigoodu
yahay magaalada hargeysa oo socdaal gaaban ku soo
gaadhay magaalada Boorama. Kooxdan dhalinyarada ah
ayaa waxa u socdeen barnaamij wacyigalin ah oo ay ka
soo bandhigeen Masraxa Riwaayadaha ee Magaalada
Boorama. Kulankan oo ay saylac.com goobjoog ka ahayd
ayaa waxa si lama filaan ah u bilawday shiid ay
dhalinyaro badan oo masraxa daawasho u yimid ay la
beegsadeed kooxda reer Hargeysa ee barnaamijka waday.
Falkan shiidka ah ayaa waxa uu ka bilawday ka dib
markii ay kooxda soo bandhigeysay barnaamijka ka
hortaga kaneecada ee reer hargeysa ay dhalinyartii
daawanaysey barnaamijka u daadiyeen garamaan iyo
nacnac farabadan oo buuq ka dhashay isla markaana
shiid iyo buuq ku danbaysey .
Shalay waxa ka dhacay meesha maaha wax la odhan karo
waa la so abaabulay dadkii daawanayay Barnaamijka ee
Dhalinyarada ahaa ayay ahayaayeen waxa shiidka
sameeyey.
Tuugna meel walba wuu joogaa oo jaanis ayuu sugayaa,
sidaa waxa maanta saylac.com, u sheegay Siyaad
Barkhad Rayaale oo ka mida dhalinyarada ay Havoyoco
wax bartay oo shalay goob jog ka ahaa waxii dhacay.
Dhalinyarada Ciyaartoyda Gobolka Awdal ayaa iyagu
falkan ku tilmaamay mid aan waafaqsanayn sharciga
isla markaana raali galin buuxda ka bixiyey una
gudbiyey ururka dhalinyarada shiidku ku dhacay ee ka
timi Hargeysa.
Masraxa Riwaayadaha lagu dhigo ee Magaalada Boorama
ayaa waxa caado u ah in marka Riwaayad lagu dhigayo
ay dhalinyartu shiido iyagoon wax ujeedo ah oo ka
danbaysaayi ayna jirin
Dahir Axmed Jirde
Saylac.com
Borama/ Somaliland |
|
|
