Golaha Wakiillada Somaliland
oo ansixiyay xeerka dhulka
April,20,08
Hargeysa(Saylac.com) - Golaha Wakiillada Somaliland,
ayaa shalay cod aqlabiyad ah ku ansixiyay Xeerka
Dhulka xeer NO-17 oo wax ka bedel iyo kaabis lagu
sameeyay, kaasoo muddo laba sano ah horyaalay
golahaasi.
Fadhigii shalay ee aqalka Wakiillada, oo uu
gudoominayay Gudoomiyaha Cabdi-raxmaan Maxamed
Cabdilaahi [C/Raxmaan Cirro], waxa madasha ka soo
xaadiray 43 mudane, waxa ogolaaday xeerka dhulka 27
Mudane, waxa ka aamusay 11 mudane, waxa diiday 4
mudane Gudoomiyuhuna muu codeyn, sidaana uu ku
ansaxay xeerku.
Xeerkan oo markii hore ay xukuumadu soo curisay isla
markaana horkeentay Golaha, ayaa Guddi goluhu u
saaray ay ku sameeyeen dhawr qodob wax ka bedel iyo
kaabis, kuwaasi oo kala ah Qodobada 5-aad, 7-aad,
28-aad iyo 29-aad ee xeerkan.
C.Qani X. Baynax
Saylac.com
Hargeysa/ Somalilalnd |
