Ciidamada Dowlada TFG-DA oo xalay dad u badan ganacsato ka qabtay gudaha Magaalada Baydhabo. Oct,31,2008

(Baydhabo:Saylac.Com)- Ciidamada Dowlada TFG-DA ee ku sugn Magaalada Beydhabo ee xarunta Gobolka Bay ayaa howlgal ay ka sameeyeen magaaladaasi xalay waxa ay ku soo qab qabteen dad rayid ah.

 

Ciidamadani oo ku hubeysan gawaarida dagaalka ayaa xalay waxaa ay qab qabteen dad u badan ganacsato kuwaasi oo laga soo uruuriyay goobahooda ganacsi xili ay ku gudo jireen mihnadooda Ganacsi.

 

Qaar ka mid ah dadkii ka badbaaday howlgalka oo u waramayay Shabakada Wararka ee Saylac.Com ayaa sheegay in ciidamada ay dhaceen goobohooda ganacsi gaar ahaan goobihii ay dadka kawateen islamarkaana ay ka qaateen wixii agab ahaa ee yaalay halkasi iyo Lacago dukaamadasi yaalay waloow aan si dhab ah loo ogeyn cadad Lacagaha iyo Agabka ay qaateen.

 

Ciidamada Dowlada TFG-DA ayaa waxa ay qiil ka dhigtaan in ay yihiin kuwo sugaya amaanka goobaha ay ka taliyaan balse waxaa cadaatay in ay dhacayaan dadka shacabka ah iyo dadka Rayid ah ee u dukaameysi doonta goobaha ganacsi.

 

 

Majiro war ka soo baxay saraakiisha Ciidamada Booliska Dowlada TFG-DA oo ku aadan dadka la qab qabtay oo iminka ku xiran dhamaan xabsiga Magaalada Baydhabo

 

Maamulka Gobolka Sh/Dhaxe oo beeniyay in uu ka qeyb galay shirka Jabuuti. .Oct,31,2008 

(Jowhar:Saylac.Com)- Maamulka Maxkamadaha islaamka ee Gobolka Sh/Dhaxe ayaa beeniyay Wararka sheegaya in maamulka Maxkamadaha islaamka uu ka qeyb galay shirkii Jabuuti ee dhexmaray Dowlada TFG-DA iyo isbaheysiga Dib u Xoreynta Soomaaliya.

 

Guddoomiyaha Maxkamadaha islaamka ee Gobolka Sh/Dhexe Daahir Cadow Calasoow ayaa sheegay in uu san ka qeyb galin shirka jabuuti islamarkaana uu tagay dalka jabuuti.

 

Guddoomiyaha Gobolka Sh/Dhexe ayaa sheegay in u jeeda uu tagay dalka Jabuuti ay tahay arimo ku saabsan Gobolka Sh/Dhexe islamarkaana uusan shaqo ku laheyn shir ka dhacay dalkaasi.

 

Maalmihii ugu dembeeyay ayaa waxaa soo ifbaxayay in Guddoomiyaha Gobolka Sh/Dhexe uu ka qeyb galay shirka jabuuti islamarkaana doonayay in uu ka mid noqdo xubnaha Jabuuti.

 

Xoogaga Muqaawamada Soomaaliya ayaa gabi ahaanba waxa ay qaadacsan yihiin wax yaabaha lagu haayo dalka jabuuti islamarkaana shirkasi oo ay sheegeen in  lagu doonayo in lagu hakiyo howlaha Muqaawamada Soomaaliya.

 

Midowga Maxaakadaha islaamka oo sheegay in ay maxkamad soo taagi doonaan mid kamid ah kooxihii dil ka geystay gobolka Hiiraan.  Oct,31,2008

 

(Muqdisho:Saylac.Com)- Maxaakimta islaamga ee Soomaaliyeed ee ku sugan magaalada Baladweyne ee xarunta gobolka Hiiraan ayaa sheegay in ay maxkamad soo taagi doonaan kooxo lagu eedeeyay in ay dilal kala duwan ka geysteen Gobolka Hiiraan.

 

Guddoomiyaha Maxkamada Islaamiga ee Gobolka Hiiraan Sheikh C/raxmaan Macow oo xalay la hadlayay mid ka mid ah idaacadaha magaalada Muqdisho ayaa sheegay in ay gacanta ku haayaan mid ka mid ah kooxihii dilka ka geystay magaalada Baladweyne.

 

Mid ka mid ah kooxaha ay qabteen ciidamada maxkamadaha islaamka ayaa lagu eedeeyay in uu sabab u yahay laba qof oo geriyootay kadib markii uu bam gacmeed ku tuuray meel dadkani ay ku soo xoomeen kadib markii rag la socday ninka la qabtay ay dilen nin ganacsade ah taasina ay sababtay dhimashada laba ruux.

 

Inkasoo kooxo dhawaan dilka u gaystay dad rayid ah ayaana hadana aysan maxkamadaha islaamka ay ku guuleysan in ay gacan ku soo dhigaan kooxihii ka dembeeyay dilkii loo gaystay Guddoomiyaha golaha Dhaqanka Gobolka Hiiraan Dacar Xirse Xooshow.

 

Ciidamada dowlada TFG-da oo Xiray Wadaad Caan ka Ahaa Degmada Xamar Weyne ee gobolka Banaadir. Oct,31,2008 

 

 

(Baladweyne:Saylac.Com)- Ciidamada dowlada Gaar ahaan kuwa Madaxtooyada ayaa waxaa ay xireen wadaada Caan ka ahaa Degmada Xamar weyne ee gobolka Banaadir isla markana ahaa Qadiibka Masijdka Ex Fiyoore ee Degmadaasi.

 

Sida uu Saylac.Com u sheegay mid ka mid ah dadka degaanka ciidamada dowlada oo qaarkood aan wadan dareysaka Ciidamada iyo Naago ayaa shiikha xili uu ku sii jeeday masjidka ku soo yaacay isla markana ku riday illaa 3- xabadood kaasi oo aan wax yeelin waxana ay ula dhaqaaqeen dhanka Madaxtooyada.

 

 Shiikh Max'ed Xuseen (Geele) ayaa illaa iyo hada laga war heyn sababta ay ciidamada u kexeysteen waxana la sheegay ciidamada sidaasi ula dhaqamay wadaadka in ay ilaalo ka hayeen hotel lagu magacaabo Muna oo ay dagan yihiin qaar ka mid ah madaxda dowlada waxana la tilmaamay in ciidamadasi ay ka tirsan yihiin kuwa madaxtooyada dowlada TFG-da.

 

Inta badan ciidamada dowlada waxaa lagu eedeeyaa I si ula kac ah ay dadka isaga xiraan ama ay u jirdilaa oo ay u dhacaan iyadoo aaneyn jirin cid wax ka qabata oo ka tirsan saarkiisha Ciidamada iyo dowlada KMG Soomaaliya.

 

Max'ed Ibraahin Raage

Saylac.Com Muqdisho Somalia.