|
|
 |
|
| |
Muuse Biixi hal midh baan
odhan lahaa "malaha afarta jiho ayaa iska kaa dhex
galay ee waa dhinaca hargeysa degaanka Gabiley
muranku ka taagan yahay hadiise aad Cabdiraxman
Saylaci jiljileec ka heshay reer Awdal dhulkooda way
usoo jeedaan kaana yeeli maayaan inaad tuulooyin
awdal ka tirsan muran galisid..Oct,26,2008
London(Saylac.com) Waxaan la yaabay xiniinyaha intaa
leeg ee Muuse Biixi isagoo Borama jooga uu dhul
Awdal ka tirsan damacsan yahay in Gabiley lagu daro.
Ma cusba arintani waxaanan la wada soconaa inuu ku
doodayo arimaha sidii lixdankii ha lagu daayo..
Hadaba lixdankii akhristaw maxaad kala socotaa sidii
xadku ahaan jiray? Borama waxay ahayd degmo Hargeysa
hoosdegta markaa dee booramana aan ku darno Hargeysa
hadii tuulooyinka Boorama xoostaga damac idinka
galay!!
Horta Lixdankii xadbeneed duudsi iyo qabiil ku
salaysnaa waxa jeexay Cabdiraxman Tuur waxana ku
gacan saydhay masuuliyiintii Reer Awdal ee wakhtigaa
oo iyagu sitay waraaqo dikumeentis ah oo muujinaya
sidii gobolada waqooyi galbeed uu Ingiriisku u kala
xadeeyey ama u xad ugu kala sameeyey. Waraaqahan
ayaa durbadiiba waxa diiday Cabdiraxman Tuur isagoo
horeyna aan u wada ogayn inuu Cabdiraxman Tuur ahaa
ninka kaliya ee burburiyey dekada Saylac wakhtigii
uu badhasaabka ka ahaa Borama.
Hadaba Muuse Biixi oo ka duulaya damacii Cabdiraxman
Tuur uu u dhoodhoobay reer Gabiley ayaa waxa wax
lala yaabo ah inuu maanta si cad oo aan xishood iyo
anshaxtoona ku jirin ku doodayo in tuulooyin ka
tirsan gobolka Awdal uu ku daro Gabiley.
Horta ree Gabiley ma isweydiiyeen in magaalada
Gabiley nus ahaan ree Awdal degaan ? Beelaha
Bahasamaroon waxay sarey u dhaafaan gabiley
koonfurteeda, waxase nasiib daro ah in Suldaan
Ibraahim Jaamac Samater oo ah Suldaanka Beesha
Maxamed Case ilaa hada uu Borama saldhig ka dhigtey
halkii looga fadhiyey inuu Hoygiisa dhabta ah oo ah
Gabiley uu fadhi ka dhigto maantana waa siyaasada
haajirka ku dhisan ee ree Awdal in Gabiley iska
daaye Cali xaydh iyo tuulooyin kale Muuse Biixi uu
damac ka galo.
Ilaa hada lama hayo jawaab burinaya damaca qaawan ee
Muuse Biixi oo ka soo baxday afka Eng Cabdiraxman
Saylici, oo isagu maanta ah ninka ugu dhaw ee ay
xisbiga kulmiye isku weheshadaan Muuse Biixi.
Mudadii uu Cabdiraxman Aw Cali xisbiga kulmiye
doorka ku lahaa marnaba Muuse Biixi waligii kuma
doodin in tuulooyinkani gabiley lagu daro, Sidaa
darteed dadku waxay arkeen in ujeedada ugu weyn ee
Cabdiraxman Saylici ay jeebka ugu siteen Muuse Biixi
iyo Siilaanyo ay ahayd inuu yahay YES MAN ama qof
waxwalba la gashan karo.
Nasiib wanaag dadka reer Awdal tijaabo ugaga filan
karti la'aanta Cabdiraxman Saylici uu ilaa hada
sidii gabadh furniin ka baqaysa uu uga hadli
laayahay damaca qaawan ee Muuse Biixi uu ku doonayo
dhul ka tirsan Awdal.
Sidoo kale reer Gabiley waxaan leehay dhulku ma
haduu cirka kasoo dhacay mise waa dhul boqolaal sano
dadku ku dhaqnaayeen? Haduu dhulku yahay dhul cusub
oo dayaxa ka soo go'ay damaca ku taageera Muuse
biixi hadiise uu dhulku yahay dhulkii aanu abid wada
deganayn dee adeerayaal tuulana gobol kale looma
rari karo gobol ahaan inta aad gobolka ku tihiin
Allaha idiin barakeeyo anagana hantaaqada darisku
waa karaahiyee naga dhawra.
Maxamed Xaaji
Saylac.com
London, UK |
|
|
