|
|
 |
|
| |
Sheikh Shariif Sheekh Axmed oo
mudo dhowr sano ah ka dib ka dagay Soomaaliya..Nov,01,2008
(Jowharl:Saylac.Com)-Wafdi uu hogaaminayo Sheekh
Shariif oo abaarihii 12-kii duhurnimo ka soo dagay
Magaalada Jowhar ayaa waxaa qeyb ka ah Xubno caan ah
oo ay ka mid yihiin Xoghayaha Arrimaha Gudaha Cumar
Xaashi Aadan, Daahir Geelle, C/raxmaan Janaqow iyo
Xubno kale oo muhiim ah.
Sheekh Shariif iyo wafdigiisa waxaa la dejiyay
Dhismaha Cusub ee ugu caansan Magaalada Jowhar ee
lagu magacaabo Subiye Building, kaasoo ka mid ah
Dhismayaasha dhowaan sida quruxda badan loo dhisay.
Dadweynaha reer Jowhar oo ka muuqatay xamaasad aad u
weyn ayaa si weyn usoo dhoweeyay Sheekh Shariif oo
muddo labo sano kadib soo gaaray Magaalada Jowhar,
iyadoo Sheekh xilligii uu Magaalada imaanayay oo
aheyd xilli Maxkamaduhu dagaalo kula jireen
Hogaamiye Kooxeedyadii waxay xoog uga saareen
Magaalada Maamulkii Maxamed Dheere.
Garoonka Diyaaradaha waxaa ka duushay Diyaarada
keentay Shariifka, lamana oga in Shariifka iyo
wafdigiisa ku hoyanayaan Magaalada iyo inay ka
tagayaan, waxaase afhayeen u hadlay Wafdiga waxaa uu
sheegay in socdaalo ay ku marayaan Gobolada Dalka,
taasoo ay taageero ugu raadinayaan heshiiskii ay ku
gaareen Dowladda TFG-da iyo Isbaheysiga Magaalada
Jabuuti.
Halka Sheekh Shariif la dejiyay ayaa waxay tahay
meel ay Ciidamadu ku gadaaman yihiin waxaa gebi
ahaanba loo diiday in gawaarida ay maraan wadada
laamiga, waxaana soconaya baaritaano lagu sameynayo
gaadiidka iyo dadka.
Dhaq dhaqaaqa Magaalada ayaa guud ahaan ah mid caadi
ah, waxaana Ammaanka Shariifka uu yahay mid si weyn
ay u adkeyeeyeen Xoogaga Maxkamadaha Islaamka oo
xalay oo dhan Magaalada soo gaarayay, waxaana markii
u horeysay Magaalada daafahaheeda lagu arkay Ciidamo
isku xiray Wadada Garoonka ilaa Magaalada gudaheed
Gudoomiyahii degmada Baydhabo ee TFG-da oo qarax
lagu dhawacay.Nov,01,2008
(Baydhabo:Saylac.Com)-Gudoomiyihii degmada Badhabo
ayaa waxaa lagu dhaawacay qarax lala eegtay gaari uu
saarnaa oo marayay gudaha magaalada Baydhabo,waxaana
qaraxaasi uu sababay dhimasho dad kale.
Sedax ruux oo ka mid ahaa ilaalada gudoomiyaha
degmada Baydhabo ayaa ku geeriyootay in ka badan
4-kale oo uu ku jiro gudoomiyaha maamulka degmada
Baydhabo Xasan Macalin Axmed (Biikole) waa ay ku
dhaawacmeen kadib markii qaraxa lagula eegtay gaari
uu saarnaa gudoomiyaha.
Dadka ka agdhawaa halka lagu qarxiyaya gudoomiyaha
degmada Baydhabo oo ku taala aga gaarka Bankiga
dhexe ee magaalada Baydhabo ayaa bilaabay in ay u
gurmadaan dadkii ay dhaawacyadu ka soo gaareen
qaraxaasi kuwaasi oo u daabulaya cusbitaalka
magaalada Baydhabo ee xarunya gobolka Bay si
halkaasi loogu dabiibo.
Muuqaalka iyo jawiga magaalada ayaa mar qura is
badalay waxaana la arkayay dad badan oo wareersan
kuwaasi oo ka cararaya goobahooda ganacsi oo furan
si aysan u waxyeeleyn ciidamada dowlada KMG oo looga
bartay in ay rasaaseeyaan dadka rayidka ah xiliyada
qaraxyada lala eegto.
Dhaqaatiirta caafimaadka ee magaalada Baydhabo oo
xariro kala duwan naan la sameynay ayaa ka gaabsaday
in ay ka warbixiyaan xaalada Caafimaad ee
gudoomiyaha degmada Baydhabo Xasan Macalin
Axmed(Biikole) oo maanta gaarigiisa qarax miino
lagula beegsaday gudaha magaalada Baydhabo.
Baydhabo waxaa ay noqotay meel saldhig u ah qaraxyo
iyo weeraro lagu qaado masuuliyiinta dowalada KMG
iyo ciidamadooda kuwaasi oo aan la aqoon cida sida
rasmiga ah ugu dambeeysa,waxaana wadooyinka waa weyn
ee magaalada Baydhabo ay yihiin kuwa haawanaya oo ay
isticmaalayaan oo kaliya ciidamada dowlada KMG
Soomaaliya iyadoo ay jiraan goobihii ganacsina cabsi
darted ay u xirmeen markii ay qaraxyadu soo bateen
Rag hubeeysan oo maanta Weerar gaadmo ah ku dilay
Ciidamda dalka qabsaday ee Ethiopian-ka ah oo ku
sugnaa Agagaarka Furayaasha ee Degmada Wardhiigleey..Nov,01,2008
(Muqdisho:Saylac.Com)-Kooxo ku hubeysnaa Bastoolado
ayaa waxaa ay weerar gaadmo ah ku dileen Ciidamo
Ethiopian ah oo gaarayay illaa 2-askari isla
markaana ka qaatay Qoryihii ay wateen.
Ragaani ayaa la sheegay in ay soo dhex mareen
Fariisin ay ciidamada cadowga ah ee Ethiopia ku
leeyihiin Qeybo ka mid ah Degmada Wardhiigleey
waxana ay dil toogasho ah u geysteen labo askari oo
ka mid ah ciidamada Ethiopia markii ay soo gaareen
Raaca ugu horeeya ee ciidamadasi waxana ay horay uga
sii qaateen Qoryihii ay wateen.
Toogashadaasi kadib ayaa ciidamada Ethiopian-ka ah
waxaa ay bilaabeen in ay rasaas xoogan soo ridaan oo
ay ku soo fidaan agagaarka halka lagu dilay 2-da
askari waxana uu dhaawac ka soo gaaray Qof rayid ah
rasasta ay ciidamada Ethiopian-ka ee dalka qabsaday
Fureen waxana ay intaasi kadib halkaasi ka qaatay
Meydka Askartii laga dilay.
Ma'aha markii ugu horesay ee dil gaadmo ah lagu dilo
ciidamada cadowga Soomaaliyeed waxana todobaadkii
tagay sidan oo kale weerar gaado ah oo lagu qaaday
ciidamo Ethiopian ah oo ku lugeynayay qeybo ka mid
ah wadada Warshadaha looga dilay illaa 4-askari.
Milateriga TFG-da oo tacshiirad dhimasho iyo dhaawac
sababtay ooda kaga qaaday gaari rakaab ah oo marayey
agagaarka Ex-kuliyadii Jaalle Siyaad..Nov,01,2008
(Muqdisho:Saylac.Com)-Hal ruux ayaa ku geeriyooday
mid kalena waa uu ku dhaawacmay ka dib markii
ciidamada milateriga TFG-da ay tacshiirad ooda kaga
qaadeen gaari rakaab ah oo marayey agagaarka Ex-kuliyadii
Jaalle Siyaad ee degmada Dayniile, kaasoo ka yimid
degmada Madiina kuna soo jeeday dhinaca suuqa
Bakaaraha ee magaalada Muqdisho.
Qaar ka mid ah raakabkii gaarigaasi saarnaa ayaa
sheegay in ciidamada milateriga TFG-da ay diideen in
ay qaataan lacago baad ah oo ay ka qaadan jireen
gaadiidka, iyagoo doonaya iney baartaan dhacna kula
kacaan rakaabkii saarnaa gaarigaasi, taasoo keentay
in ciidamada TFG-da ay rasaas ku furaan ka dib
markii darawalkii gaarigaas la socday uu si xowli ah
gaariga ku dhaqaajiyey.
Ruuxa dhintay ayaa ahaa darawalkii gaariga waday
halka midka dhaawacmayna uu ka mid aha rakaabkii la
socday gaarigaasi, waxaana falkani uu qeyb ka yahay
dhibaatooyinka joogto ah oo ciidamada TFG-da ay ku
hayaan gaadiidka isticmaala agagaarka Ex-kuliyadii
Jaalle Siyaad ee magaalada Muqdisho.
Afhayeenka ciidamada militeriga TFG-da Daahir
Maxamed Xirsi oo arintan aanu wax ka weydiinay ayaa
beeniyey in ciidamadoodu aysan falkaasi wax lug ah
ku laheyn saldhigna uusan ugu oolin halkaasi, ayna
yihiin ciidamadiisa kuwo aaney ka suura gelin
waxyaabaha noocaas ah una tababaran si asluub ah oo
dadkana aysan dil iyo dhac u geysan wuxuuna sheegay
in goobtaasi ay degan yihiin ciidamo kale oo isla
markaana ay tahay in wax laga weydiiyo
afhayeenadooda, waxaana afhayeenka ciidamada
milateriga TFG-da looga bartay inuu beeniyo falalka
ay geystaan Askarta TFG-da ee iskugu jira dilka,
dhaca oo boobka joogtada ah ee ay ka geystaan
magaalada Muqdisho.
Max'ed Ibraahin Raage
Saylac.Com Muqdisho Somalia.
|
|
|
