Caruusad xafladii caruuskeeda uu ku soo beegmay  Imtixaan ay u fadhiisatey..May,16,2008

London(Saylac.com)Gabadhan oo magaceeda la yidhaa Luo Yingchao ahna gabadh macalimad ah oo u dhalatey dalka Shiinaha ayaa xafladii carooskeeda waxa ku soo beegmay imtixaan uu diyaariyey xafiiska waxbarashada magaalada ay ku noolayd oo dhamaan macalimiinta khasab kaga dhigay inay imtixaan degdega u fadhiistaan si loo ogaado tayada ay kala leeyihiin.
Ninka la aqal galayey gabadhan oo magaciisa la yidhaa Chu Moayang ayaa isagu mudo hore kireeyey hoteel uu jeclaa inay xaflada carooskoodu ka dhacdo nasiibdarase ay kusoo beegantay Imtixaanka laga rabo in laga qaado xaaskiisa oo isku saacad noqday.

Watch the latest videos on YouTube.com

Intaa waxa u dheerayd in dhamaan dadkii martisharafta ahaa ee ay marti qadeeni ay u soo diyaar noqdeen xaflada carooska. Si kasta xaalku ha ahaadee, waxay goosteen inay wataan hawshooda caawana iska dhameeyaan xanuunka caroosku  uu ku hayo meesha uu doono caroosku ha ka dhacee. Laba saacadood markii ay Imtixaanka u fadhidey ninkiina uu kursi geeskaasa ku sugayo inta ay xaaskiisu imtixaanka dhamaynayso ayaa markii imtixaankii dhamaadey dadkii Imtixaanka ka soo qaybgalay oo dhami xaflad yar u sameeyeen una hambalyeeyeen .

Sidoo kale martisharaftii oo isleh xaflad weyn ayaad tagaysaan ayaa iyaguna la kulmay dad aad u daalan oo imtixaan ka soo baxaya waxayna isweydiiyeen malaha address ka ayaa inaga khaldamay! lakiin, markii ay arkeen caroosadii oo dharkii carooska ku taagan ayey ogaadeen inay xafladii socoto iyaguna kuraasidii hoolka Imtixaanka lagu qaadayey ayay dhinac ka fadhiisteen una sacabiyeen carooska iyo caroosada .


Mohamed Haji
Saylac.com
Yangcheng Evening Post.
London Uk

Su'aasha qisadani waxay tahay ma haysaa talo kale oo ay yeeli lahaayeen labadan qofi si ay xaflad caroos oo farxadleh u samaystaan? figradaha waxaad kuu soo hagaajisaan saylacnews@yahoo.com.