Madaxweynaa Dalka Jabuuti oo
ka qayb galay shirka caalamiga ah ee lagaga hadlayo
horumarinta qaarada Afrika ee ka socda Magaalada
Tokyo Cariga Jabaan.
May,30,2008
Djibouti(Saylac.com) Wufuud ka kala socota 51 dal oo
ku yaala qaarada Afrika ayaa ka qayb galaysa shirkan
lagaga hadlayo horumarinta qaarada afrika ee ka
furmay dalka Jabaan. Raiisul wasaaraha dalka Jabaan
Yasuo Fukuda oo shirka guroonka ah isla markaana
wadankiisu uu martiqaadka u fidiyey wufuuda
caalamiga ah ayaa si gaara ula kulmay madaxweynaha
dalka Jabuuti Ismaciil Cumar Geele waxayna isla soo
qaadeen mashaariic horumarineed oo dalka Jabaan uu
damacsan yahay inay ka fuliyaan dalka Jabuuti iyo
sidii loo sii xoojin lahaa xidhiidhka labada dal ee
Jabaan iyo Jabuuti. Ra'iisul wasaaraha dalka Jabaan
ayaa waxa uu ku bogaadiyey dalka jabuuti siyaasada
caalamka doorka ay ka ciyaarto iyo xidhiidhka tooska
ah ee ay la leedahay wadamada ree galbeedka oo suura
galiyey ayuu yidhi in dalka jabuuti noqdo wadan
maalgalin sharikadaha Jabaan kusamaysan karaan oo
xasiloon isla markaan ku yaala marin aad u muhiim ah
oo maraakiibta caalamku iskaga kala gooshto.
Shirkan oo halkudhagiisa la yidha Tokyo
International Conference on African Development "TICAD"
Shirka Caalamiga ah horumarinta dawladaha Afrika ee
Tokyo ayaa maanta Ra'iisul wasaaraha dalka Jabaan uu
soo jeediyey inuu deeq gaadhaysa $4 Bilyan oo dooral
dawladiisu ugu talo gashay horumarka wadamada Afrika
gaar ahaan mashaariicda horumarineed ee Bulshada.
Raiisul wasaaraha Dalka Jabaan ayaa intaa raaciyey
inuu $2.5 Bilyan oo doolarka maraykan iyana ugu talo
galay dhinaca waxsoo saarka Beeraha ee wadamada
Afrika .
Raiisul wasaaraha dalka Jabaan Yasuo Fukuda ayaa
sheegay in qaarada Afrika ay noqon doonto qaarada
ugu hodansan ee qaaradaha aduunka mustaqbalka fog
sidaa darteedna uu dalka Jabaan go'aansaday inuu
xidhiidh caalami ah lasii yeesho wadamada Qaarada
Afrika si qaniimada dalalka Afrika loo soo dedejiyo
si aduunku uga faa'iidayso dalalka afrikaanka ahina
ay dadkooda horumar u gaadhaan.
 
Ra'iisul wasaaraha
Jabaan oo furaya shirka lana hadlaya wufuuda dalalka
Afrika ee shirka timi
Shirkan ayaa waxa ka soo qayb galay Baanka Aduunka ,
Haydaha Cunada Aduunka WFP , UNDP, iyo wadamo badan
oo reer galbeed ah.
xidhiidhka ka dhexeeya Jabuuti iyo Jabaan halkan ka
akhri >>xidhiidhka
Jabaan iyo Jabuuti
Osman Hussein
Saylac.com
Djibouti, Djibouti
|
