Burco(Saylac.com) Diwaangalinta magaalada Burco ayaa sida uu gudoomiyaha komishanka qaranku sheegay noqotey tiradii ugu badnaynd ee labadii casho ee inaga tagtey ka dhacday jamuuriyada somaliland
Iyadoo lagu jiro maalintii labaad ee gobolka Togdheer laga wado diwaangalinta, ayaad arkaysaa goobaha diwaangalinta loogu talo galay oo intooda badani la ciirciirayaan tirada dadka safafka ugu jirta ee diwaangalinta u diyaar ka ah. . Shaqaalaha diwaangalinta ku hawlan gobolka Togdheer ayey saylac.com wax ka weydiisay sababta u fudaydisay inay hawshooda( Wiil dadiisu tahay 10 jir oo diwaangalinta ka qayb galaya ) iyagoo awal gobolada kale sida gobolka awdal ay jireen cabashooyin in computers ku cadilmayeeen  ?  waxayna noogu jawaabeen  wacyi galinta dadka  ayaa(  aad uu sareysay mida kale qalabkan computeradu waa kuwo casri ah oo ka duwan kuwii cilada looga bartey ee gobolka Awdal oo ay sheegeen inuu u noqday duruus ay ku waayo qataan. "Waxa jira comouters kayd ah oo aanu ugu talo galay hadii goob diwaangalintu ka socoti u baahato comouters dheraada " ayuu yidhi Maxamed Jamac oo ka tirsan hawl wadeenada diwaangalinta magaalada Burco.

 Guud ahaan dadweynaha reer Burco ayaad arkaysaa inay u heelan yihiin is diwaangalinta gobolkooda mar ay saylac.com wax ka weydiisay dadweynaha sababta ugu weyn ee ay isku diwaan galinayaan ? Waxay sheegeen (Waxaanu isku diwaan galinaynaa si aanu u doorano Mudane Silaanyo  jagada madaxweyne nimo ee danbe.

Inkstoo goobaha diwaanglintu gobolka loogu talo galay ay aad u badan yihiin hadana waxa ilaa hada waxaanu socod gaaban ku tagnay   ku dhawaad 69  gobood oo aad ku arkaysid dadweyne iskugu jira bulshada noocyadeeda kale duwan oo u badan dumar, caruur iyo waliba wayeel  oo safaf dhaadheer ugu jira siday isku diwaan galin lahaayeen

 Shabakada saylac.com ayaa dadweynaha diwaangalinta galay weydiisay sida ay u arkaan diwaangalinta ay galeen? boqolkiiba 80% ayaa dadweynaha jecel inay gobolka Togdheer ay ka soo baxdo tiro aad u badan sibay yidhaahdeen doorashada sanadka danbe jagada madaxweynaha uu ugu guulayso Maxamed Maxamuud Siilaanyo.

Gudoomiyaha Gudida Diiwaangelinta Qaranka Mudane Ismaaciil Muuse Nuur oo maanta saxaafada maxaliga magaalada Burco uwaramay ayaa sheegay inay magaalada Burco oo kali ah ay maalintii koowaad iyo labaad ee diiwaangelintu socotay is diiwaangeliyeen dad gaadhaya 34371 qof, taasina ay daah furayso in magaalada Burco ka dad badan tahay magaalooyinkii hore ay diiwaangelintu uga qabsoontay. Mar ay saylac.com si gaar ah u weydiisay gudoomiyaha sababta magaalada burco uga tiro badan tahay magaalo madaxda Hargeysa inay tahay caruurta dadoodu 10 sano tahay ee loo ogolaaday is diwaangalinta? gudoomiyuhu waxa jawaab ah kama uusan bixin su'aashaas, waxase uu sheegay inay burco ka dadbadan tahay magaalooyinkii hore ee diwaangalintu ka dhacday sida  Hargeysa, Berber iyo Borama oo ay maalintii ugu horeysay ka soo baxday tiro aad uga yar tan magaalada Burco maalintii ugu horeysay kasoo baxday.



10% dadka intiisa kale waa dadka ku dhaqan magaalada Burco ayaa waxay aaminsan yihiin arin tan gabi ahaanba ka duwan oo ah soomaaliweyn, waxayna shegeen inayna is diwaangalin diyaar u ahayn waayo bay yidhaahdeen waa iska riwaayad uu Dahir Rayale dadka ku waalayo inta soomaaliweyn isku imanayso. 80 % tageersan xisbiga muwaaradka Kulmiye ee uu Silaanyo madaxda ka yahay.


Dhinaca iskuulada gobolka iyo shaqooyinka dawladda ayaa gabi ahaanba fasax galay diwaangalinta awgeed waxaanad arkaysaa suuqyada burco oo dadweyne aad u tiro badani dhooban yihiin waxase aan wali kala cadaynsiday  tidada gobolkani togdheer inta ay noqon doonto marka la soo gabagabeeyo diwaangalinta ka socota gobolka

Guleed Hasan  Saylac.com  Burco - Somaliland

Email:Saylacnews@yahoo.com