|
|
 |
|
| |
Gacansiga Internetka
oo aad loogu baahan yahay magaalada Boorama
Dec,10,2008
Borama(Saylac.com) Magaalada Boorama ayaa hada ka
hor waxa jiray goobo dhawra oo adeega internetka ku
hawl gala, balse in dhawaydba adeegyadaasi
badankoodu ay ka gaabiyeen hawlihii adeega
internetka ee ay bulshadu uga baratey. Sida ay
wararka boorama ka imanayi tibaaxayaa hada waxa
kaliya ka jira magaalada sadex goobood oo internet
Cafe ah tanina waxay cidhiidhi weyn galisey bulshada
isticmaasha internetka oo u badan dhalinyarada oo
aad arkaysid iyagoo safaf dheer ugu jira goobaha
yaryar ee hada adeega internetka laga helo oo ay
fuliso shirkada sida hufnaanta leh u wada adeega
internetka ee African Online oo dadka badankiisu u
bogeen adeega internetka ah ee ay u samayso umadda
baaxada leh ee akhbaarta iyo isgaadhsin ahaanba u
adeegsata internetka .
Marka laga reebo shirkada African online oo sida aan
sheegney ka soo baxday hawshii adeega internetka ay
bulshadda u haysay shirkadihii kale ayaad moodaa
inay gabi ahaanba suuqa ka baxeen iyadoo dadka
badankiisu u tirinayaan cilado ka soo gaadhay
networka ay isticmaali jireen oo aanay turxaan bixin.
Shabakada saylac.com ayaa waxa ka weydiisey
shirkadaha kale ee suuqa ka baxay sababta ay uga
gaabiyeen adeega internetka looga bartey lakiin wax
jawaab lagu qanco kamayna bixin sida ay hawada uga
maqan yihiin.
Muwaadin ku dhaqan magaalada Boorama oo magaciisa la
yidhaa Abdulkadir Rashid A Dugsiye oo la soo
xidhiidhay saylac.com ayaa sheegay in dhalinyarta
magaaaladu in dhawaydba aad u isticmaalaan
internetka iyagoo siyaabo kala duwan u adeegsanaya
sida : Isgaadhsiinta , Aqoonta , akhbaarta caalamka
iyo kuwa maxaliga intaba.
Mudane Abdulkadir Dugsiye waxa uu intaa ku daray
inay dhibweyn oo Internet la'aani soo foodsaartey
dhamaanba dadweynaha macaamiisha u ahaa shirkadahan
Internetka looga bartey, intaana waxa uu ku daray
Mudane Dugsiye " Waxaan kula talin lahaa shirkadaha
wadanka somaliland ee ka shaqeeya adeega internetku
inayna u daymo la'aan inay xarumo ganacsi ka furtaan
magaalada Boorama oo aad loogu baahi qabo adeega
Internetka internet Cafe" Sidoo kale waxa uu
muwaadinkani si gaar ah ugu dhiiri galiyey
ganacsatada gobolka Awdal inay iyaga laftoodu il
gaara siiyaan baahida Internetka oo sida uu sheegay
ay macaash weyni ugu jiri lahaa.
Saylac.com
Borama- Somaliland |
|
|
