|
|
 |
|
| |
Murtida Usbuucan
(Jees deg oo ha war xumaan) by
Abwaan: Maxamuud Cabdilahi Rooble..Dec,14,2008
Seattle(Saylac.com)Murtida Ubuucan (Jees degoo wa
war xumaan) Murtidani waxay xambaarsan tahay micno
aad u balaadhan, waxa dadku isticmaali jiray
wakhtiyadii dadku u badnaa dhinaca baadiyaha oo ay
reeraha miyigu inta badan is dhinac degji jreeen
wakhtiyada guga ee roobku aadka u da'o . Waxa ay
dadku u degi jreen saf-saf iyo daris wanaag iyo
jacayl iyo waliba war kala qaadasho maalin walba
wixii dhacay dadku ay warka ku qala qaadan jireen
marka waagu baryo.
Salaanta ugu horeysa ee ay dadku is weydaarsan
jireeni waxay ahayd sidee lagu baryey-- Khayr baanu
ku barinay idinkuna sidee waagu idiinku baryey --
iyo Ilaahay mahadii .. Habada waxa jirey dad iyagu
JEES ama gaar uga dega dadka intiisa kale oo waxaad
arkaysay reer kaligii taag buur ah degan ama doox
hoostii . reerkaa dadka intiisa kale waxay odhan
jireen waa reer "jees degan" ama waa reer gaar u
degay oo aan lahayn wax daris ah.
Sidaa daraadeed ayuu reerkaasi dadka intiisa kale
uga go'naa akhbaarta iyo wixii dhacay iyo halka
xoolaha loo daaq geeyo iyo wixii aduunka ka dhacay
intaba reerkaasi wuu ka qatanaa. Maalin maalmaha ka
mid ahaa waxa reerihii wada deganaayi ay yesheen gar
aad u balaadhan oo oo khusaysa reerka jeeska
dega laga soo qayb galiyo garta, waayo gartu
waxay ku saabsanayd gabadha odaygan reerkiisa gaarka
u dejiyey uu dhalay ayaa ninkeedii qudha ka jaray
waana in isaga loo yeedhaa si dhibaatada
loo xaliyo Waxa loo direy ergo gaar ah siday ugu
yeedho odayga reerka ugu weyn ee jeeska degay oo ah
odayga marxuumada dhalay , lakiin odaygii ayaa
gurigiisii laga waayey waxayna ergadii gudigii garta
loo xilsaaray ku celiyeen inaanu odaygii joogin
reerkiisa oo uu u socdaalay dhul dheer !!
Gartii ayaa la joojiyey madaama odaygii dhalay
gabadha la dilay aanu joogin waxana la sugay
mudo sadex casho ah intuu soo noqonayey. Fariin ayaa
looga daba diray dhulkii uu safarka ku tagay, lakiin
aanan loogu faahfaahin waxa dhacay waayo kolay wuu
maqlay ayaa la lahaa , lakiin war iyo wacaaltoona
kama hayo geerida dadkoo dhami ku sheekaysanayaan ee
dhacday. waxaanu yimid afar casho ka dib isagoo
daalan.
Intaa markay marayso ayaa hadana mar kale ergadii
loo diray inay usoo yeedhaan odayga gudiga lagu
daray ee jeeska ama gaarka reerkiisii dejiyey,
ergadii markay gadheen gurigii odayga ayaa mid ka
tirsan ergadii la diray odaygii kula kaftamey " oo
miyaanad ogayn hebeloow inay mashaqo balaadhan oo
dil iyo xoolo dhacba geysatey ka dhacday reeraha?"
Maya adeer ma ogi !! maxaa iga danbeeyey adeer ii
warama? ayuu ku celiyey odaygii isagoo indhaha
taagaya sugina kari la dhibaatada dhacday iyo waxay
tahay.
Nin kale oo ergada ka tirsan ayaa odaygii ku yidhi"
JEES DEG OO HA WAR XUMAAN" macnaha xigmadanina waxay
tahay hadaad doonto jees reerkaaga la deg ama wadan
kale oo aan cidina kaa ag dhaweyn oo aad kaligaa
soomaali degan tahay lakiin waa inaad ogaatid wixii
jira iyo akhbaarta maalin walba la sheego kuwa isla
markaana waa inaad dadka ku xidhantaa kana warhaysaa
si adigana lagaaga war hayo.
Gabagabadii iyo gunaanadka murtida usbuucan ayaa
waxay tahay waa inaad dadkaaga meelkasta oo aad
aduunka kaga nooshahay ku xidhantaa dadkaaguna
ogaadaa aanad u tirsan tahay meesha aad joogtana ay
dadku ka warhayaan " Jees deg oo ha war xumaan"
Usbuucyada danbe kala socda murtida usbuucaa iyo
saylac.com
Abwaan: Maxamuud Cabdullahi Rooble
Saylac.com
Seattle
USA
wixii fikir ah ee ku lugleh murtida usbuucan kusoo
dir email: saylacnews@yahoo.com
|
|
|
