Dagaal Beleed ay Beelaha Isaaq
ee tageersan xisbiga Kulmiye ay ku soo qaadeen
degaanka Seemaal ee degmada Baki oo ah degaan
Beelaha Samaroon ay degaan..Oct,28,2008
dhegayso waraysiga
Borama(Saylac.com) Dagaal xoogan ayaa saakay ka dhex
dhacay degaanka Semaal ee degmada Baki. Murankan
ayaa waxa uu bilawday ka dib markii uu Muuse Biixi
uu shaaca ka qaaday in degaano horey uga tirsanaan
jiray gobolka Awdal lagu talo jiro in lagu daro
gobolka Gabiley iyo waliba Gobolka Hargeysa oo
isaguna wada degaano kale oo horey uga tirsanaan
jiray gobolka Awdal iyana in si cadaalad daro ah
loogu daro gobolka Hargeysa. Shabada Salalnews oo
waraysi khaas ah la yeelatey muwaadin ka soo jeeda
degaanka Semaal ayaa waxa uu muwaadinku uu sheegay
inay maleeshiyo beleed u dhashay Beesha Isaaqu ay
weeraro gaadmo ah ku qaadeen degaanka Seemaal oo uu
isagu deganaa. waxa kale oo uu muwaadinkani sheegay
inuu indhihiisa ku arkay niman dirayska Ciidamada
Somaliland gashan oo ku hubaysan qoryaha
darandooriga u dhaci ay handadeen isla markaana ay u
cago jugleeyeen dadweynaha degaanka Seemaal.
" Markii hore waxaanu u qaadanay inay ciidamo
dawlada Somaliland ka socda yihiin balse waxa noo
cadaaday inay Maleeshiyo Beleedyo yihiin dagaal
ogayaal ah markaanu aragnay xaqdarada ay dhukayaga
ku doonayaan ayaanu jilibka u dhignay dagaalkuna
sidaas ayuu ku bilawday" ayuu yidhi Muwaadinka u
dhashay degmada Baki tuulada Seemaal.
Rasaasta la is dhaafsaday ayaa waxa ay socotey mudo
saacad iyo badh ah. waxa kale oo uu Muwaadinkani
sheegay inay maleeshida beelaha Isaaqu burburiyeen
goobihii diwaangalinta lagu waday in gobolka Awdal
isla markaana ay madaafiicda hoobiyaha loo yaqaano
ay ku garaaceen dadweyne guryaha iyo beeraha
degaanada Seemaal ee ka soo jeeda Beelaha Samaroon.
Ilaa hada lama oga khasaaraha ay ka dhashay
dagaalkan ay maleeshiyada Beelaha Isaaq ku soo
qaaday tuulooyin ka tirsan gobolka Awdal . Dhinaca
kale Dawlada Somaliland ayaa ilaa hada aan ka hadlin
dagaalkan qaawan ee Beelaha Isaaq ee tageera xisbiga
Kulmiye ay ku soo qaadeen tuulooyin ka tirsan
Gobolka Awdal.
Saylac.com Borama/Somaliland
Goobaha diwaangalinta gobolka
Awdal oo uu komishanka qaranka J/ Somaliland ku
kordhiyey 11 gobood..Oct,28,2008.
Borama(Saylac.com) Ka dib markii cabashooyin dhawra
laga soo jeediyey habka diwaangalinta gobolka Awdal
loo wado ayaa maanta Komishanka qaranka somaliland
waxa uu cadeeyey in lagu daray 11 gobood oo lagu
kordhinayo goobihii horey uga jiray diwaangalinta
gobolka awdal.
Saladiinta gobolka Awdal ayaa si xoogan cadaadis u
saaray dawlada Somaliland inay ku qanciyaan in wax
laga bedelo habsami u socodka diwaangalinta oo inta
badan dadku saluugsan yahay.
Cabashooyinkaa Salaadiinta gobolka Awdal ay dawlada
u gudbiyeen ayaa waxa la filayaa inay ka danbaysey
go'aankan komishanka qaranku uu gaadhay maanta ee 11
gobood oo u dhaw magaalada Boorama lagu kordhin
doono goobihii diwaangalinta ee horey uga furnaa
degaanada galbeed ee Magaalada Boorama.
Saylac.com
Borama/ Somaliland
Baaq lagu cambaareynayo
dulaanka qaawan ee maleeshiyo beleed tageersan
xisbiga kulmiye ay kusoo qaadeen degaano ka tirsan
Gobolka Awdal..Oct,28,2008
London(Saylac.com) Waxgaradka iyo aqoonyahanada
gobolka Awdal iyo dhamaanba xumbaha bulshada kala
duwan ee wadanka dibadiisa iyo gudihiisaba ku dhaqan
ayaa waxay soo saareen baaq cambaareyn ah oo ay usoo
jeedinayaan maleeshiyo beeleedka tageersan xibiga
kulmiye ee dhul boobka ugu soo duulay degmooyin ka
tirsan gobolka Awdal si loogu daro gobolada Hargeysa
iyo Gabiley.
Baaqan ayaa waxa uu uqornaa sidatan:
Anagoo ah dhamaan qurbojooga reer Awdal iyo waxaanu
aad uga xunahay dulaanka gardarada ah ee Maleeshiyo
Beleedyo ka soo jeeda xibiga kulmiye ee Beelaha
Isaaq ay kusoo qadeen degaano ka tirsan gobolka
Awdal. Waxaanu si wadda jira uga horjeednaa gardaro
kasta oo dulmi iyo dhulboob wadata oo lagula kaco
Beelaha Samaroon ee degaanada koonfur bari ee
gobolka awdal dega .
Dawlada Somaliland waxaanu ugu baaqaynaa inay
talaabo xoogleh ka qaado maleeshiyo Beleedka
hubaysan ee waliba la sheegay inay ku labisnaayeen
hubabka culus iyo dirayska ciidamada Somaliland.
Beelaha Samaroon waa dad nabada jecel ilaaliyana
midnimada qaranka somaliland isla markaana diyaar u
ah inay difaacdaan dhulka ay degaan cidna uga
haybaysan maayaan inay dhiigooda u daadiyaan gardaro
kasta oo lagu soo qaado dhulkooda ayey hadalkooda ku
dareen.
Kulan degdega ayey Jaaliyada qurbo jooga reer Awdal
ku kulmi doontaa maalmaha inagu soo fooleh kulankan
oo lagaga hadli doono aayaha gobolada Awdal iyo
Salal iyo guud ahaan xaalada guud ee Jamuuriyada
Somaliland oo qimayn buuxda lagu samayn doono.
Waxa ugu danbayn si wadajir go;aanada ka so baxa
shirkan Jaaliyada Awdal iskugu iman doonto loogu
bandhigi doonaa salaadiinta iyo waxgaradka ku sugan
wadanka gudihiisa sidii haldhinac looga wada jeedsan
lahaa gardaro kasta oo danbe oo lagula kaco degaano
ku yaala gobolka awdal.
Murankan dagaalka ayaa waxa uu ka danbeeyey ka dib
markii Muuse Biixi uu dhawaan Idaacada BBC da u
sheegay inuu goob doon ugu jiro degaano horey uga
tirsanaa gobolka awdal in lagu daro gobolka Gabiley
.
Maxamed Xaaji
Saylac.com
London, UK
|
