|
|
 |
|
| |
Dhimasho iyo Dhawac dad Rayid ah oo ka dhashay
Madaafiic iyo weerar lagu Sagootinayay Cabdullaahi
Yuusuf..Jun,01,2008 ..Daaawo
sawirada
(Muqdisho:Saylac.com)-Cusbitaaka Madiina ee magalada
Muqdisho ayaa waxaa la dhigay Dhaawacyo dad ku
dhaawacmay Dagaaladii xalay ilaa saakay ka dhacayay
qaybo ka mida Magaalada Muqdisho.
Dhaawacyadaan maanta la gaarsiiyay Cusbitaalka
Madiina ee Magaalada Muqdisho oo ahaa dad rayid ah
ayaa waxaa qaar ka mid ah dadkaasi ay ku soo
Dhaawacmeen dagaal maanta ka dhacay Wadada Makka Al
Mukarama ee gobolka Banaadir kaasi oo u dhaxeeyay
Ciidamada Ethiopia iyo kuwa Dowlada oo isku dhinaca
iyo xoogaga ka soo horjeeda dagaalkasi oo biloowday
xili Madaxweenaha Dowlada KMG Soomaaliya uu ka
dulayay Garoonka Muqdisho Airport.
Shan ka mid ah dadkii ku dhawacmay Dagaalkii maanta
ka dhacay Wadada Makka Al Mukaramay iyo haweeneey
iyana ku dhawacntay Duqeeyn Madaafic ah oo ay shalay
ciidamada Ethiopianka u qeeybiyeen Xaafado kala
duwan ee magaalada Muqdisho ayaa la dhigay qeeybaha
Jiifka Ee Cusbitaalka Madiina sida uu Idaacada
shabelle u xaqiijiyay Agaasime xigeenka
Cusbitaalkasi Daahir Dhere.
Dhaawaca Dadkani iyo dhimashada ayaa waxaa ay timid
kadib markii weeraro kala duwan ay xoogaga ka soo
hor jeeda dowlada iyo Joogitaanka Ciidamada Ethiopia
ee dalka Soomaaliya ay weerar ku qaadeen Wadada
Makka Al Mukarama xili uu halkasi mararayay
Cabdullaahi Yuusuf Axmed iyo Wafdi uu hor kacayay oo
ku sii jeeda Dalka Jabuuti si ay uga qeyb galaan
kulan halkasi uga Furmaya Dowlada KMG Soomaaliya iyo
Mucaaradka ka Soo hor jeeda.
Sidoo kale Xoogaga ka soo hor jeeda dowlada ayaa
weerar loo Adeegsaday Hoobiye yaal waxaa ay ku
garaaceen Garoonka Muqdisho oo uu ku sugnaa
Cabadillaahi Yuusuf Axmed kaasi oo aan la ogeeyn
qasaaraha ka dhashay waxaana uu qal qal soo galay
Safarka Cabdilahi Yusuf Waloow Markii danbe uu Si
nabada ah ku duulay.
Inta badan Dagaalada ka dhaca magaalada Muqdisho
ayaa waxaa ay saameeyn weeyn ku yeelataa Dadka
Rayidka ah ee ku nool Muqdisho kuwaasi oo qaar ay
haleelaan Rasaasta iyo Madaafiicda la isku
weeydaarsanayo Magaalada halka qaar kalena ay xir
xiraan ciidamada dowlada iyagoo u aaneeynaya
weerarada lagu soo qaado, kuwaasi oo lagu hilmaamo
qaar ka mid ah Xabsiyada Magaalada Muqdisho.
Max'ed Ibraahin Raage.
Saylac.com Muqdisho Somalia.
|
|
|
