*****************************************************************************************

Abdiaziz Ali Switzerland

Assalaamu Calaykum
May,30,2008
Marka hore waxan salaamayaa dhamaan bahda shabakada saylac.com iyo ururka Sportiga gobolka isku xil saaray ee Gurmad salaan ka dib:
Anigu waxan ahay nin degan wadanka Switzerland runtii arintaa dhismaha garoonka ayaad ayaan ugu riyaaqsanayn hase ahaatee nasiib daro markii aan yididiilada bilownay oonu dadka intiisa badan gaadhsiinay oo xataa ku nidhi habeen kasta wixii kusoo kordha arimaha garoonka kala socda saylac.com ama gurmad ayuun bay arintiiba hal mar aamustay dadkii aan website yada u qornayna wax hore mooyee wax socda ka waayeen khaladba ha ahaatee taasi waxay na dhaxal siisay inaanu u aamusno sidaad u aamusteen marka waxand ka codsanayaa hawladeenada ururka Gurmad labadan qodob:
1-horta waa farxad labaad mar hadii qorshihii dib loo bilaabayo oo weliba dar dar la gelinayo oo xataa telefonadii lagu kulmi jiray hadaanay suurto gelayn in website-yada hawshu ka socoto sidii horeba ay uga socotay saylac.com oo kale ee aan la isla wada aamusin ilaa la dhamaystirayo lacagta ku baxaysa dhismaha garoonka ood ku qiimayseen100.000$-150.000$
2-In qaabka garoonka loo dhisayo iyo naqshadaba lasoo geliyo website-yada waayo dadku waa indho ku garaadle qaar waxa jira aan Booramaba arag oo wixii halkaa loo soo geliyo aaminaya.

ugu danbayntii waxad leeyahay bahwaynta ururka Gurmad aad ayaad ugu mahadsantihiin hawshan aad isku xil saarteen inkastoy laa shukra calal waajib tahay dee Gurmadow hadii garoonkii ugu horeeyay wakhtigaa qaatay kuwo kalena xilimaa la dhisi?

Wassalaamu Calaykum
 

Gurmad Staff: Walaal adigaa mudan  dadaalku ma yaro idinkuna intaad ku joogtaan wadanka Switzerland isku abaabula sidii hore gacmo wadajirbay wax ku gooyaan dadaalka waanu laba-laabaynaa Insha Allah  Ilaahayna wuu inoo fudaydin doonaa inaan ku guulaysano dhamaystirka garoonka iyo kuwo kaleba. Amiin
*******************************************************************************************

1-Cabdilahi Ali Aden Germany:

Waxaan akhriyey warsidaha gurmad waana qorshe sahlan in ninwalbaa yeelo jeebkiisu wuxuu awoodana ugu deeqo garoonka , lakiin
waxaan isweydiiyey hadmaa la bilaabi doonaa lacagta la ururinayaase ma sidii tii hore ayuunbay meel fadhiisan doontaa?

Gurmad Staff: Maya walaal lacagta la la ururiyey waxay meel u fadhidaa dhaqaale kale ayey sugaysaa waxana xusid mudan in
ururka gurmad uu yahay ururka kaliya ee inta tariikhda la ogyahay yahay ururada wadaniga ah ee gobolka iyo somalilandba ka
jira soo bandhigay deeqdii ay ururiyeen ilaa hadana ay dadku ka arki karaan sanduuqii lagu riday inay lacagtii taalo iyadoo
xisaab cad ah, Sidaa awgeed hadii uu ururku helo dhaqaale kale oo ku siyaada sanduuqa waxay taasi suurto galiin doontaa in ay
garoonka dhamaystirto hawshuna bilaabanto iyadoon mudo kale lala sugin .

*******************************************************************************************
Hasan Abdirahman Dahir London UK

Anigu waxaan ahay muwaadin ree Somaliland ah oo degan magaalada london kana soo jeeda Magaalada Hargeysa markaa waxaan
jecelahay inaan ogaado garoonkan ma jaaliyada Awdal ayuunbaa dhaqaalaha iska ururinaysa mise Jaaliyadaha Somaliland. Hadii ay
ka dhaxayso Jaaliyada Somaliland waxaan diyaar u nahay inaan inamada garoonka u dhisno anagoo garawsan inay isku soo
dhawaansho ka dhex abuuri doonto dhalinyarada Jamauuriyada somaliland ku nool ee ciyaaraha xiseysa iyo guud ahaan bulshadaba
. Markaa ii soo kala cadeeya inay idinka ama Awdal ku kooban tahay iyo inay cidwalba oo Somaliland ku dhaqani ka qayb qaadan
karto?


Gurmad Staff: Marka hore walaal aad ayaad ugu mahadsan tahay wakhtiga aad siisey inaad noogu soo qortid su'aashan oo dhab
ahaantii ah mid ahmiyad weynn leh dadka badankiisuna isweydiinayo. Jawaabta oo koobani waxay tahay cidna kama xidhno
dadweynaha , ganacsadata , Aqoonyahanada Jamuuriyada Somaliland cidii danaynaysa horumarinta dhalinyarta iyo ciyaaraha oo
dhan way u furan tahay inay ka qayb qaataan dhismaha garoonka Xasan sh. Muumiin kuna soo dhawow asxaabtaadana sidaa gaadhsii
. waanad mahadsan tahay.

******************************************************************************************
Omar Yusuf Holand;

Dabayaaqadii sanadkii inaga tegay ee 2007 ayaanu dhalinyar badan isku urursanay si aan gacantayada uga geysano dhismaha
garoonka Xasan Sh. Mumin lakiin wax daba gal ah markaanu weynay waa lakala yaacay halkiina midkaayo kamuusan soo qaadin
ismana weydiin . Eega markaan arkay qoraalkan Warsidaha Gurmad waxaan isweydiinay maxaa soo kordhay maxayse mudadaa intaa
leeg u aamuseen . hadaba ma ii faahfaahin kartaan barnaamijkiinu wuxuu yahay iyo sidaad u bilaabaysaan dhismaha garoonka
dadkuna waxaan qabaa inay idinku tageerayaan hadii ay arkaan qorshe cad oo aad ku dhisaysaan garoonka . waxaana halkan
idiinku mahadcelinayaa sida aad u xafideen lacagihii hore ee aad ururiseen oo aan aniga laf ahaanteydu aan la hadlay riraash
uuna ii sheegay inay taalo dahabshiil waa guul walaahi amaanada ninka dhawra in la garab galo gabagabo iisoo sheega qorsha
aad haysaan ee garoonka .?


Gurmad Staff: Marka hore salaan ayaanu ku soo diraynaa walaal. Marka labaad hadii aad marka hore ku talo jirteen inaad
tageero ka geysataan dhismaha garoonka, hadana halkii ka wada . Jawaabta Su'aashaada oo gaabani waxay tahay; Qorshaha
mashruuc waxa dedejiya ama dib u dhiga hadba sida dhaqaale loogu helo. Garoonka dhaqaalaha lagu dhisayo waxa lagu qiyaasay
ilaa $100.000 hadana waxaanu haynaa $18,000 markaa waad garan kartaa faraqa u dhexeeya qorshaha gurmad wuxuu ahaa in horeyba
loo dhiso lakiin duruufta dhaqaale ayaa dib u dhigtey dadka ayeyna ku xidhan tahay inay xiweyn iska saraan dhismaha garoonka
oo ay eegaan ahmiyada dhalinyarada uu u leeyahay anaguna dadka ayaan ka mid nahay horseedna waxaan ka noqon doonaa inaan
socodsiino sida ugu dhakhsiyo badan ee loo dhamays tiri karo garoonka .

**************************************************************************************
Gini Jamac USA
Gabdhaha iyo dumarka ayaa mashaariicda inta badan socodsiiya waxaanad moodaa inaa xaga haweenka aad isha ka dul lalisaan
markaa ururkiina ma ku jiraan Haween xubno ka ah oo aan haween ahaan ula xidhiidhi karno si aan rayi wadaag iyo wada shaqayn
aanu ula samayno . Suaasha labaadi waxay tahay garoonka ma wiilal ayuunba loo dhisayaa mise haweenkuna meelbay ku yeelan
doonan ay ku ciyaaraan ciyaaraha kala duwan .


Hadii aad haysid rayi ama talo amase deeq aad rabtid inaad ugu deeqdid garoonka la soo xidhiidh saylacnews@yahoo.com